سؤال وجواب سؤال لأهل الرياضه والرجيم

[أبوأحمد2010]

ياجماعه فيه حزام حراري للمعده نلفه علي البطن ويطير الكرش
تعرفونه ؟
اذا تعرفونه فهل له اضرار او غير مفيد
ولا ماله اضرار ومفيد
طبعا هو يخلي البطن يعرق حيل

وشنو الأكل الي يطلع الكرش وبتعد عنه
وشنو الأكل الي تنصحوني فيه وطبعا مايطلع الكرش

 

[ابو عبدالرحمن العازمي]

افتك من السكريات يرزقك الله ككاويات ومشروبات غازيه وحلويات والامور هذي راح تلاحظ نزول وزنك وما وصيك بالممشى والله يعينك ان شاءالله

 

[q8gym]

السلام عليكم


اخوي اللة نزلني من السما لك


شوف نكي وشوف الصور الي حاطها والتوقيع

رياضة في رياضة


اخوك خبرة 6 سنوات رياضة حديد + جري

الكرش ماتروح الي بطريقة وحدة تفضل

1- يكون عندك عزيمة واصرار وتكون صامل
2- تمارين معدة 100 عدة باليوم او الي تقدر عليه
3- القااااااااري 30 دقيقة اقصي سرعه ابيك تعرق
4- الدرج جهاز الدرج اذا موجود عندك بالنادي
5- تاكل روب قبل النوم ويكون الروب عشاك !
6- تبتعد عن السكر والنشويات وتقزرها خضروات وفواكة ومشويات بس !
7- تسمع كلامي الي كاتبة ولك مني تنزل الكرش بعد 3 شهور نهائي !

 

[شاطىء الأمان]

تقول الدكتورة فوزية العوضي خبيرة التغذية بمستشفى الصباح

ان من اسباب ظهور الكرش هو تناول صنف واحد على الغداء رغم تنوع اصناف الطعام على المائدة

بمعنى اخي الكريم ... ان تتناول من جميع الاصناف الموجودة على المائدة وتمتنع طبعا من تناول المشروبات الغازية والماء اثناء الاكل اضافة الى ما تفضل به الفاضل q8gym

بعدين يا اخي الكرش وجاهه ​

 

[عـــــبدالمــــــلك]

عليك بالخبز الاسمر الخفيف...وادعيلي

 

[ليله ويوم]

الحزام الحراري​

يؤثر على الكلى وقد يسبب الفشل الكلوي​

وبعدين شفيه الكرش ​

ماسمعت المثل اللي يقول ( الرجل بلا كرش كالملك بلا عرش )​

و ( رجل بلا كرش ما يسوى قرش )​

و ( من كرشته الناس حبته )​

انا صراحه ما احترم المدير الا اذا كان مو مكرش​

في اي اداره بالدوله​

 

[Aragon]

الحزام الحراري كله تأليف..

خل أكلك صحي.. تريّق ريوق خفيف.. وغدا بسيط.. و تعشا مبجر.. و اشربلك عصير بين الوجبات أو اكل فاكهة أو روب أو جاي أخضر..

قلل الدهون و السكريات.. لا تقطعهم مرة وحدة بس خفف شوي شوي..

امش.. اول مرة امش ربع ساعة.. وكل يوم زيد دقيقة ليما توصل ل40 دقيقة.. وبعدين استمر على 40 دقيقة..

دخّل الخضروات بوجباتك كثر ماتقدر.. سلطات,, خضار سوتيه.. أو خضرا عادية فريش

وموفق