على فكره ؟؟ العموم يعتبر الكويت دوله مؤقته .. والدليل بالصور ..

[كاسك يا وطن]

اي نعم الكويت دوله مؤقته .. الكل ياكل منها ..
وانا ابصراحه ما الومهم .. لأنهم بيوم من الايام اقعدوا من النوم ..
لقوا كل شي رايح منهم .. حلالهم .. اموالهم .. املاكهم .. دولتهم .. كل شي بلا استثناء ! ..

فـ نحن الدوله الوحيده بالعالم .. اللي يتم الاعلان عن وظيفة مفجر وبالجرايد الرسميه ..
وجدام العباد والبلاد ! ..
طيب شنو تبي تفجر بالضبط بالكويت ؟؟

واكبر دليل على هالشي ؟ بوقت الغزو ..
في كويتين .. خانوا وطنهم .. وباعوها بسعر اتراب ..
وكأن هدفهم بالحياة .. هو : البيع لأعلى سعر ..

واذا طفت الكهرباء بإي منطقه ..
يقومون المباحث والشرطه .. يمشون بالشارع .. ومعاهم السلاح ..
كل هذا خوف .. ان لا يتم حفظ الامن والامان في البلاد ..

** الصوره اخذت من منطقة الجهراء**

وفي ناس - حثاله - ما يحشمون .. لا صغير ولا اكبير ..
واكبر دليل هالسالفه الخايسه اللي اطلعت من جريدة الوطن ..
واحد كلب بن ستعش .. ايسوي حركه وصخه !

عسى ماشر ؟؟ انت يا - طايح الحظ - اشقصدك من هالحركه هذي ؟
واشلون الجريده تطبع اصدارها؟ والصوره فيها .. وتنشرها على كل بيت ؟

بس الحين عندي سؤال ..
الواحد لـ راح علاج بالخارج .. ايروح على حساب الدوله ؟
ولا على حساب العضو ؟

يرحم امكم .. حلبتوا الكويت .. !


تعالوا خلونا نتكلم اشوي عن الاحداث الاخيره اللي صارت بالكويت

ندش محطة بانزين .. ما نلقى فيه بنزين ..
شنو ؟؟ خلص النفط مثلا ً ؟؟

عيل اشفايدة الخصخصه ؟ اذا انا للحين انزل واعبي السياره بنفسي ؟؟
ولا عشان ان تبيعون البلد مثلا ً ؟؟

وان بغينا نتكلم عن اعضاءنا ؟؟

شوفوا عضونا المبجل .. اشلون قاعد ..

يا اخي .. انت بمؤسسه تشريعيه .. اشرايك تنشكح بعد ؟؟

وانشوف الضحك .. والابتسامه .. من الشق للشق ..
بسكم تمثيل ..

ويقوم صاحبنا .. ويحذف القلاص ..
عاد انا اول مره اشوف .. حرب ما بين الاعضاء الحكوميين .. كككككككك

انزين لحظه لحظه ؟ ليش مغطي بالبشت ؟ خل نشوف ..

واتقوم تمشي بالشارع .. اتشوف شغلات غريبه عجيبه ..

شرطي راكب سيكل كككككك

وهذا شرطي ثاني .. واقف يم وحده لابسه بس شسمه
اي اشرايك بعد اتقوم اتصور معاها ؟؟
قوم .. اخمطها .. واحذفها بالدوريه ..

** لحد يركز بالصوره **

اموت واعرف ..
جم واحد انذبح .. غير محمد الميموني ؟؟
اللي تيتمت بنته .. واهي للحين طفله !

منو يذكر بسنة 59 .. يوم كان رئيس الشرطه.. القطامي ؟
يوم انه رفض انه يقمع مظاهره ..
وكان عذره؟ ان الشرطه في خدمة الشعب .. وليس في ضرب الشعب ..!
وبالنهايه ، قدم استقالته لأنه رفض تنفيذ الاوامر..!

الا على الطاري ؟ ليش الفتره الاخيره انشوف سالفة السنه والشيعه زادت ؟
يعني ..

سني يخترق موقع شيعي ؟

ايقوم شيعي ويخترق موقع سني ..

طيب وبعدين ؟ شاللي تبون توصلونه بالضبط ؟
نسيتوا .. المقوله الشهيره ( فرق تسد ! )

شوفوا المصريين .. وتعلموا منهم معنى الوطنيه ..
يوم صارت الصجيه ؟ كل واحد قدم كفنه للوطن ..

وبالكويت ؟ كل واحد شعاره " من صادتها .. عشت زوجها "

يبه تدرون اشلون ؟
تعالوا خل نسمع يباب من الهانم ..

تحياتي لكم
كاسك يا وطن
​

 

[bujassim]

:كأس:ياوطن

 

[المشعان2]

أحب بلادي حب(ن) عظيما - لها في قلبي نسب(ن) عريق
ولاكني أعاتبها اذا مارأت - عيني أمورا لاتطيق
وقد يشفي غليظ القول داءا - اذا لم يشفه القول الرقيق

 

[جهينه]

الله يعطيك الصحه والعافيه وشكرا لجهدك
والله ياخوي احنا الفقاره مالنا غير الكويت الله يحفظها
وانا معاك ان البعض باقوا البلد وامنوا مستقبلهم بالخارج

 

[المشعان2]

مالنا غير هالوطن ومال للوطن غير أبنائه ......
شوفوا مصر وين وصل اليأس فيهم وبلحظة حصل التغيير او من كان يتصور التغيير في ليبيا أو حتى تونس الغالبية ياست لكن بلحظة أتى أمر الله ولامرد له فحصل التغيير للافضل تفاؤلوا وبيدنا باذن لله يحصل التغيير للافضل وناصر المحمد لابد له ان يرحل ولابد لمحمود حيدر وأزلامه من الرحيل عن وطننا عاجلا أو آجلا باذن لله تفاؤلوا

 

[سونار]

قفشات وصور ممتعة

شكراً لك

 

[سياسي - شعبي]

تسلم ياوطن على الرشفه من الكاس​

:وردة::وردة::وردة::وردة::وردة::وردة::وردة:​

 

[كويتية_ولي_الفخر]

هذي المواضيع اللي ترفع الضغط و تييب لنا الجلطة تالي الليل

بس اللاسف صاج بكل كلمة قلتها

لا اتيببون اليباب

 

[بن ذى يزن]

فؤاد الهاشم: الكويت شركة مساهمة لكن الكل يريد «تفليسها»!


تحياتي الى المواطنين

 

[حسين]

كاسك ياوطن :إستحسان:

ابدعت في فن " الكوميدياء السوداء "​

 

[ساهر الليل]

الله يرحم الحال ياكويت

فديتج​

 

[اخو هدلا]

ابدعت اخي العزيز

ولكن حفظ الله الكويت واصلح حالها​

 

[الكويت أولا..]

ابداع كاسك ياوطن

 

[بنت القبايل]

اللهم احفظ الكويت من كل مكرووووووه



لا حول ولا قوة إلا بالله



صووور مأساوية

 

[king]

كاسك يا وطن ارجع لسابق رودي لمواضيعك تجد انني معجب بطرحك الراقي

فعلا كلام وصور كثيره تجبرنا على اعادة قراتها مرات عده لاننا نقرأ لا نستوعب و المشاهد قد تتكرر لاحقاً

واصل ولنا عوده

 

[وجودى ضرورى]

العموم يعتبر الكويت دوله مؤقته

جبتها بالصميم تشكرات ياخى العزيز

 

[سلامات]

يعني انت شايف موضوعك هذا يدل على ان الكل يعتبر الكويت دولة مؤقته

لووووول

ربما تريد ان تقول شيء معين من ضمن الالبوم الفكاهي اللي حاطة لكن صدقني موضوعك تافهة اوتهام وقح للشعب الكويتي بعدم الوطنية كما انك تحمل نفس استعلائي وكأنك انت الشخص المثالي الوحيد في هذا البلد

 

[رُبـّـمــا انتصار المعتوق]

الكويت ليست دولة مؤقتة وإن تمنى الأفاعي ذلك ..
الكويت ليست دولة مؤقتة وإن تمنى الأحصنة ذلك ..



الكويت بإذن الرحمن الرحيم ثم بسواعد ابنائها النبلاء باقية إلى قيام الساعة ..


إن كان يوجد بالكويت شيء مؤقت فهم أولئك الذين يجلسون دوماً على أطراف التصيد بالماء العكر ..
إن كان يوجد بالكويت شيء مؤقت حتماً ليست هي كوطن .. يا .. كاسك يا وطن ..
إنما كل أولئك المشعوذين السياسين وعامة الحُساد ..



الكويت بإذن الله تعالى باقية رغم أفنس أنف .. وأقصر قامة وطنية ..

الله يحفظج يا كويت ..:وردة:
ويرد كيد كل من اراد بك سوء في عاموده الفقري ليتعلم الزحف الانتمائي على اصوله ..






تشويه صورة الوطن الذي يُدثّركم لن يزيدكم إلاّ رماد ..





معلومة قد يجهلها من يناضل من تحت اللحاف اللا وطني :

الكويت قمر تعشقه السماء ولن يلتفت أبداً لعواء الذئاب ونحيب العباءات !!​

 

[أبو أسامه]

سديق مو بالكلاااااااااااااام مو بالكلاااااااااااااااام
شكريا

 

[عامر بن صعصعة]

ردي عليك شوف الرابط هذا هي موسيقي

وعيد شوف الصور مع الموسيقي

http://www.youtube.com/watch?v=H2-1u8xvk54

أنقهر عندما اشوف دول ليس لديها امكانيات الكويت المالية وسبقت الكويت في عدة مجالات

اخي الشغله مو من اليوم وليس من امس ولكن من زمان يسمونها في محاضرات العلوم السياسة
دول نفطيه اي ارتباطها بالنفط فقط لا غير

حسافة عليج ياكويت :باكي: