سؤال وجواب بخصوص البونس ( عاجل )

[الجوكر العظيم]

السلام عليكم

الاخوة المجاوبين عندي سؤال مهم و اكيد فيكم الي يقدر يفيدني
انا هالسنة ما جاني بونس و هذا يعني ان تقديري اقل من ممتاز
اعتقد انه وقع علي ظلم او كان هناك محاباة لغيري علي حسابي
ابي اسال عن التظلم
هل سيفيدني تقديم تظلم ام لا ؟
علما باني في جميع تقديراتي السابقة احصل على تقدير امتياز

تحياتي

 

[سايروس]

نعم كتاب التظلم يفيدك
بس اهم شي ملفك ابيض مافي انذارات وتغيبات
موفق خير ​

 

[بقيييط]

انا عبالي بوس طلع بونص

اما ماحطوك تقدير جيد او عليك غيابات او طبيات

اذا انت في وزارة الكهرباء مانزل لحد الحين الا بنك التمويل باقي البنوك مانزل حسب كلام الشباب ​

 

[إنكشاري]

قانون الخدمة المدنية الخاص بالتقييم اطلع علية http://www.csc.net.kw/thirddoc.htm#s3

 

[عــذوب]

انا جذي ماخليت خقي رفعت تظلم وحسبو الطبيات كات زايده عندي

وكنت صاكه لي هوشه مع موظفات حاميت الوطيس فيها ضرب وشغل عدل

وخذيت عليها انذار وخصم .وقالو عينج قويه رافعه تظلم وارفع تظلم ثاني للمحمكه الادرايه موجوده بكل شوؤن قانونيه ولاني اشتغل واكرف .تالي خذيت الامتياز غصبن عن شواربهم هالحجي العام .السنه هذي
عطوني الامتياز بكرامتهم لاني يعرفوني اوصلها معاهم لابعد مدى على قولة مسلم البراك .......وسلامتك

 

[خلك طبيعي]

ماضاع حق وواراه مطالب قدم كتاب
واحد من الربع العام قدم كتاب وخلال اسبوع جاه البونس

ت

اذا انت في وزارة الكهرباء مانزل لحد الحين الا بنك التمويل باقي البنوك مانزل حسب كلام الشباب ​

نزل أمس كل النوك

 

[بقيييط]

ماضاع حق وواراه مطالب قدم كتاب
واحد من الربع العام قدم كتاب وخلال اسبوع جاه البونس



نزل أمس كل النوك

نعم نزل وبعد مانزل للباقي اليوم انشالله

 

[مباشر]

اخى الجوكر
الامتياز يساعد على الحصول على البونص
وكل هل طبيعه عملك بها بونص
لان مو كل موظف يحصل على امتياز له بونص وزارى

طبيعه العمل تحدد

 

[الجوكر العظيم]

جزاكم الله خير على اجاباتكم
بالنسبة للتظلم عرفت ان البونس يعطى على تقدير السنة الماضية

شكرا لكم