سؤال وجواب سعر بيت 150 الف ؟؟

[Sandy]

صباح الخير
اللي عنده خبرة ,,, احصل فيلا صغيرة دورين سعرها 150 الف ؟؟
و بأي منطقة ؟؟
ولو ابي فيلا صغيرة دورين جم احصلها تقريبا ؟؟
ومشكورين مقدما

 

[ليله ويوم]

150 الف


تشتري لك بيتين حكومه بالظهر






​

 

[سطام الظفيري]

العقار بالجهرا له مستقبل كبير ومضمون بعد الله

بعد جسر الصبيه راح ترتفع اسعار العقار عندنا

نصيحتي لك خذلك بيت بالجهرا بـ 120 الف

والـ30 الباقيه حطهن بجيبك


وسلامتك :وردة:​

 

[kwt.store]

روح لمكاتب العقار

 

[وليد العتيبي]

150 الف معاج كاش

انصحج بزيارة بيت التمويل

وراح يقدم لج النصايح وخاصه اذا كان الاتجاه أستثمار

بالتوفيق

ملاحظه : أغلبية اهل المكاتب العقاريه لا ذمه ولا ضمير وبالاخص مع النساء دربالج منهم

لان ممكن يبيعون لج منزل وياخذ العربون ويسجل البيعه بدفتر مزور وياخذ العربون وينحاش

 

[وليد العتيبي]

رايي الشخصي تشترين بيت 3 ادوار بغرب الجليب ويكون في شقتين ايجارهم 500 دينار

وتاخذين قرض عن طريق بيت التمويل برهن البيت وايجار الشقق قسط البنك

معاج 150 ينقصج 60 او 50

النصيحه روحي بيت التمويل وقولي معاي 150 الف كاش وفي بيت قيمته 210 وبشتريه وهم يعطونج التفاصيل كامله مع اخذ بالحسبه الايجار قسط للبنك

 

[mr.3uidl]

اخذي بام الهيمان

 

[ابوهارون]

اخوي والله ما اعرف الاسعار
بس دير بالك من محلات العقار لنا لهم فايد والفايد فوق سعر البيت
والله يوفقك بالبيت العامر ان شاء الله

 

[صاحبة قرار]

بيوت حكومه تحصلين 140 و145 150 في العارضيه والفردوس وصباح السالم وام الهيمان

واذا تزيدين فليساتج 20 الف او ثلاثين الف (تورق من التمويل)

تقدرين تشترين ارض بالعقيله او المنقف بحدود 130 الف مساحتها 375م مربع

وبالباجي تبنين دورين وكذا تكونين حصلتي فيلا بمنطقه حلوه وجديده وبسعر كويس