سؤال وجواب بخصــــــــــــــوص مكينة الاسبريسو

[0utsider]

صبحكم الله بالخير جميعا ،،،،،،،،،،،،،،،،،،،


ياشباب ،،،،،،،


لو تكرمتم مشكورين ،،،،،،،، منهو منكم يعرف نوع مكينة اسبيريسو ماشين (( مالت القهوه )) espresso machine،، تكون ماركه ممتازه ،،،،،،،،تحضر قهوه بطريقه مو طبيعيه ،،،،،،،،،،خاصة القهوه الفرنسيه والكابوتشينو والموكا ،،،،،،،،،،،،



يعني ماهي احسن ماركه برايكم ،،،،،،،؟؟؟

واين تنباع عندنا ،،،،،،، ؟؟؟؟


شكررررررررررا للجميع مقدما ،،،،،،

 

[بقيييط]

ماركة رسلان او السيف

او دور البغداديات حلوه
​

 

[0utsider]

ماركة رسلان او السيف ​

او دور البغداديات حلوه​

دحمووووجه


انت شقاعد تقول ،،،،،،
وين القاها شتطلع هذي
وهل سبق ان جربتها ،،،،،،،،،،،،،،




ياجماعه :باكي::باكي:
مايصير
ارجو الاجابه بسرعه انا ماصدقت صار لي خلق اروح اليوم العصر ،،،،،،،،يعني محد يعرف شئ عن هالمكاين الا دحموووووجه ،،،،،،،،، مشكور يابقبييييييييييييييييط ماقصرت حبيبي ،،،،،،،،،،،،،

شفيكم
وينكم ،،،،،،،،،،،،،:إستنكار:

 

[Normal]

اعتقد موجوده هالمكينه بالغانم وايكيا

ولكن بالنسبه لافضل نوع ما عندي فكره غير ان الايطاليات اجودهم

واسعارهم ما بين الـ 70 والـ 300 دينار على حسب الحجم والنوع

واذا تبي رخيصه وتتعلم عليها .. انصحك بسوق الجمعه

 

[0utsider]

اعتقد موجوده هالمكينه بالغانم وايكيا

ولكن بالنسبه لافضل نوع ما عندي فكره غير ان الايطاليات اجودهم

واسعارهم ما بين الـ 70 والـ 300 دينار على حسب الحجم والنوع

واذا تبي رخيصه وتتعلم عليها .. انصحك بسوق الجمعه

مشكور والله يانورمال ماقصرت ،،،،،،بروح ان شاءالله اليوم او باجر الصبح للغانم ،،،،،،اليوم والله جنها غبرت ،،،،،بس انا خابر (( ايكيا )) يبيعون كراسي واثاث ومكاتب وقلاصات وهالسوالف ،،،،،، ماني خابرهم يبيعون مكاين قهوه ،،،،،،،،،،،،،،،،،:وردة:


اما سوق الجمعه مخلينه حق التمشي اذا حاشتنا ضيقة عصاري الجمعه ،،،،، اما نشتري منه مكاين لايحوووووووووووشك ،،،،

 

[عبدالله .]

عندي ماكينة nespresso للأمانة جايتني هدية
سعرها بـ 140 تقريباً
بمجمع 360
مو طبيعية ويعطونك اصناف متنوعة مجانا ً اول مرة للقهوة

هاذي صورتها

 

[0utsider]

عندي ماكينة nespresso للأمانة جايتني هدية​

سعرها بـ 140 تقريباً
بمجمع 360
مو طبيعية ويعطونك اصناف متنوعة مجانا ً اول مرة للقهوة​

هاذي صورتها​

مشكور عبدالله
لقيت نفس مكينتك هذي امس بيوريكا ،،،،،بالشويخ ،،،،
ولقيت انواع كثيره بس احترت مدري اي وحده آخذ ،،،،،،
راح ارد لهم اليوم ان شاء الله واما اني اخذ نفس مالتك او اخذ كينوود ،،،،،،يقولون بعد خوش ماركه ،،،،،،، شكرا عزيزي ،،،،،،،،،،،،،

 

[Org]

تبي خوش قهوه عالرمل ..

روح البلوكات فوق صوب خياط كريم

في واحد لبناني يسوي قهوه فرنسيه عالرمل بصراحه طعمها خيالي المره الجايه بطلع دشاديشي بجرب التركيه عالرمل

المحل عالدرج وانت صاعد للخياطين

 

[الساخر]

خوش سؤال

اخوي ما انصح ب nespresso بالنسبه لي من اسواء صانعات القهوه صحيح انها سهله وغير معقده وخفيفه الوزن ولكن كل هذا لا يكفي مع الطعم
انت تبي طعم القهوه فقط
عليك ب delonghi وكيلها بالكويت اليوسفي ولكن اليوسفي ياخذ الدبل او اكثر من الدبل بدون مبالغه هذا غير الصيانه التعيسه عندهم
السعر من 150 - 600

 

[0utsider]

ديموقراطي بحت ،،،،،،،،،،، الصراحه مدري شقاعد تقول ،،،،،،،، لكن خلاص يبا ،،،،، بجرب راح اروح ان شاء الله هاليومين حق البلوكات ونجرب القهوه اللي قلت عنها ،،،،،،، بس المشكله ان مالي خلق كل شوي اروح ،،،،،



اخونا الساخر ،،،،،،،،،،،،، والله كلامك مضبوط ،،،، بس للاسف ،،،،، خلاص يبا طقينا لنا وحده جديده ،،، والحين شغالين عليها ،،،،،،،،،حسافه ردك جا متاخر ،،،،،، مالنا حظ ،،،،،، بس يالله شنسوي بعد ،،،،،

مشكورين ياشباب ،،،،،،،،،،،،،،،،