مناظر ترد الروح دخلتني في جو خاص :قلب:
سويسرا أشهد أنها تبري العله ولابد من أقتحامها
يا جماعه الى متى الكويت حر وغبار (اللهم لا اعتراض) ومجلس أمه يرفع الضغط وسياحه فاشله؟؟ أه يا القهر ليتني سويسري من بطن سويسريه قسم بالله لدق خيمتي في هالأرض الخضراء وأتسدح وأتبطح على العشب على طول السنه وأجيب أبلنا من النعيريه تسليني في سويسرا والجهاز مغلق
بيض الله وجهك يا العازمي على هالتقرير الطيب والحمدلله على سلامتكم :وردة:
والله متعتنا صحيح وونستنا بالصور الجميله
عسى ماكلفت عليك كثير الرحله الجميله
انا كنت اتابع اسئلتك يوم كنت محتار وين تسافر قبل 3 اشهر تقريباً
الحمدلله على السلامه بس نبي منك تكتب عن الرحله بالتفصيل لآني بروح السنه الجايه انشاء الله
بالتفصيل يعني كم الإيجارات والسيارات والقطارات والأماكن اللي رحت لها
بسرعه اكتب قبل تنسي من الحر اللي بالديره ههههههههه
ودمتم سالمين:إستحسان:
:باكي: والله شفت الصور طلعت شخصيه وانا ما كنت ناوي احط تقرير لو اني ناوي جان حطيت تفاصيل التفاصيل
هالصوره رووووووووووووعه شوف الغيم ماشاء الله الغيوم ركاميه غنيه <من الشفحه صرنا خبراء طقس رحمتك يارب ........
تسلم ايدك على هالتقرير الطيب
ووين الوعد ؟؟؟؟؟؟؟؟؟؟وين اسواااااااق باريس ؟؟:باكي:
واذا عندك صور العاب الكبار بدزندي لاند .ياليت تحطها اذا مافيهاا كلافه
بوعبدالرحمن الفاضل.. الحمد لله على السلامة
بغيت الله يرضى عليك خدمة منك خصوصاً ومن الزملاء الأفاضل عموما..
وجهتي طال عمرك بتكون ان شاء الله لسويسرا - بس سويسرا - وناوي اقعد بحدود الشهر ان شاء الله هناك..
أبي تقوللي لو اتكرم..
هل انت سويت الفيزا عن طريق مكتب؟ اذا الجواب نعم.. أي مكتب.. مكانه.. رقمه؟ (مو مهم جم بياخذون)
لأني سمعت ان السالفة فيها ملطشة بسفارة سويسرا (تدقيق في الطلبات.. موعد.. صالة مترين بأربعة.. طوابير نطرة.. شمس.. الخ)
طبعاً كل هالشعائر اذا بخلصها بدون مكتب..! (ومكتب القبس مثلاً مايخدمك الا بسفارة فرنسا وايطاليا والمانيا)
بالاضافة الى ان عندي أشغال وعندي سفرة غير سفرة سويسرا هاليومين..
فهل يوجد مكتب معترف فيه عندهم يخلصني من هالأرف؟
مشكور مقدماً وجزاك الله خير..
.
ع العموم معذور دام انك ماكنت ناوي تحط التقرير
وان شاء الله بالجايات
اشكر ع التقرير الاكثر من ممتاز:وردة:
صباح الخير ابو عبدالرحمن
ماذكرت وين سكنت في سويسرا واسامي الفنادق ومنين استأجرت السياره
وخلك كريم واعصر مخك عدل
ودمتم سالمين:إستحسان:
الله يسلمچ اختي شتات الورد ومشكوره واسعدني مرورچواااو خوش تقرير وخوش صور تسلم ايدك والله يتمم عليك يارب وتعيدونها انشاالله
شـ هالزييييييين شـ هالزييين ، خوووش شي روووعة روووعة ما شاء الله لا قوة الا بالله
الله يهنييييييييكم
لآ مبين تقرير متعوووب علييييه و خوووش سفرة
مشكووور يا بوعبدالرحمن ع التقرييير الأكثر من رووعة ،
:وردة:
الله يسلمك واسعدني مروركماشاء الله صووووور روعه
الحمد لله ع السلامه
الله يسلمك ابو عزوز ومشكوووور على الرد الحلوابو عبدالرحمن الف حمدالله علي سلامتك وسلامت الاهل
وفعلا تقرير فايف ستار وبيض الله وجهك يالغالي
وخووووووووووووووووووش صووووووووووووووووووووووووووور
ولاهنت يالامير
الحمدلله على السلامه بوعبدالرحمن
تقرير وسرد رائع والصور اروع
فعلا سويسرا بلد الجبال والجمال
هي واختها النمسا من احلى دول اوروبا من حيث الجمال واخلاق الشعب
بس انت ماشاءالله رحت احلى الاماكن واروعها
الحمدلله عالسلامة يابوعبدالرحمن
تقرير روعة وصور اروع وسرد مميز
كل ماكان التخطيط متعوب عليه قبل السفرة
كل ماكانت السفرة احلى وامتع
وهذا اللي انت سويته لما استشرتنا قبل السفرة
بالنسبة لموقفك فعلاً لاتحسد عليه
بعز الثلج ناسي الجاكيت ههههههه
عسى مريت المطعم الهندي اللي بأنترلاكن
في بحيرة بين انترلاكن ولوزيرن اسمها lungern مريت عليها ؟
الله يسلمك اخوي عبدالله زارتنا البركه
اي والله كثر الاسئله فادتني حييييل لدرجة اني وصلت عارف كل شئ چني جايها من قبل ومضبط جدول يومي كله رحلات والحمدلله الامور كلها ميسره بفضل من الله ثم من التخطيط للرحله والتنفيذ وانتو ما قصرتو معاي
بخصوص الثلج ههههههههههه اسناني تضرب بعضها من البرد وانا لابس نص كم:باكي:
اوووووه المطعم الهندي عليه عيش احمر ودجاج مو طبيعيات مع انه غالي شوي بس رسمي مار عليه
مادري اي بحيره تقصد اذا كنت تقصد اللي بالصوره انت حاطها اي مريتها ونزلت صورتها بالتقرير وبالفعل منظرها خياااال ولا يكون الغيم نازل والهوا باارد وانا مولع زقاره واطالع المنظر وساااااااااكت اقول بيني وبين نفسي لا تعليق ههههههه
نورت الصفحه اخوي عبدالله وبإذن الله الوعد بالصيف القادم يا سويسرا
ان شاءالله السنه الجايه بروح لوزيرن لاني شفت صورها وقريت عنها حلوه وبروح المنطقه اللي ممنوع تدخلها السياره وجنيف مو حلوه يوم واجد عليهاهههههههه
اكيد بتضرب اسنانك في بعضها هذا ثلج مايغشمر
شوف بشكل عام المطاعم الهندية والعربية دايماً تستغل السائح العربي فتلقى اكلهم اغلى من غيره
بس مرة تجربة بسفرتك مايضر
السنة الجاية إن كنا من الحيين روح للوزيرن تقريباً ساعة إلا عشر من انترلاكن واسكن فيها بعد
انصحك فيها
وإذا حبيت ترروح جنيف مر على انسي ومونترو وايفيان