يعطيك العافيه اخوي اسد السنه على الموضوع
بس خلنا انتناقش الحجه بالحجه
نعم في اخطاء من قبل اعضاء التحالف الوطني واحنا كقواعد انتخابيه للتحالف نرفضها
لكن خناخذها وحده وحده بحسب ماجاء في المقال
* ذكر الكاتب انه اعضاء التحالف الوطني يظغطون على الحكومه لتعيين جماعتهم في مناصب والخ000
_ كلام جميل , طيب وين الخلل؟ في عضو بالمجلس مايتوسط ويعين؟ اعضائكم يعني مايعينون ربعهم وجماعتهم ومايتوسطون لهم؟؟؟ ولا حلال على اعضاءكم وحرام على اعضائنا؟ بس تدري شنو الفرق اخوي اعضائنا مايتوسطون ولا يتدخلون إلا بالشغلات الي تسوى ام اعضائكم حتى المخالفه المروريه يتدخلون فيها
وماتشوف انه فيها ظلم لما يتدخل واحد من اعضائكم ويتوسط حق شخص على حساب آخر مستحق اياا كان المجال؟ مو غلط هالشغله
*اعضائنا قدروا يشيلون احمد الفهد (بغض النظر نتفق او نختلف معاه) الي اعضائكم شغالين عليه ليل نهار ومن سنين ولا تجرؤا يقدمون سؤال حقه؟؟؟؟ عرفت الفرق بين الكلام والفعايل
طيب اعضائكم يقولون انه0000 وانه 0000 وانه0000 ليش ماحاسبوه؟؟ بس تذكر موقف وتصويت محمد هايف بإحالة استجواب الفهد للتشريعيه وراح تعرف ليش
*بالنسبه حق تعيين الهاروون لخطة التنميه , خنكون واقعيين اخوي يعني هذي مسألة تنميه ومليارات اذا ما مسكها تاجر وعنده خبره منو يمسكها مثلا؟؟
*والمصيبه انه كاتب المقال يقول انه الاعلام الفاسد مع التحالف الوطني؟؟؟ وين الله يسمع منك
كلهم جريدتين وقناة تلفزيونيه وحده والباجي ضدهم
* وكاتب المقال هاجم النائب العزيز على قلوبنا صالح الملا ليش؟ لانه رد على مسلم البراك؟ بالعكس مسلم البراك نائب تاريخه يشهدله ونعزه ونقدره لكن الله يهداه بوحمود شغال علينا وماخله شي ماحطه فينه وشي طبيعي بيرد احد اعضاء التحالف الوطني وحتى رده كان جدا رائع ودبلوماسي :إستحسان: