الموالية للآل و الصحب
عضو مميز
السلام عليكم و رحمة الله و بركاته
إخواني الكرام
بالفترة الأخيرة كانت تييني مسجات من رقم غريب بره الكويت بدايته 0088 و ماعرف هذا كود وين صراحة
و المهم يكون كاتب ما معناه اتصل مجانا لانك فزت بمبلغ 50000 دولار !!
طبعا كنت أطنش و امسح المسج !!
قبل جم يوم ياني هالمسج من نفس الرقم أنقل لكم نص المسج :
آخر تذكير إن لن تتصل مجانا علي سيتم إلغاء 50000$ التي فزت به !!
نقلته لكم بالنص و تلاحظون فيه بدليات بالمسج !!
عموما اليوم ريلي قال دقي من تلفوني و شوفي شيطلع لج
دقيت طلع لي كمبيوتر و يقول لي ما معناه
إذات انت صاحب التلفون اضغط 1 و أنت محظوظ لأنك فزت بمبلغ 50000$
و إن لم تكن صاحب التلفون اضغط 2
طبعا أغلقت الخط !!
المشكلة من عقبها قاعدة تيي مسجات مشابهة حق ريلي بس من رقم ثاني بدايته 0037
السؤال : شسالفة هالمسجات المشكوك بأمرها ؟؟!! و شنو مصدرها ؟؟!!
إذا أحد فيكم عنده فكرة عن الموضوع ينورنا ،، عسى الله ينور دروبكم قولوا آمين