سؤال وجواب اسئلة لأهالي ضاحية عبدالله المبارك ومنطقة اشبيليه

[English Teacher]

السلام عليكم ​

اول سؤال اي منطقة احسن للسكن ؟ اتكلم طبعاً على المدى القصير والمتوسط
من جميع النواحي (مخارج ومداخل-خدمات-...الخ)
طبعاً الجواب اتمنى يكون معتمد على نظرة مستقبلية..​

وعندي كومة اسئلة لسكان ضاحية عبدالله المبارك واشبيليه​

اولاً: ضاحية عبدالله المبارك​

1)في ارض كبيرة فضاء ومسيجة بالقرب من الضاحية هل سيتم تحويلها
لحديقة عامة كما سمعت؟​

2)متى راح يسوون الممشى الجديد بدال الحالي وبأي قطعة بالضبظ؟​

3)هل في خطط لأنشاء مراكز صحية اخرى لأن المنطقة كبيرة وسكانها عددهم
مهول ومو معقول يخدمهم مركز صحي واحد؟!!​

4)كم عدد المدارس لجميع المراحل بنين وبنات وهل هي كافية؟​

5)شنو رايكم بالضاحية عموماً وشنو مميزاتها وعيوبها؟​

6)بالنسبة للتركيبة السكانية هل صحيح ان نسبة العجم والحضر اكثر
من القبائل؟!​

7)اي قطعة افضل للسكن ولماذا؟


​

ثانياُ: بالنسبة لمنطقة اشبيليه
​

1)شنو رايكم بموقع المنطقة؟​

2)هل افتتح المركز الصحي الخاص بالمنطقة؟ واذا لأ متى يفتتحونه؟​

3)هل تم تنفيذ ممشى المنطقة وحدائقها ولا الجماعة على موتة نارهم؟​

4)شنو مميزات المنطقة وعيوبها؟​

واخيراً اتمنى الأجابة على الأسئلة بالتفصيل
الممل لأنها مسئلة حياة او موت​

وشكراً لكم:وردة::إستحسان:​

 

[سنـين التّيــــهـ..]

غير صباح الناصر لا تدور كللللللل شي فيها​

 

[English Teacher]

غير صباح الناصر لا تدور كللللللل شي فيها​

صباح الناصر احلى مافيها انها عاصمة مطير
ولا مشاكلها وااااااااااااااااجد

واعتقد انها بتصير منطقة للعمالة السائبة مع الأسف بسبب تراخي
سكانها وتأجيرهم بيوتهم على العزابيه!!

 

[English Teacher]

شجاع

من جهة ان اسعارهم مبالغة فيها ففعلاً مبالغ فيها بشكل مو معقول
بس شنو نسوي بعد ماودنا نطلع برا المحافظة!!​

 

[English Teacher]

معقول مافي احد بالشبكة من هالمنطقتين؟
ابي اجوبة بالتفصيل على اسئلتي!​

 

[سعود الظفيري]

ارررجب :>
سم طال عمرك <<< ولد عبدالله المبارك ابا عن جد .. 7 سنين لي فيها

وان شالله اجاوبك باللي اقدر عليه

اولاً: ضاحية عبدالله المبارك

1)في ارض كبيرة فضاء ومسيجة بالقرب من الضاحية هل سيتم تحويلها
لحديقة عامة كما سمعت؟
غير معلوم مصيرها لحد الحين ..
2)متى راح يسوون الممشى الجديد بدال الحالي وبأي قطعة بالضبظ؟
ماسمعنا اي خبر يتعلق بهالموضوع
وممشى عبدالله مبارك حلو وناس من برا المنطقة يجونه ..
3)هل في خطط لأنشاء مراكز صحية اخرى لأن المنطقة كبيرة وسكانها عددهم
مهول ومو معقول يخدمهم مركز صحي واحد؟!!
المركز الصحي الموجود في عبدالله المبارك
فيه كل شي ودايما يكون فاضي .. الا بأوقات قليله جدا يخليك تنطر بالكثير ربع ساعه .. والخدمه فوق الممتازه فيه واتذكر مره سويت اسناني عند دكتور الله يذكره بالخير رشيدي .. والنعم والله فيه
ابد بس وصلت على طول دخلت مافي اي احد لا جدامي ولا بعدي
يعني المركز الصحي اموره تمام .. :إستحسان:
4)كم عدد المدارس لجميع المراحل بنين وبنات وهل هي كافية؟
للثنويه للبنات مدرستين ووللأولاد مدرسه ثنويه
والمتوسطه للبنات 2 وللأولاد اتصور 1 كذلك الابتدائي
والله كثيره المدارس يتراوالي حسبتي غلط لكن اتوقع ان لكل مرحله مدرستين ..
5)شنو رايكم بالضاحية عموماً وشنو مميزاتها وعيوبها؟
والله من افضل المناطق :إستحسان: وسكانها غالبهم اهل دين ومشايخ وناس محترمه ممكن تشوف بالغلط واحد يقحص يعني تصير بأكبر العوايل بس بشكل عام .. منطقة حلوه وماعليها اي شي
6)بالنسبة للتركيبة السكانية هل صحيح ان نسبة العجم والحضر اكثر
من القبائل؟!
يارجل ماعليها خلاف منطقه فيها كل عينات وطبقات المجتمع عيال السور ~ وحضر وبدو وشيعه وسنه كل شي موجود ..
فصعب نحدد الفئه الغالبيه اللي بالمنطقه لكن اتصور ان البدو بنسبة متقاربه جدا مع الحضر هم اكثر
7)اي قطعة افضل للسكن ولماذا؟
والله يتراوالي مافي فرق الا قليل
مثل قطعه 2 مثلا اللي اعرفها فيها شيعه بكثره
5 فيها عوازم
والباقي عاد من كل شي ..
الافضل ق3 :قلب: :وردة:

اجاباتي سريعه لاني والله على عجاله من امري
والسموحه عالقصور .. ​

 

[English Teacher]

تشكر يا الظفيري على الرد الوافي والشافي

بس غريبة مركز صحي واحد في منطقة كبيرة ومع هذا مافيه زحمة!!
اما الممشى فموقعه مو حلو وماعنده مواقف..واعتقد الجامعة عنده اذا ماخانتني الذاكرة

وشمعنى قلت ق3 احسن القطع؟
عشانك فيها ولا عشان فيها خدمات افضل؟​

 

[سعود الظفيري]

تشكر يا الظفيري على الرد الوافي والشافي

بس غريبة مركز صحي واحد في منطقة كبيرة ومع هذا مافيه زحمة!!
اما الممشى فموقعه مو حلو وماعنده مواقف..واعتقد الجامعة عنده اذا ماخانتني الذاكرة

وشمعنى قلت ق3 احسن القطع؟
عشانك فيها ولا عشان فيها خدمات افضل؟​

الممشى ماله مصافط صح .. بس يمشي الحال يعني ..
---
ق3 انا فيها بالنسبه لاهلها يعني اقولها بشكل تفصيلي .. القطعه الوحيده اللي ماسمعت عنها او فيها مشاكل ومساجدها عامره والخدمات فيها جمعيه كبيره مع محلات للكمبيوتر والالعاب والتصوير ..الخ +التموين + ومال درامات الغاز .. 3 مساجد (ثنين منهم كبار) + فرع بوسط القطعه وطبقتها السكانيه :إستحسان: كل الناس موجودين فيها
قطعه 1
بين المطران والحضر
قطعه 2 للشيعه نسبه كبيره فيها
قطعه 5 نسبة كبيره للعوازم
قطعه 9 نفس قطعه 1
هذا اللي اعرفه واكيد كلامي مو دقيق لكن نحاول نفيد قدر المستطاع ..

 

[عندما تغرد البعارين]

وصلت خير يالحبيب

عبدالله المبارك لها مستقبل طيب من ناحية سعر العقار لان فيها الجامعة الجديدة والمدينة الطبية يعني بتطير اسعارها مثل عبدالله السالم والشويخ السكنية بس فيها مشكله اذا ما حلوها في المستقبل القريب واهي الزحمة وقت الدوامات عند مفرق الدوار المؤديين لطريق المطار والدائر السادس ......... وقطعة 3 ممتازة


اعلم اخي العزيز ان رزقك معلوم وقدرك محسوم واحوال الدنيا لا تستحق الهموم لانها لاتدوم
لكم مني اطيب تحية

 

[ابو مناحي المطيري]

انصحك بالفردوس منطقه حلوه و الجو فيها جميل ...

 

[English Teacher]

لا البدو اكثر .. رشايدة مطير عوازم اكثر من نص المنطقه ​

لكن هالمنطقه مقارنه بمناطق محافظة الفروانيه بالنسبه للحضر هي والعمريه الاكثر .. حضر
والشيعه نسبتهم مو هينه بالمنطقه .. مقارنه بمناطق محافظة الفروانيه .. ​

لكنه ماتقدر تقول قبليه بحته .. واهلها البدو فيهم متحضرين عدد مو هين​

يقولون في بخصصون منطقه خلف عبدالله المبارك .. الناس ناطرتها ​

اذا تمت .. راح تكون بصالح عبدالله المبارك ​

ياسبحان الله اول ماطلعت الضاحية كانوا الحضر يتطنزون عليها ويقولون منطقة بدو
وقبايل ومانبيها ومن هالكلام والحين يناشبونا عليها!!
الله يسامحهم شيبون بمناطقنا ليش مايقعدون بمناطقهم رفعوا علينا اسعار الفلل
والبيوت والأيجارات وحنا اولى منهم فيها!!​

الرابعة تقريباً مو بس الضاحية تشهد الكثير من مناطقها غزو حضري -عيمي
وهذا اللي رفع اسعارها!!​

ماعلينا بالنسبة للمنطقة اللي بيخصصونها بجانب الضاحية اعتقد انها بتكون وبال
عليها لأن الضاحية اصلاً تعاني من الأزدحام الشديد هذا والجامعة ما افتتحت تخيل
عاد لو حطوا منطقة مجاورة لها!!​

​

 

[English Teacher]

الممشى ماله مصافط صح .. بس يمشي الحال يعني ..
---
ق3 انا فيها بالنسبه لاهلها يعني اقولها بشكل تفصيلي .. القطعه الوحيده اللي ماسمعت عنها او فيها مشاكل ومساجدها عامره والخدمات فيها جمعيه كبيره مع محلات للكمبيوتر والالعاب والتصوير ..الخ +التموين + ومال درامات الغاز .. 3 مساجد (ثنين منهم كبار) + فرع بوسط القطعه وطبقتها السكانيه :إستحسان: كل الناس موجودين فيها
قطعه 1
بين المطران والحضر
قطعه 2 للشيعه نسبه كبيره فيها
قطعه 5 نسبة كبيره للعوازم
قطعه 9 نفس قطعه 1
هذا اللي اعرفه واكيد كلامي مو دقيق لكن نحاول نفيد قدر المستطاع ..

جزاك الله خير خووش خدمات:إستحسان:​

 

[English Teacher]

وصلت خير يالحبيب

عبدالله المبارك لها مستقبل طيب من ناحية سعر العقار لان فيها الجامعة الجديدة والمدينة الطبية يعني بتطير اسعارها مثل عبدالله السالم والشويخ السكنية بس فيها مشكله اذا ما حلوها في المستقبل القريب واهي الزحمة وقت الدوامات عند مفرق الدوار المؤديين لطريق المطار والدائر السادس ......... وقطعة 3 ممتازة


اعلم اخي العزيز ان رزقك معلوم وقدرك محسوم واحوال الدنيا لا تستحق الهموم لانها لاتدوم
لكم مني اطيب تحية

فعلاً مستقبلها مشرق وموقعها اكثر من رائع بس لو يفكونا
من الجليب والحساوي حنا بخير!
بس عاد معقول توصل اسعارها لنفس اسعار الشويخ السكنية وعبدالله السالم!!
مو جنك تبالغ؟​

بالنسبة للمدينة الطبية اول مرة اسمع فيها!!
متى تكلموا عنها؟وموعد انشائها؟ ووين موقعها بالضبظ؟​

 

[English Teacher]

انصحك بالفردوس منطقه حلوه و الجو فيها جميل ...

الله يكفينا الشر
هالمنطقة منكوبة بمعنى الكلمة!!
لا ترتيب ولا تنظيم ولا خدمات ولا نظام مدري شلون اهلها مستحملينها​

 

[English Teacher]

وين اهل اشبيليه ؟!
ياجماعة ضروري اشوف مشاركاتكم​

 

[المستحيل الصعب]

السلام عليكم

أخوي أنا مو ساكن في هذي المناطق ولكن قريب منها ودائما اجيهم

عبدالله المبارك

مساحه البيت 400
الكثافه السكانيه عاليه جداً
مخارجها 3 فقط 1- الدائري السابع 2- الدائري السادس 3- على الحساوي والجليب
يعني قمت الزحمه
الجامعه عندهم والزحمه بالطريق وايضا المعاهد قريبه منهم والزحمه بالطريق
وشوارعها ضيقه ومعقده جداً

اشبيليه

مساحه البيت ابتداء من 375 الى 500 وايضا الالالاف بعد حسب استطاعتك
ميزتها كثافتها تعتبر متوسطة لاباس بها

بيوتها 90% راس او زاويه داخليه او بطن وظهر البيوت السد اللي فيها مايقارب 50 بيت فقط

شوارعها وسيعه
مخارجها 5 فقط 1- على الدائري السادس 2- على شارع القاسم ( مقابل نادي النصر ) 3- 3 مخارج على الطريق الفاصل بين اشبيليه ومنطقة الرحاب

الخدمات
لاتوجد مدارس حاليا قيد الانشاء
المستوصف حاليا لايوجد تابع لمنطقه الرحاب افرع الجمعيه تابعه لجمعيه الرحاب

هذا اللي اعرفه والمنطقتين اسعارهم خياليه ولكن افضل اشبيليه

وسمعت اخوي بان في منطقه جديده على الدائري السابعه مقابل لبعدالله المبارك راح يوزعونها عن قريب واسمها ضاحيه نواف الاحمد والله اعلم واذا صح الخبر انعم واكرم راح تكون افضل من هالمنطقتين بوجهة نظري لابتعادها عن الازدحام

وتقبل مروري​

 

[English Teacher]

يعطيك العافيه اخوي
بالنسبة لشوارع الضاحية ما اشوف انها سيئة بالعكس احسن من
مناطق واااااجد .

بالنسبة لأشبيليه المركز الصحي مو للشلاحي؟
ابفهم ليش تأخروا في افتتاحه؟​

 

[English Teacher]

ووووووووووووينكم يا اهل اشبيليه
معقولة ما في عضو بالمنتدى من سكان هالمنطقة؟​

 

[بنتلي]

الله يكفينا الشر

هالمنطقة منكوبة بمعنى الكلمة!!

لا ترتيب ولا تنظيم ولا خدمات ولا نظام مدري شلون اهلها مستحملينها​

-------------------------------------------------------------------------------------
شنسوى يا خوك متحملين وساكتين

 

[والله المستعان]

أنا الشئ الوحيد اللي باط جبدي في منطقة عبدالله المبارك هي المطبات

الله ياكثرهاااااااااااااااااا

بين كل مطبه ومطبه مطبة

انا اللي أعرفه إن المطبات يحطونها أمام المدارس والشوارع الداخلية بين البيوت

بس إن يحطونها في الشوارع الرئيسيه اللي بره المنطقة !!!!!!

يعني هناك ماكو لا مدارس ولا بيوت ولا مساجد ولا جمعيات

انزين ليش حاطين هالمطبات؟؟

احيانا ادخل عبدالله المبارك من صوب الدائري السادس

فيكون بطريقي الى سكني بقطعة 3 دوارات بين كل واحد فيهم مسافة 1 كيلو متر

بين الدوار الاول والدوار الثاني يوجد 4 مطبات

بين الدوار الثاني والثالث يوجد 3 مطبات

بين الدوار الثاني والثالث يوجد مطبتان

بين الدوار الثالث والرابع يوجد 4 مطبات

علما بانها شوارع رئيسيه

هذا طبعا غير المطبات اللي داخل المنطقة

عد وخربط​