الديفي ، هل انت راضي تقعد مع ناس يحملون افتك مرض انتشاراً اكثر من الايدز ، المرض الغالب عليه ينتشر بالدم والمعاشرة الجنسية اذا الذكر حاش ماي المهبل (ادارة لا حياء بالعلم).
اما اللعاب والعرق صعبة وتكون ضئيلة جداً ، لكن الاهم من هذا انك تكون في بيئة صحية نظيفة
الدم اذا نزل من احدهم وانمسحت الارضية ، بيظل الفيروس موجود لمدة اسبوع ..
واترك عنك كلام النت.
سي وبي مالهم اي تطعيم ومثل ماذكر احد الاخوان اذا اكتشف مبكر يتعالج الشخص ، الشخص يتعالج بالانترفيرون اذا كان مزمن ، بالنسبة لي الكبد سي هو ثاني اخطر مرض بعد الايدز.
اذا تبي تعرف المرض أسئلني ، لانه لي موقف بمعايشته بأصابة قريب لي واهتميت فيه وعرفت كل شي يخصه وتشافى من المرض والحمدلله.
الكبد الوبائي بي وسي على حسب مناعة جسمك ، البي ، فرص الشفاء منه 8/10 يعني من 10 اشخاص ثمانية يتشافون منه بمناعتهم والثانين اما يصير فيه مزمن او يتوفى بتليف بالكبد.
اما السي فنسبته اقل من 6/10 يتشافون منه والغالب انهم مايشتكون من اي عرض بفترة الاحتضان للمرض ، عكس البي.
الكبد الوبائي نوعين:
كبد وبائي حاد
وكبد وبائي مزمن
في ناس يجيهم هالمرض ومايحسون ويتشافون منه لانه مناعتهم قوية ، وفي ناس يجيهم المرض ينتكسون بالمستشفى بسبب ارتفاع الانزيمات في الكبد والمادة الصفراء(البوصفار عندنا)
وبعدها يتحدد اي فيروس بجسمه سواء كان A (تسمم مطاعم غالباً) او بي وسي، اذا كان بي فعلاجه بسيطة باتباع حمية تساعد المناعة لمدة ست شهور.
وبعدها ينعاد تحليل كشف الفايروسات وييبين اذا اختفى الفايرس والا لا..
وغالباً ، اللي يطيح بالمستشفى هذا معناته انه جهازه المناعي قاعد يحارب الفيروس ، وهذا مؤشر ايجابي..
اذا اختفى الفايرس ، المريض معناته كان فيه "كبد وبائي حاد" ، اذا مااختفى معناته فيه "كبد وبائي مزمن" ولازم الزوجة والاقرباء يتطعمون تطعيم وقائي لا اكثر والمريض يتابع الامراض السارية كل ست شهور عشان يتطمن على حال جبدة.
وفي ناس يصير فيهم كبد وبائي ب لكن مو معدي وهذي رحمة من الله عليه عشان لا يحاتي أحبابه.
البي ماله علاج اذا كان حاد ، فعلاجه الراحة واتباع حمية غذائية مناسبة وبس! وعيش حياتك طبيعية..
لانه السالفة كلها مناعتك× الفيروس لمدة ست شهور ويختفي ، اما اذا صار مزمن بعد فترة الست شهور ، فيبدي يعطون المريض ادوية..
الافضل من المصاب انه يخلي الامر لمناعته لسلامة التحليل ومايخلي الادوية اللي ياخذها المزمن ياخذها كمريض التهاب حاد (راجع الفقرة الاخيرة من كلامي)..
بس ، ليش الفحص خلال ست شهور؟؟
لانه الدورة الدموية تجدد كل ست شهور ويتنظف الجسم من هالسموم واذا قدر الجسم خلال ست شهور يتخلص من الفايرس ، فبالتلي تصير عنده مناعة دائمة ضد المرض طول العمر.
في ناس يجيهم الفايرس وبشهرين يختفي ، وفي ناس يقعدون خمس شهور ، كل واحد وحسب عملية سرعة تنظيف الدم وتفاعل جهاز المناعة ضد الفايرس.
الكبد الوبائي بي منتشر بكثرة وللاسف مو بس قريبي ، لي شباب اعرفهم او صاب ناس نعرفهم هالمرض وللاسف في ناس صار فيهم مزمن ..
الكبد ، هو العضو الصامت في الجسم ، غالبية المرضى المزمنين
ييبين عليهم اثر المرض المزمن بانه يجيهم بو صفار دائم في العيون والجسم ويقعد يحك جسمه ويكون ماله نفس للاكل ، لكن الاعراض هذي مو كافية انها تثبت انه مريض بالتهاب بالكبد الا اذا كان فيه تحليل مخبري ، فهالاعراض هذي جايز تصير مع اي شخص فيه حصوة او انسداد بالقناة الصفراء.
الاسباب تتعدد بانتشار المرض..
1- بركات تايلند وخرابيطها (حتى لو بحسن النية ، الديرة موبؤة)
لانه تايلند ودول شرق اسيا الفقيرة ماتقدر تطعم ابنائها الصغار من هالفيروس لتكلفته ، هذا غير انه الحامل اللي فيها كبد وبائي اذا ماطعمت ولدها خلال 24 ساعة ، الفايريس بيصير مزمن.
2- الوافدين هني اذا يقدم فحصه بديرته او يفحص هني
يصير في نوع من الغش او حتى الواسطة بدون لا يفحص
مصر كمثال فيها اكثر نسبة ناس مصابين بالكبد الوبائي في العالم العربي
عشان يقدمون على الفيزا ويطلع لائق صحياً وهو فيه كبد وبائي بي ، يشتري حبوب غالية تخفض نسبة الفايرس بالدم وتطلع نتيجة التحليل "سالبة" يعني مافيه شي وهو فيه كبد وبائي بي
الشيء نفسه كرره على العمالة الوافدة الثانية.
المضحك المبكي انه دول ..الفلبين ، مصر ، اثيوبيا ، الهند ،، ايران ، باكستان وبنغلادش من الدول اللي فيها نسب عالية بالمرض هذا وهني جايين يخدموننا..
http://www.rightdiagnosis.com/h/hepatitis_b/stats-country.htm
انا مستغرب انه ناس مرضى يشتغلون معاك ، ماني قاطع رزقهم لكن ماتخاف على نفسك؟
اذا توسوس ، اما وحدة من ثنتين ، قدم استقالتك وشوف وظيفة غير او كلم عنهم الادارة لتسفيرهم.