القرض الاسكاني 70 الف هل تكفي

م

مجلس الأمة

عضو فعال
نطالب الحكومة النظر بموضوع زيادة القرض الاسكاني من 70 الى 120 الف والاسباب كثيرة

أرتفاع سعر المنازل بشكل رهيب البيت بالسابق كان سعره 100 الف الان سعر البيت من 150 ألف دينار الى 200 ألف دينار

أرتفاع سعر الأيدي العامله وخصوصا بعد الأضطرابات بالدول العربيه مثل مصر وسوريا أرتفع سعر العامل الى الضعف

أرتفاع أسعار المواد مثل الصلبوخ والسراميك ومواد الكهرباء ومواد الصحي وكثير من المواد الازمه للبناء أرتفعت

ونلاحظ كثير منازل الجديدة للمواطنين متوقفه بسبب عجز عن دفع المبالغ للمقاولين بسبب أرتفاع الأسعار

بيوت على الأسود واقفه أكثر من 6 شهور

ملاحظه التأخير في البناء يعني يسقط منه بدل الأجار وأستقطاع قرض البنك يكون يفقد المواطن 270 دينار شهريا بسبب الأستقطاع

نرجو من أعضاء مجلس الأمه النظر للموضوع ومطالبة الزيادة لمصلحة المواطن
 
ح

حـقـوقـي

عضو مميز
المشكلة الأساسية هي عدم تحرير الدولة للأراضي وعدم قيامها بإنشاء شركات عامة تقوم ببناء البيوت الحكومية أو بناء القسائم للمواطنين

قرض السبعين ألف ممتاز ودعم الدولة لمواد البناء كذلك ممتاز لكن المشكلة في أن الدولة تخلق مشكلة بنفسها وتقوم هي بحلها عبر وسائل خاطئة !

زيادة القرض تعني زيادة أسعار البناء و زيادة تكاليفه، زيادته تعني زيادة أسعار العقار ككل سواء البيوت أو الشقق معقولة دولة توصل فيها أسعار الشقق العادية من 50 إلى 100 ألف دينار !! بيوت بعض المناطق الجديدة وصلت للنصف مليون و بعض المناطق الداخلية بيت هدام يباع فيها بمليون دينار !! وين قاعدين ؟
 
ف

فهد الرشيدي

عضو مخضرم
كل مازاد القرض زادت الاسعار

صح 70 الف ما تكفي لمنزل فاخر ولكن تقدر تبني فيها بيت محترم وانت وشطارتك

لي صديق بنى بيته واغلب لوازم البناء من ابواب وصحي وسيراميك ورخام واثاث كله من الصين بس طلع قصر مو بيت بال 70 الف :)
 
ف

فهد الرشيدي

عضو مخضرم
حـقـوقـي قال:
المشكلة الأساسية هي عدم تحرير الدولة للأراضي وعدم قيامها بإنشاء شركات عامة تقوم ببناء البيوت الحكومية أو بناء القسائم للمواطنين

قرض السبعين ألف ممتاز ودعم الدولة لمواد البناء كذلك ممتاز لكن المشكلة في أن الدولة تخلق مشكلة بنفسها وتقوم هي بحلها عبر وسائل خاطئة !

زيادة القرض تعني زيادة أسعار البناء و زيادة تكاليفه، زيادته تعني زيادة أسعار العقار ككل سواء البيوت أو الشقق معقولة دولة توصل فيها أسعار الشقق العادية من 50 إلى 100 ألف دينار !! بيوت بعض المناطق الجديدة وصلت للنصف مليون و بعض المناطق الداخلية بيت هدام يباع فيها بمليون دينار !! وين قاعدين ؟
أنقر للتوسيع...
اخوي حقوقي اذا تعرف اراضي خيطان الجنوبي الي ثمنوها مقابل المطار والحين ارض فضاء

هذي تكفي اقل شي 750 قسميه او اكثر مفروض توزع على المواطنين لانها املاك دوله ولكن الحكومه قررت تبيعها بالمزاد العلني يعني من صالح تجار العقار جنه ناقصها فلوس الحكومه للاسف

والدوله تقول مافي اراضي مالكم الا الخيران او المطلاع او الصبيه :)

تقبل تحياتي
 
ص

صب الهوا

عضو
ابن دور ارضي واسكن فيه
وبعدين شوي شوي تبني الثاني .
واذا زاد القرض من حظ التجار وارفعو عليك كل شي
صبه واحقنه لبن
نفس العمليه
 
ك

كويتى مفلس

عضو فعال
هذى خراب بيوت اذا رفع القرض بيت بالفردوس سد لد يصير 150 الف

خلونا على السبعين بس وزعوا اراضى وخل الناس تسكن وتحس بالمسؤليه
 
ا

العنزي_33

عضو فعال
اخي العزيز انا بعيد عن موضوع ال 70 الف وغيره ولكن من خبرتي في هذا المجال

70 الف تكفي ان تبني بيت مكون من دورين وربع لا اكثر

وان تكون التشطيبات بعيده كل البعد عن الحكومات الداخليه اي عن ( ام العيال )
بشرط الا تكون التشكيبات من
ديكور ارضيات المنيوم الخشب الكهرباء الصبغ النجاره الحديد
ان لا تكون درجه اولى وبنفس الوقت ان لا تكون درجه اخيره
بل خير الامور اوسطهى
فتستطيع ان تبني بيت ابنائك بهذا السعر ولكن شرط ان تلتزم بالامور المذكوره من تشطيبات وبناء دورين وربع فقط

اما اذا تعديت ال3 ادوار مع السرداب وتشطيبات راقيه فحتى 250 الف لا تكفي لك

تقبل مروري :وردة:
 
ن

نسيت انساك

عضو ذهبي
لا خلو القرض 70 الف ان زادو القرض راح يزيد معاه البنيان الواحد مو مطر يبني بيته مره وحده يبني شوي شوي يعني مايبني 3 ادوار مره وحده
 
ا

ابو عبدالرحمن العازمي

عضو ذهبي
الله يعين اللي يبنون قسايمهم
بدل ايجار 150 انقطع + قسط بنك التسليف + قسط قرض البنك اللي تضطر انك تسحبه لان ال70 الف مستحيل تكفي = مو اقل من 400 دينار راحت منك :(
 
س

سبع

عضو مميز
ياكثر مشاكلنا يهالمواطنين نتمنى نجد حلول مو مشكله اذا ماعندهم حل خل يستوردون عقول تفكر وتحل مشاكلنا اللى هى بالاساس ماتعتبر مشاكل

70 ماتكفى الحل انهم يزيدونها 100 او 90 بس بشرط
اثناء الزياده يتزامن توزيع
على الاقل 7 مناطق جديده سكنيه وتوزيع بدايه على المخطط ويتم التنفيذ بالسرعه القصوى للبنيه التحتيه
هنى خلهم التجار يرفعون اسعارهم ماراح يقدرون اذا تم توزيع 50 الف قطعه ارض مع زياده القرض الاسكانى
شفتوا حل بسيط جدا وقابل للتنفيذ اذا حبوا يفيدون المواطن البسيط
اخوى شركات النت بدون ترخيص وشغاليين مص بالمواطن ولا ياخذون النت بسعر رمزى من الوزاره
خلها على الله هالمتنفذين ماكلين الاخضر واليابس ;)​
 
ز

زيبق

عضو
نعم كافي وزيادة لبناء منزل يتكون من دورين ونص بمواصفات جيدة
لاكن اذا تبني 3 او 4 ادوار وسرداب و4 ديوانيات وارضيات رخام اكيد مو كافي
الحكومة تعطيك 70 الف لبناء بيت يسكنك انت وعيالك لكن ربعنا يبون يبنون عمارة يأجر دورين ويقعد بدورين ويسوي 4 دوانيات!!!! ويقولون موكافية ال70
شعب غريب!!!
 
يجب تسجيل الدخول أو التسجيل كي تتمكن من الرد هنا.
أعلى