اهلين بو جسوم التايلدني
اهم شي حاول انك تعبث لان امامك فرصة لمدة اسبوعين والامر بسيط جدا ...
لما تدخل على لاعبينك من خيار ( My Team ) تطلع تشيكله فريقك وبالخيار هذا فقط تعديل على التشكيلة من غير شراء لاعب فقط تخليه احتياط وتشوف عند كل لاعب علامة صفره وزرقه ..
الزرقة بيانات اللاعب والصفره تكنسل اللاعب ما تبيه يلعب ..
طبعا الخطه مثل ما تبي ..
اقل شي ثلاث مدافعين واكثر شي جميع المدافعين والامر هذا بالنسبة للوسط ..
المهاجمين لازم اقل شي مهاجم واحد ..
من تضغط العلامة الصفراء على اللاعب يطلعلك خيار انك تدخل لاعبه بداله وكيفك انت وين تبي ..
وايضا الاحتياط تقدر ترتبهم لان ممكن لاعب اساسي من اللاعبين قبل المباراة بدقايق ما يلعب او فريقة تتاجل مباراته فيدخل لاعب الاحتياط ، حدد الاولوية لمنو من اللاعبين الاحتياط ( 1 ، 2 ، 3 ) ايضا بالضغط على العلامة الصفراء ..
افضل طريقه واحسن خطه 3/4/3 لان اساس اللعب يعتمد على تسجيل الاهداف والتمريرات الموجه للاعب اللي يسجل هدف ..
قليل ان لاعب الدفاع يسجل هدف او يصنع هدف فالافضل تعتمد على الوسط والهجوم ..
وبعد ما تغير الخطه تحفظها وتدخل ثاني مره تتاكد من اللي سويته ..
وحط بالك على الكابتن ، مجرد احساسك ان اللاعب بيسوي شي بالمباراة حطه كابتن على شان يندبل الرصيد ..
كل اسبوع عندك تبديل لاعب ، تكنسل لاعب وتشتري لاعب حديد ..
تروح لكلمة ( Transfers ) ونفس الطريق تضغط على العلامة الصفراء وتختار اللاعب اللي تبيه ...
نصيحه مره اخرى قبل بداية الدوري بيوم او يومين راجعو الخطه مره ثانية لان ممكن يكون احد لاعبينك مصاب فتقدر تغيره من غير خصم نقاط ..
ونصيحه اخرى حاول تبني فريقك على اساس ان تقدر تغير بكل مرحله وانت مرتاح وبنفس الوقت تشوف المباريات القادمة وحاول تخلي رصيد عندك طبعا اذا بنيت الامر على المباريات اللي بعدها ..
اي استفسار انا حاضر للجميع ...
<-- مو عبث طالع الاول
مشكور بس شلون اغير طريقه الخطه من 3/4/3 وشلون ابدل مراكزهم .لانى ضغطت على الاصفر يطلعلى اكس على الاعب والأزرق بيانات الاعب