Magic words

[English Teacher]

​

الماجيك ووردز هي الكلمات اللي يستخدمها الشخص كنوع من التهذيب
والتأدب في الحديث مثل (شكراً-عفواً-لوسمحت-يعطيك العافيه....الخ)
وتترك تأثير ايجابي على المتلقي​

ومن ملاحظتي للعرب عموماً والمجتمع الكويتي بجميع فئاته خصوصاً
ان ثقافة شكر الناس والثناء على ادائهم لمهامهم وتشجيعهم والطلب منهم بأدب القيام بشيء معين كتخليص معامله شبه معدومه
اغلب الناس جافين في تعاملهم ويعتقدون ان الكلمة الحلوة معيبة في حقهم
وتنزل من كرامتهم خصوصاً اذا كانت موجهه لعامل آسيوي:إستنكار:​

اكثر من مره اروح للوزارات واشوف المراجعين يستلمون معاملاتهم بدون
كلمة شكر يتيمه للموظف/ة رغم ان الثناء ماعليه جمرك وتأثيره كبير جداً
على الموظفين ​

بالمطاعم الناس تطلب ويتروسون بطونهم من هالنعمة
بدون كلمة شكر للنادل!​

شنو احسن بالله اقول
"لو سمحت ممكن عصير برتقال وماعليك امر لاتنسى تحط وياه ثلج"
ومن ثم اشكره اذا جاب الطلب​

ولا اقول بجلافه ودفاشه " عطني عصير برتقال ودير بالك مو تنسى الثلج"
وبس يجيبه اخطفه من ايده تقول مفجوع وعلى طول بالبطن
بدون لا اثني عليه!!​

حتى الخدم والعاملين في البيوت مافيها شي لو شكرتهم
انا من الناس اللي اشكر خدمنا بأستمرار وبالعكس هالشي البسيط
له مفعول السحر عليهم:إستحسان:​

هذا وحنا مسلمين وهذي تصرفاتنا
مع الأسف تمسكنا بالقشور وتركنا اللب!​

 

[أم فواز]

حتى الخدم والعاملين في البيوت مافيها شي لو شكرتهم
انا من الناس اللي اشكر خدمنا بأستمرار وبالعكس هالشي البسيط
له مفعول السحر عليهم:إستحسان:

​

( حليّ لسانك كل الناس خلاّنك )

للكلمة الطيبة مفعول طيب كالابتسامة الجميله ..

شكرا لك يا مدرسة لغة انجليزية على هذه اللفتة ..

May God bless you :وردة:​

 

[English Teacher]

( حليّ لسانك كل الناس خلاّنك )​

للكلمة الطيبة مفعول طيب كالابتسامة الجميله .. ​

شكرا لك يا مدرسة لغة انجليزية على هذه اللفتة ..​

May God bless you :وردة:​

العفو يا فاضلة:وردة:
والله يعافيج ويبارك فيج
بس انا رجل يا اختي الكريمة​

 

[أم فواز]

متأسفه اخوي مدرس انجليزي .. ما انتبهت

شكرا للتنبيه​

 

[خجـل]

الكلمه الطيبه صدقه

شكرا لك