سؤال وجواب ابي اسوق سياره

[انسانه]

السلام عليكم

شخباركم ان شاء الله بخير

ممممم بصراحه انا طالبه جامعيه << حلفي

وقاعده اتعلم القياده لاني مضطره اسوق مع بدايه الدراسه

بس اخاف حيل من السياره وخصوصا لما برجع ارتبك احس انه بيصير شي اوبسوي مصيبه :باكي:

شلون اقدر اسوق عدل واصير خبره خصوصا اني ملاحظه اغلب الرياييل يسوقون من غير مدرب قياده ولاشي ويمسكون خط وخمسات وبلاوي << حسره علي مافي مدربه مصريه مادربتني واربحت من وراي

عفيه ابي طريقه اقدر اسوق ممكن احد يفيدني :باكي:

 

[عبدالباري]

http://www.youtube.com/watch?v=2yC-lV3CYfA

 

[انسانه]

^^ كم انت ظريــف

 

[الفيصلي]

بكل سهوله سوقي بالبداية ودعمي على الخفيف مو حيل عاد يعني حكي كم سياره وانتي راجعه وانتي صافطه عادي مشخات مافيها شئ وبعدها تتعلمين

 

[سطام الظفيري]

حدّتس فاضيه :باكي:​

 

[إسبآنيول]

http://www.youtube.com/watch?v=m_GLLwNoHwQ

,

السواقه فن و ذوق

ويبيلها طولة بال وركادة في البداية

وهو عالتعود

واهم شي بالسواقه ما تخافين ولا ترتبكين من الطريج

ولازم تعرفين ان اكو الغشيم والصاحي وكل الاشكال بالشارع

ولازم تعرفين تتعاملين معهم

بس اهم شي الرهبه تروح والباقي سهل

وكثر ما تقدرين بعدي عن السرعه

والله الحافظ

​

 

[7Ibrahimإبراهيم]

اذكار الصباح والمساء

ودعاء الركوب

بعدين سوقي في البر

وسجلي عند محلات التعليم وحده تعلمج

في امان الله

دعاء الركوب ( السيارة وما نحوه )
بسم الله الحمد لله
( سُبْحانَ الَّذِي سَخَّرَ لَنَا هَذَا وَمَا كُنَّا لَهُ مُقْرِنِينَ * وَإِنَّا إِلَى رَبِّنَا لَمُنقَلِبُونَ)
الحمد لله، الحمد لله، الحمد لله، الله اكبر، الله اكبر، الله اكبر، سبحانك اللهم إني ظلمت نفسي فاغفر لي،إنه لا يغفر الذنوب إلا أنت"

http://www.aansar.com/vb/showthread.php?t=4553​

 

[عبدالله .]

لاتخافين ولا ترتبكين
وبالممارسة راح تحسين السياقة شربت ماي
بس اهم شي وحدة بالبداية تعلمك السياقة صح

اول مرة طلعت عالخط السريع كنت فيلم هندي مرتبك وخايف
بس مع الممارسة اللهم لك الحمد سقنا حتى بأوربا​

 

[!...ωαнαм...!]

شوفي في الوقت الحالي خصصي لك وقت

ساعه يكون معاك والدك او اخوك

ويقوم يرشدك باخطائك بالقياده حتى ما تقعين فيها مستقبلا

ثانيا اذا بتصيرين احسن سايقه روحي الفروانيه بليله العيد اذا طلعتي من دون صدم

فانتي افضل من يسوق بالكويت


​

 

[عبدالله_العنزي]

انا اعلم سايقنا البهيمة اللي جبته ومافي رصيف مالحسه ... او اعلمج
ابتلشت فيكم

احلي طريقه اشتري سياره ام سكانين وحطيلج سايق وبس وخليج يمه
ترتاحين من الدوخه 

 

[بقيييط]

اخذي اخووج ورووحي البر وقحصي لييين تملييين ولا خلصتي كرريه كل يوم ليين يجييج حالة ملل او تشبع وبتوفيق تري اكلمج جد ماضحك

 

[الاعصااار]

لازم تعلمين تسوقين بالزحمه لين تعودين علي الزحمه
ويروح الخوف طبيعي كل الناس جذي بدايه السواقه
بعد فتره تضحكين علي نفسج انج كنتي تخافين
وعقبال ماتسوقين طياره

 

[عــذوب]

حبوبه اوصيج بالكعب لاتلبسينه النعال كله حذفيه حزة السواقه لاني تسبب لي بكارثه ببداية السواقه

لاتشترين سياره جديده لزوم الحوادث ما يخلاش الامر .اذا تمكنتي افتح لج وكاله .موفقه

 

[جواهر*]

وعليكم السلام

اختي دامج محتاجة للسيارة فابعدي الخوف عنج ترى الامر في بدايته رهبة وخوف وبعدين يصير عادي

الحريم فرق في السياقة عن الرياييل لانه الرياييل اجرأة واشجع ومن يوم هم صغار يسوقون

توكلي على الله وشوفي لج مكتب فيه مدربة عربية ومع الوقت بتصير السياقة سهلة

وانا اقولج عن تجربة

وتمنياتي لج بالتوفيق اختج فوضت

 

[Aragon]

قعدت احاول اتذكر شلون سقت اول مرة وشلون تعلمت وشنو كان شعوري.. بس فشلت لأن كان عمري 12 يعني على أيام العصر الجاهلي

بس ترى القيادة شي عملي.. لما تتعلمين ماراح تنسينه وراح يصير مستواج افضل مع الوقت..

يعني لاتحاتين.. ولاتحاتين السيارات الثانية ترى الناس مو مينن لهالدرجة..

بس اهم شي تدربي شلون تصفطين عدل وحاولي تنتبهين وانتي تسوقين

والله يحفظج

 

[عزيز وغالي]

اول شي نبتعد عن الاستظراف الزايد بالكلام الدارج هالايام
مثل كلمة (( حلفي )) !!!! الي احس انه اسلوب مراهقين
وانتي من كلامج تعديتي ال 20
عموما السواقه ما تخوف هي رهبه مثلها مثل اي موضوع مثل الزواج والسفر بالطائره وركوب شواهق الجبال

اذا عندج اخ خل يوديج للبر تتعلمين علي التحكم بالدركسون
بعدها افتحي الاعلانات الي تجي مع الجرايد بتلاقين عشرات الاعلانات تعليم سواقه
دوري لج علي بنت حلال تعلمج
وبعد شهر بالكثير راح تكونين فنانه وتسوقين بأيد وحده وتقولين اي خوف اي خرابيط الامور طلعت سهالات


وبالتوفيق

 

[إسبآنيول]

وبعد شهر بالكثير راح تكونين فنانه وتسوقين بأيد وحده وتقولين اي خوف اي خرابيط الامور طلعت سهالات


وبالتوفيق

لوووووووووووول

من اول يوم سقت فيه وكنت صغير حييييل وانا اسووق بايد وحده

اصلاً ان سقت بأكثر من أيد أضيع

​

 

[انسانه]

مشكوورين اخواني وخواتي جزاكم ربي كل خير

تشجعت نوعا ما:وردة:

 

[محبة القرآن]

بسم الله الرحمن الرحيم ،،

الله يوفقك اختي ويسهلك السواقه وغيرها على طاعة الرحمن

بالنسبه للسواقه تعتمد من بعد الله على عدم ارتباكك وارتياحك النفسي وعلى المدربه

انا اول كنت عند مدربة سواقه وتخاف على سيارة ابوها وماتبي تعطيها لنا نلف بها بداخل المدينه

كانا اذا شرينا سيارات بنسوق بس بمكان التعليم والمشكل عنا مكان التعليم مو نفس اللي شفت هني

احنا عنا مكان التعليم محصور في انك تطلعينها من الكراج وتدخلينها ومكان تصفطين فيه بس

وفي مدربين ومدربات يعطوك السياره داخل المدينه يعني في الدورات والشوارع وغيرها وهذا هو الاصل

وصراحه حسيت اني ماتعلمت عندها شيء مع اني الحمد لله من النوع اللي بسرعه يستوعب وما اخاف ولا

ارتبك ،، وغيرت المدربه وكانت بنت حلال تمرني البيت وتعطيني السياره من بيتنا لين مكان التعليم وفي اقل

من اسبوعين تعلمت الحمد لله ،، عموما انا باعطيك رقم واحده مدربه زينه هني تدربك وان شاء الله تمسكين

عدل ،،