الحين وش الفايدة من الموضوع ؟
لو أنك - أخي الكريم - أبرزت مشكلة موجودة في البلد لكان أولى
أبناء الخليج عيال عمنا وحبايبنا
لكن يضل، أبناء البيت الواحد إذا ناقشوا مشاكلهم الداخلية -في العائلة- فهم يناقشونها ويمكن يتهاوشون عليها لكن في "مجلسهم"، مايروحون مجالس وبيوت عيال عمهم وجيرانهم ويتكلمون عن مشاكل بيتهم قدام العالم والخلق
لأنهم ماراح يكونون أحرص من الأخوان على حل مشاكل بيتهم. ومافي أحد يسمح لأي شخص يتدخل في ماشكله العائلية إلي بينه وبين أخوانه ولا أمه ولا أبوه، حتى لو كان الإنسان هذا ولد عمه.
القصد، إذا كان وجودك في المنتدى هذا (في مجلس عيال عمنا) حتى "تبرز" مشاكلنا الداخلية.
فهدفك "ماهو" إصلاح أو نقد بناء، إنما هدفك "التشِكِي" وإبراز المشاكل فقط لإبرازها.
فلو كان هدفك الإصلاح والنقد البناء وإيجاد حلول لمشاكلنا الداخلية، فروح على المنتديات السعودية -إلي ياكثرها- وتكلم هناك ونتقد زي ما تبي لأنك بين أخوانك وأهل بيتك
