شرايكم في الي يسمي اسم ولده على اسم ابوه ( حتى لو اسم ابوة بايخ )

[q8gym]

السلام عليكم


مادري ها الموضوع ومحيرني


اشوف ساعات انة بر بالوالد

وساعات اشوف انه ضلم المولود في اسم ابوة حتي لو اسم ابوة بايخ


كمثال

عصويد - مضحي - ملفي - بتال ..... الخ


لاحد يقولي انا حضري وضد البدو تراني بدوي واصيل

بس ابي رايكم بالموضوع ؟

 

[q8xtra]

لا تزعل مني يالغالي
بس عيب تقول على اسم ابوك بايخ
اقل شي من باب الحشيمه والادب


بعدين اسم ابوه هذا لو فيه عيب كان ابوه غيّره من زمان
والاّ يبي يصير ارجل واعرف وافهم من ابوه في مثل هذي الامور



:وردة::وردة::وردة:

على فكره انا سمّيت ولدي على اسم ابوي واسمه بالوقت الحاضر يعتبر من الاسماء القديمه
ولكن براّ بوالدي سميته على اسمه
عسى ربي يطوّل في اعمارهم جميعا
اللهم آمين​

 

[حربية]

من واجبات الابن على أبية

ان يختار له اما صالحة

وان يختار له اسما لائقا

وان يربيه تربية اسلامية صحيحية


وخير الأسامي ماعبد وحمد

 

[q8gym]

اللة يعطيكم العافية

بس ماقلت عن اسم ابوي بايخ

بس ياخي ضلم طفل رايح يعيش في المستقبل يحمل اسم قديم وليس له معني !

 

[فهد3000]

السلام عليكم،،،
من الظلم انك تسمي اسم ولدك على ابوك ،،، واسم ابوك كارثة،،،

الاسامي ابلاش ليش التعقيد،، اول كانو يسمون على ابائهم،،،


لان مستوى التعليم بسيط جدا وفهمهم على قدهم،،،

بس الحين الوضع تغير الحمدالله ،،،،

من حقوق الابناء على الاباء التسمية ،،، الحين تعقد الولد وتخليه اضحوكة عند ربعه وبالمدرسة،،، علبو برا بالوالد ،،، والبر بس بالاسم،،،

والله العظيم اني اعرف كذا شخص مسمي على ابوه وعلاقته مع ابوه سيئة ،،،

لكن شتقول الهياط ومايعمل ،،،


اختار اسم طيب لولدك واهم شي المعنى لان في اسامي منتشرة لها معاني قبيحة وكثير من الناس يجهل معناها،،،،

 

[عجـرّش]

يا كويتي جم

بتال اسم بايخ

قم بس قم







​

 

[عزيزي السنافي]

لا مو شرط تسمي اسم ولدك على اسم ابوك ..
حتى لو كان اسم ابوك ((( حلو ))) ..

 

[بقايا كويتي]

من واجبات الابن على أبية

ان يختار له اما صالحة

وان يختار له اسما لائقا

وان يربيه تربية اسلامية صحيحية


وخير الأسامي ماعبد وحمد

ماتم تضليله بالاحمر فهو لايستند على دليل اطلاقا ... اي انه مجرد مقوله لااكثر
​

 

[فتووونة]

موشرط تسمى على اسم احد الوالدين ..... بس احنا بالكويت اخذنا من عادات وتقاليدنا كبر للوالدين بس اذا اسم احد الوالدين عتيج فالمولود راح ينظلم خاصة ان الاسماء هاليومين جديد متجددة وحلو وغير شكل​

 

[q8xtra]

موشرط تسمى على اسم احد الوالدين ..... بس احنا بالكويت اخذنا من عادات وتقاليدنا كبر للوالدين بس اذا اسم احد الوالدين عتيج فالمولود راح ينظلم خاصة ان الاسماء هاليومين جديد متجددة وحلو وغير شكل​

وشتقصدين يالغاليه​

تبين اسماء مثل
رامي ، الهامي ، نضال ، وئام ، وسام​

ما ناقص الا نسمّي بناتنا
نهى ، سهى ، رنا، دلع ، ولع​

بصراحه اشوفها ماتركب​

يعني ماااااااااااااااااااترهم​

والا انا غلطان​

وهذي لك :وردة:
يافتووووووووووووونه​

 

[mr__777]

ماتم تضليله بالاحمر فهو لايستند على دليل اطلاقا ... اي انه مجرد مقوله لااكثر ​

هذا الحديث الصحيح : إن أحب أسمائكم إلى الله عبدالله وعبدالرحمن ​

 

[حسبي الله ونعم الوكيـل]

شي حلو يسمي نفس ابوه سواء اسم حلو او قديم لو شنو مايكون الاسم
احس اذا الولد ماسمى على ابوه مافيه خير بوجة نظري

 

[q8xtra]

شي حلو يسمي نفس ابوه سواء اسم حلو او قديم لو شنو مايكون الاسم
احس اذا الولد ماسمى على ابوه مافيه خير بوجة نظري

:إستحسان::وردة::إستحسان::وردة::إستحسان::وردة::إستحسان::وردة:

 

[ولد وايل]

ليس من البر أن تسمي باسم والدك .. ​

وهذه الأمور وجدت بالعادات والتقاليد .. وليس كل العادات والتقاليد جميلة بل أغلبها سيئة مع الأسف .. وتعارض حتى الدين الحنيف .. ​

لذا كثيراً ما نسمع عن الاسماء القبيحه .. خاصة في أهل الباديه .. وسبب ذلك يعود للجهل الذي كانوا به آنذاك .. ​

ولكن يا سيدي أنت الآن متعلم وتعرف الأسماء الجميلة والقبيحة .. وأظن من الأمانه أن تسمي ابنك اسم جميل يرضي الله ورسوله .. ​

وأرجع وأقولك .. ليس من البر أصلا أن تسمي ابنك على اسم والدك .. ​

وتحياتي لك ​

:وردة:​

 

[عرب عرب]

الاسامي وصايا يعني انا اسمي باسم ابوي والدي يسمي باسمي او اسمي باسم جدي الاول او الثاني او الثالث مع اني اشوف الاسامي نفس بعض مكرره عبدالله وعثمان وصالح ومحمد واحمد عبدالعزيز وعمر وعبدالرحمن وعبداللطيف وحمد وصالح وسعود عبدالوهاب وعلي والخ هالاسامي المشكله مو باسامي الشباب اسامي البنات منيره شيخه قماشه موزه لطيفه نوره سبيجه الحين محد يسمي هالاسامي يقوووووووووووووول قديمه وتتعقد البنت انا عرف واحد سمى بنته موزه باسم امه قبل ماتتدخل المدرسه غير اسمها الى مرام واي شخص مايسمي باسم اهله ووالديه انا من الناس انتقده لان من المفروض احياء ذكرهم على طووووووووووووول بعد عمرا طويل مع اني اشوف الاسماء نفس بعض لاننا ماعندنا اسامي الا اسامي الانبياء والصحابه فقط .​

 

[طلال حفرالباطن]

مسمي عليه مسمي ا

لله لا يعوق بشــر

 

[q8gym]

مسمي عليه مسمي ا

لله لا يعوق بشــر

اللة يرزقك فيه ان شاء الله

 

[هيل وزعفران]

انا عندي الولد لما يسمي اسم قديم حلو عليه يعطيه مرجله وبالعكس يحب ينادونه باسمه لانه مثل اسم ابوه
البنت هي الي تتعب اذا كبرت وتحلطم من الاسم اذا كان قديم.
وحلو التميز الاسامي القديمه حيل مميزه ولا مره شفت تروف اوجنس ثالث اسمه مناحي او فالح او مطلق لان اسمه مقوي جلده،،،،،من صالح الولد الاسامي القديمه
بعدين تخيل معاي كل هذا الجيل اساميهم حديثه يطلع واحد قاعد بين الصبيان اسمه فلاح او زويد او فرحان اشوفه مميز وبعدين معانيهم حلوه

 

[q8gym]

شكرررررررررررررا