مسـج .. وقصيد..

[عندليب السياسه]

حيالله المهره ":. صباح الخير يا مدلل ":.


لو التواضع والوفا من صفاتك ..بعت الحبايب كلهم دين وشريك !

 

[كويتيه من مطير]

مثل الزجـاج في رقـت إحسـاسي قابل للكسر ...
مــير الزجـاج لا إنـكـسر حـاذر تـقربــه يـجـرحـك ...

 

[سلطان الفيصل]

اشوف كلن مع حبيبه تهنا ... وانا حبيب الروح عسرن عليه


قلبي فحبك ياحبيبي تعنا ... ارحم ياعل ايام عمرك هنيه


ان سيد البيض بالوصل منا ... خطيته ياكبرها من خطيه


::



::



( خالد الفيصل)



:وردة:

 

[الكويت تجمعنا]

القلـب من كثـر الهواجيس قزّان **** مـا يستريح من الدهر ربع ساعة ​

يا غافـر الـزلات يـا والي الشان **** تـجعل من التقوى لنفسي بضاعة ​

أنـا علـى لان وربـعي على لان **** متخالـف ٍ رايـي وراي الجماعة ​

مانـي ولـد شاوي يسرّح الضان **** يفـرح بتصنيف البهم والرضاعة ​

أنـا ولـد علـي سلايل كحيلان ***** وربـي خلقنـي للسبايـا وداعه ​

عيب على اللي يتقي عقـب ما بان *** وعيب ٍ طمان النفس عقب ارتفاعه ​

الناس مـا تسقيك ليا صرت ظميان *** ولا يشـرب المظمي حذا من ذراعه ​

أضرب على الكايد ليا صرت بحلان *** وعنـد الولي وصل الرشا وانقطاعه ​

إمـا تـجيب عقود حص ٍ ومرجان ***** والا فلـبـليـس ٍ يطيـر بشعاعه​

عبيد الرشيد ​

 

[الكويت تجمعنا]

​

ألا ياوجد قلبي للذي مثلي عضيده مات​

مابين الفقر وأسباع البشر وقلوب شريّة​

أنا طفل وتحمّلت الشقامع جاير الويلات​

ولو باموت قدم الناس ماحد ٍ ملتفت فيّه​

 

[عندليب السياسه]

فديت راسك .... يا ليل دانه ويا ليل الدانه ":.

 

[Ms Rose]

حيالله المهره ":. صباح الخير يا مدلل ":.


لو التواضع والوفا من صفاتك ..بعت الحبايب كلهم دين وشريك !

الله يحييك يابو عبدالله

نور الموضوع:وردة:​

 

[عندليب السياسه]

يكفيه نورج ...


أنا الرضيع اللي نبت له مية سن":. وأنا المخرف والحلاوة بيدي":.
أنا الحزين اللي يقولون له غن":. وأنا اليتيم اللي ملأ الدمع خدي

 

[Ms Rose]

تبفى عزيز و جرحك إللي بالأعماق ..


ذكرى عزيزه من حبيب كواني .. ​

 

[Ms Rose]

لاضاق صدرك..وازعجك جور دنياك!
ارجوك اعتبرنــــــــــي..
~اعز~واغلى~واوفى~

من عرفت بزمـــــانك​

​

 

[الكويت تجمعنا]

كنت أحسب إني عرفت الحب قبـل أعرفك .~
وعشقت قبل أعشقك واحترت قبل ألتقيك .~​

وكنت أحسب إِني عرفت أحباب , قبل أوصلك .~
وأثري توهمت في غيرك وأنا كنت أبيـك.~​

 

[الكويت تجمعنا]

اللي تركني وأنا في // عز غربالي..~
بعد الشدايد وش اللي ذكره ][فيني][..~
يبغى زمانه (يعود) ويرجع الغالي..~
وشلون يرجع بعد ما][طاح من عيني][..~
لا الوقت وقته ولا له شي في بالي..~
انا (نسيته) مثل ما كان ناسيني..~​

 

[الكويت تجمعنا]

يا ما تمنيت نظرة منه في حالي..~
يا ما تمنيت صوته لو يناديني..~
وأقول لااظلم علـي الليـل // بلحالـي ..~
الله يجيبه يشتـت غربـة سنينـي..~
من كثر ماكان طيفـه دايـم قبالـي ..~
احيان احسه [معي] وتضمه ايديني..~
ولامن تنبهت ليـن وجيـه عذالـي ..~
كلٍ على ماطـرى بالـه يسمينـي..~
ليته تركني بعد هـذا علـى فالـي ..~
زي ماتركتـه بعد (قتلـه) بساتيـنـي..~
من بعد ماصار جاب بلسانه الحالي ..~
يبغى يرجـع زمـان ][بينـه وبينـي][..~
قولوا له اني مااحبه كثـر ترحالـي ..~
او لا حرام يتضايـق والا يبكينـي..~
قولوا له اني ((احبه بس مـن تالـي))..~
ان راح والا رجع // ماعـاد يعنينـي..~​

 

[الكويت تجمعنا]

رحت أسولف للجبال الصم عن قصة غلاك.~



ماسكت إلا ودمع عيونها ينحت صخرها !!

​

 

[عندليب السياسه]

الليله هذي واضحه ليلة إفراق حاولت اعديها وعيت تعدي
إظروف ما تنطاق ولا راح تنطاق صد القدر ماهو بصدك وصدي
تعال اخذني بين اياديك مشتاق قبل إنتفارق حط ايدك بيدي
بجلس معك ساعه حبايب ومشتاق من بعدها كيفك ولو صرت ضدي
فيني خليط اشواق باشواق حدي
ودي المك واحضنك حضنت اعناق ياشيب عيني كل ما قلت ودي
حتى الدموع استحت كبر واخلاق تساقطت فوق خدك وخدي
لوحة شعر تبكي على بيض الاوراق بيحت فيها من ردى الوقت سدي
ليلة جفا وإفراق ما مثله افراق حاولت اعديها وعيـــــــــّـــــــت تعدّي​

 

[كويتيه من مطير]

أجمل احساس عندما تعيش لفترة تعشق انسان

وعنـدمــا تـصـادف عـيـنـك بعيـنـه تجــده يـقـول لـك

(((( أحـــــبـــك ))) .....
​

 

[كويتيه من مطير]

أحب زولـه و أحب طوله و أمـوت " برزة " عقـاله ...
و أحب ولاعته وعطـره و " بـوكـه " وكل حاجـاته ...

و أحب سيارته واسمـه ورسمـه و رقـم جـوالــه ...
و أحب " بـزران " شارعهم ونغمة صـوت جـوالــه ...

يمـــوت بكـلــمة ٍ منـي ... يــذوب و حــالته حاله ...
و أشـوف إنــه غـدا طفـل ٍ .. و إني أغـلى لعباتـه ...

 

[عندليب السياسه]

حلوه يا كويتيه ههههه روعه كلماتها ":.

ما عندي شيئ اكتبه الحين خلص بححح بحاول آخر الليل احضّر قصيده من بنات افكاري ":. اون شاء الله تعجبكم

هذا الرابط مخصص للمهره قبل الزحمه ":.
http://www.youtube.com/watch?v=bpcYnVY-NPk&feature=related

 

[كويتيه من مطير]

حبيبي بسألك ..​

ليـه الهـوى منـك وفيـك ؟؟

ليه المشاعر ما تعيش الا بساعة شوفتك

ليه المحبة والوفا وابيات شعري تهتـويـك

ليه انت وبس اللي أموت ببسمتك

تـــــــــــــــدري

لــو مــرة أقــوووول إنـي كـرهتـك ..

ما أبيــــــك

يـرجـع علي صـوت الصدى ويقــــول

مـا كـبـر كــذبـتــك ...​

​

​

 

[قمر الكويـღـت]

أحب زولـه و أحب طوله و أمـوت " برزة " عقـاله ...
و أحب ولاعته وعطـره و " بـوكـه " وكل حاجـاته ...

و أحب سيارته واسمـه ورسمـه و رقـم جـوالــه ...
و أحب " بـزران " شارعهم ونغمة صـوت جـوالــه ...

يمـــوت بكـلــمة ٍ منـي ... يــذوب و حــالته حاله ...
و أشـوف إنــه غـدا طفـل ٍ .. و إني أغـلى لعباتـه ...

حلــــــووه