مسـج .. وقصيد..

الحالة
مغلق و غير مفتوح للمزيد من الردود.
س

سلطان الفيصل

عضو ذهبي
لاصرت ما أرحب ليا جوني ضيوف .... وش عاد لاقالوا عن الدرب كوَع


ربعي بني وايل من الحد للجوف .... مافيهم اللي لأظلم الليل خوَع


لو أنها بخيول وقلوب وسيوف .... كم واحدن من طاشر الدم زوَع




ياسر التويجري


:وردة:
 
س

سمو الروح

عضو مخضرم
ما بيني وبينك الا حاجز الصمت .. لا آنا كسرته ولا أنت اللي كسرته

ياكثر ما أخطيت , لكن ما تندمت .. الا على من على شانك خسرته​
 
س

سمو الروح

عضو مخضرم
كل الهوى والحب باقي بقاياي .. خذت أوله وأتلاه وأقول دوبي
ومن له مثل حبي يسوي سواياي .. ياصل مواصيلي ويسلك دروبي
.
.
:وردة:​
 
L

Lyla.N.A

عضو ذهبي
نآفق تعيش ..وجآمل آلنآس تنحب .
بيع آلضمير ..تشوف كل شي ٍ يجي لك
هذآ هو آلدستور ....في وقتنآ آلصعب
آمآ تزيل آلصدق ..ولآ يزيلك
 
س

سمو الروح

عضو مخضرم
رجال تقصيره مع الناس مسموح .. حيث ٍ ماله بالقديمه شدادي

ورجال تقصيره مع الناس مفضوح .. و كل ٍ يقول النار ترث رمادي​
 
L

Lyla.N.A

عضو ذهبي
إن لم تكن ذئباَ كلتك الذيابه =. ويبلش ببلشتك الرفيق الموالي
قدلي وانا اشوف الخطاء واجتنابه =. الخوف من شرهة كرام السبالي
سولفت وصدور الرجاجيل غابه .= ولا به ابعد من قلوب الرجالي
 
س

سمو الروح

عضو مخضرم
يا صاحبي واللحظه اللي ماحسبت ألها حساب .. يوم اني أرسلت الرسايل وأنقطع فيك الأمـل

اذوق من قربك عذاب وذقت في صدك عذاب .. شي ليا مني وصفتـه ما توفيـه الجٌـمـل

ولو جيت اعاتب ماتكفيني قواميـس العتـاب .. لو كل عذر(ن) فيغيابك محتمل في محتمل

ابسألك لكن سـؤال و ودي ألقى له جـواب .. صحيح حنـا انتهينا وانتهى لم الشمـل​
 
س

سمو الروح

عضو مخضرم
ابصـعـد المـرقـاب واشـــب ضـــوّي .. ما دامـنـي ضــاري بـعــال المـراقـيـب
مـا قــول يا لـيـتـي ولا قـــول لـــوّي .. اتـعـب عـلـى الـطـالات وادوّر الطـيـب
اخــذ قـراراتــي بـصـمـت وتـــروّي .. مانـي مـن اللـي اجـازي العيـب بالعـيـب
واكـبـر مـثـل بأن الـزمـان مـتـلـوّي .. تضـيـع ما بـيـن الـعــدو والاصـاحـيـب​
 
الحالة
مغلق و غير مفتوح للمزيد من الردود.
أعلى