سؤال وجواب شلت صندوق الألياف الضوئية بسبب الترميم والحين ابي اركبه ؟

[عطارد]

مثل ماهو واضح من العنوان بسبب أعمال الترميم بواجه المنزل شلت صندوق الالياف الضوئية مال الحكومة والحين ابي اركبه من جديد العامل عندي يقول ما اقدر اركبه الا لما تفتح الصندوق علشان اثبت لك البراغي والمفتاح عند الحكومة مع العلم أني اتصلت على وزارة المواصلات قالي لازم تروح شارع كندا دراي بالشويح وتلف يمين بيمين وتلقا شركة هناك نسيت اسمها تركبه لك .. مافي حل لهذه المشكلة ما اقدر اتصل على الجهه اللي ركبوه لي علشان يركبونه من جديد

 

[بدوي ذرب]

فعلا اذهب لادراة الشبكات الهاتفيه بالشويخ وانت قادم من شارع الصحافه باتجاة المطار
وعلي يسارك سنترال كيفان ادخل اعتقد ثاني دخله يميين قبل او بعد معرض ولد الهانم
تجد ادارة الشبكات عاليمين ولما تدخل شوف الغرفه اللي عاليمين غرفة الشركات

 

[عطارد]

شكراً اخوي على التوضيح .. بس اذا رحتلهم وطلبت يركبونه راح ياخذون رسوم عليها ولا مجانا

 

[بدوي ذرب]

شكراً اخوي على التوضيح .. بس اذا رحتلهم وطلبت يركبونه راح ياخذون رسوم عليها ولا مجانا

اعتقد والله العالم اذا سبق التمديد ما فيه شئ ببلاش
بس اول مرة مثل القسائم الجديدة اكيد ببلاش

 

[بدركوم]

اخوي ليش تركبة خله على جنب لان مطولين بسالفة الالياف الضوئية صار لهم سنتين او ثلاث كل سنة يمر الفني يطل في البوكس ويمشي

لما تشوف عروض شركات الانترنت تقدم ألياف في منطقتك ركبه ولا الحين بتضايقك نفسك ويمكن تشيله مره ثانية

 

[عطارد]

بدر كوم .. انا توني مشترك بالدي اس ال من فاست تيلكو وراح يركبونه يوم الثلاثاء اللي يجي الدعم الفني يقول ضروري يكون هذا الصندوق موجود ليدعم لك سرعة 8 ميغا بايت لانهم راح يتعاملون مع المواصلات ويجبون مفتاحه ويوصلونه مع الدي اس ال

أمس العصر رحتلهم لقيتهم مسكرين .. طلع دوامهم صباحي وبكرا معطلين .. ومكانهم من بداية شارع كندا دراي لما تكون جريدة الوطن على يسارك اول لفه يمين أدخلها وهم بعدها أول لفه يمين ادخلها تلقاهم على يسارك بمبنى متهالك جداً وغرفهم شاليهات كيربي ومسماهم أدارة الشبكات الهاتفية

 

[بدركوم]

اخوي عطارد انا ذكرت اذا الالياف الضوئية تدعم منطقتك ركبه اما اذا منطقتنا الموقرة حاله حال صندوق الجريدة

ومبروك السرعة الرائعه