مقارنة بين عمل bo-saleh و الاخ ولد اليرموك
علشان تجاوبون على سؤالي لازم يكون عندكم شوية معلومات عن القطاع النفطي
وبسوي لكم مقارنة بسيطه بين عمل bo-saleh وعمل ولد اليرموك
bo-saleh موظف فني في القطاع النفطي
ولد اليرموك موظف مدني
bo-saleh عنده سيارة موديل 2009 ماشية 150 الف كيلو
ودعامية سيارتة رايح لونها بسبب الغبار والخطوط الطويلة لان دوامه بعيد
وولد اليرموك سيارتة 2009 ماشية 40 الف فقط وصبغتها صبغة وكالة
bo-saleh يطلع من بيتهم 5:30 صباحا ويروح لدوامه ويرجع 8:30 بالليل
يشوف عيالة لمدة ساعتين وينام علشان يرتاح من التعب
يشوف عيالة لمدة ساعتين وينام علشان يرتاح من التعب
ويقدر يداوم ثاني يوم
بينما ولد اليرموك يطلع من بيتهم 8 صباحا ويرجع لبيتهم 1 ظهرا
ياخذ قيلوله ويقعد الساعة 4 العصر ويشرب جاي ورفيجه bo-salehتوه مارجع لبيتهم
bo-saleh لو يتاخر ساعة ياخذ انذار وخصم
بينما ولد اليرموك ممكن يداوم 11 الصبح ماعنده مشكله
bo-saleh يشتغل في حقل نفطي متروس بالغازات السامة
مثل H2S وغيرها والمواد الكيماوية الخطرة جدا جدا
بينما ولد اليرموك يشتغل في مكتب مكيف ويشغل كل يوم كسرة بخور
ولما تدخل مكتبه بالصيف ماودك تطلع منه من حلاة المكيف
bo-saleh ياكل ريوقه بالسيارة وهو مداوم الصبح ويتغدى في الدوام في وقت الغداء فقط
بينما ولد اليرموك ياكل ريوقه في مكتبه مع الزملاء والمراجعين ينطرونهم برا غصب عليهم
واذا فيه خير المسؤول يمنعهم عن الريوق
و يتغدى كل يوم في بيتهم وعياله وزوجته حواليه
وعيال bo-saleh مايحلمون بالغداء مع ابوهم الا في الاجازات
bo-saleh مأجر هندي يودي عيالة للمدرسة
وبينما ولد اليرموك هو يودي عيالة يوميا للمدرسة
وطبعا انتم عارفين شلون نفسية العيال اذا ابوهم الي يوديهم ولا هندي
bo-saleh اذا يبي يروح للمدرسة يتطمن على عيالة
لازم ياخذ اجازة يوم كامل
بينما ولد اليرموك اذا يبي يروح يتطمن على عيالة بالمدرسة
دق سيارة سلف دقايق وهو بالمدرسة تطمن ورجع دوامه
bo-saleh لو تصير في بيته مصيبة لاسمح الله
يتصل على اخوانه يقولهم تكفون اللحقوني شوفي شصاير في بيتي
بينما ولد اليرموك لو تصير في بيته مصيبة لاسمح الله
دقايق ولا هو في بيته
وفي النهاية نخليكم تشوفون اماكن عمل bo-saleh و ولد اليرموك
اماكن عمل bo-saleh
طبعا للي ما يعرف هذي الصورة الي تحت
البايبات الي تشوفونها هذي فيها بخار عالي الحرارة وضغط عالي
لو ينفجر على الي موجودين عنده يصيرون في خبر كان
وصارت اكثر من حادثة
وهذي اماكن عمل ولد اليرموك
اتمنى تتقبل مني بصدر رحب ياخي الكريم ولابد ان تتمنى الخير للناس كي يتمنون لك الخير ياخي
والحين شفتوا مقارنة العمل بين bo-saleh وولد اليرموك ولكم الحكم ياخواني وعزوتي والله لايغير علينا ولانحسد بعضنا بعض ياخوان
اخوكم bo-saleh من المنتدى النفطي