وش يطلع أبو أبرة ؟؟

[ثامر العنزي]

تبيّـن أن الأرصدة
التي تضخمت في
حسابات «أبو إبرة»
أقل من تسعة ملايين
دينار... بقليل.
سامح الله وسائل
الإعلام... ظلموه!

غيور

http://www.alraimedia.com/Alrai/Article.aspx?id=299681&date=25092011


منذ إسبوع تقريباً ، وأنا إقرأ في هذة الزاوية وغيرها من زوايا وخلفيات بعض الصحف
عن حكاية أبو إبرة ، الذي لم يعد لة حس ولا خبر ،و كأنة فص ملح وذاب في مستنقع
الرشوة ،، والعياذ بالله ..!! أقل من 9 ملايين دينار ؟؟ يسوى الموضوع . !!!

أوجهة سؤال لمن هو متمرس في الألغاز والغطايا ، من تقصد زاوية ثرثرة بأبو إبرة ؟

نبي رمعة زينة يالربع !!!
​

 

[فهد الرشيدي]

اخاف ابره سكر

تلاقيه حتى بالمجلس طلع ذراعه وساقها ابره قدامهم

 

[مطيري27]

بو ابره ما عمره صوت الا لمصلحة المواطن مواقفه مشرفه للحين

 

[البركان]

أخي ثامر لا تصدق كل ما يكتب في الجرايد بعض الجرايد قبيضه واذا عندهم دليل ليش ما يسوون مثل جريدة القبس ويفضحونهم أو يحولونها النيابه ​

 

[التركى]

الراى يقصدون ابو رميه لانه فضحهم وفضح بودى على موضوع ارض لطيران الجزيره الى يملكها بودى
ناس ماتستحى خلونى ابوق ولا بفضحكم واطلع عليكم سوالف

 

[فهد الرشيدي]

الراى يقصدون ابو رميه لانه فضحهم وفضح بودى على موضوع ارض لطيران الجزيره الى يملكها بودى
ناس ماتستحى خلونى ابوق ولا بفضحكم واطلع عليكم سوالف

توقعك بمكانه لانه بورميه طبيب وحاطين عليه

 

[الوطن وطنا]

يقولكم ابو ابره و9 ملايين

شوف اللسته وتعرف ابو ابره منووو والرقم اللي قدامه

 

[شمري كويتي]

صج منو المقصود بكلمة ابو ابرة

هل فعلا كلام اخوي التركي صحيح​

 

[kuwait1]

توقعك بمكانه لانه بورميه طبيب وحاطين عليه

لا مو عشان طبيب عشان هالموضوع:
وشهدت نتيجة التصويت الذي حضره 64 عضوا إمتناع النائب خالد السلطان، وعدم مشاركة د.ضيف الله أبورمية في التصويت لعدم حضوره جلسة اليوم، وأفاد مدير مكتبه أن النائب أبورمية غادر مستشفى الفروانية بعد اعطائه أبر منشطة جدا جراء وتوجه للمجلس.
http://www.alaan.cc/pagedetails.asp?nid=43356&cid=30
وهذا الرابط

 

[شمري كويتي]

الراى يقصدون ابو رميه لانه فضحهم وفضح بودى على موضوع ارض لطيران الجزيره الى يملكها بودى
ناس ماتستحى خلونى ابوق ولا بفضحكم واطلع عليكم سوالف

هل انت متأكد اخوي التركي

ان المقصود بكلمة ابو ابرة

هو ابو رمية​

 

[ثامر العنزي]

اخاف ابره سكر

تلاقيه حتى بالمجلس طلع ذراعه وساقها ابره قدامهم

والله مادري يخوك ابرة سكر ولا غيرها

ورمعتك بعيدة الظاهر

شكرا لك​

 

[ثامر العنزي]

مطيري 27

بو ابره ما عمره صوت الا لمصلحة المواطن مواقفه مشرفه للحين

منو هو طيب ؟؟

شكرا لك :وردة:

البركان

أخي ثامر لا تصدق كل ما يكتب في الجرايد بعض الجرايد قبيضه واذا عندهم دليل ليش ما يسوون مثل جريدة القبس ويفضحونهم أو يحولونها النيابه ​

نعم صدقت . إذا عندهم دليل ليش ما يطلعونة مثل القبس ؟؟؟

اكيد المسألة فيها سرر عزيزي بركان

عموماً شكرا لك :وردة:​

 

[خـالد]

بو رميه المقصود ، لانه كثر عليه الحديث انه حساباته متضخمة وحققوا معاه بهذا الخصوص قبل لا يجي الندوة.

اهم النواب مركزين على قضية الرشاوي اكثر من تضخم حساباتهم ، فبعضهم شارك بالندوة للتموية ومن مبدأ "انا معكم" وماستبعدها من بو رميه.

 

[ثامر العنزي]

الراى يقصدون ابو رميه لانه فضحهم وفضح بودى على موضوع ارض لطيران الجزيره الى يملكها بودى
ناس ماتستحى خلونى ابوق ولا بفضحكم واطلع عليكم سوالف

معقولة ؟؟ يكون ابو رمية ؟؟؟؟؟

لا مستحيل ؟؟

إن كان هو فعلا لأنة كشف موضوع ارض طيران الجزيرة ، تكون جريدة الراي العام ارتكبت جريمة في الشخصانية والله . وهذا لايجوز .

النائب ابو رمية . لا نزكية على الله ، ولكنة ونعم .

الله يستر من هالسياسة اللي راح تجيب العيد

شكرا عزيزي التركي :وردة:
​

 

[البيدق]

بودي فاجر بالخصومه ولا يتوانى عن بهتان خصمه
كلنا تعرف خلاف بودي مع ابورميه
لان ابو رميه قدم اسأله عن مشروعات مخالفه
يملكها بودي والدليل على ان هذا كذب من بودي
فليس هناك اي وسيله اعلاميه تحدثت عن الاحاله
الا جريدة الراي التي يملكها بودي

 

[البيدق]

اني لأخشى على بودي من دعوة لا تخطئه من ابورميه
البهتان عاقبته وخيمه ترقبوا هذه الايام حوبة المظلوم
المفترى عليه 

 

[مواطن غلبان]

الراى يقصدون ابو رميه لانه فضحهم وفضح بودى على موضوع ارض لطيران الجزيره الى يملكها بودى
ناس ماتستحى خلونى ابوق ولا بفضحكم واطلع عليكم سوالف

:إستحسان::إستحسان::إستحسان:

كلام سليم اخوي التركي ..

الراي بعد ان فضحهم د. ضيف الله بورميه ..

استلموه بجريدتهم .. وبقناتهم ..

حتى مذيعينهم بالتويتر مستلمين بورميه ..

ما اقول الا كلمه ابو حمود الشهيره .. (( خيب الله رجاكم )) ..

يوم الرجال فضحكم .. استلمتوه ..

وسالفه الابره مطلعها السافل محمد الجويهل .. فكل من يتداولها بعده .. يؤيده ويتبع منهجه ..

بالنهاايه (( ابورميه عضو نزيه شريف ذو مواقف مشرفه )) :وردة:

 

[مواطن غلبان]

بو رميه المقصود ، لانه كثر عليه الحديث انه حساباته متضخمة وحققوا معاه بهذا الخصوص قبل لا يجي الندوة.

اهم النواب مركزين على قضية الرشاوي اكثر من تضخم حساباتهم ، فبعضهم شارك بالندوة للتموية ومن مبدأ "انا معكم" وماستبعدها من بو رميه.

اافاا يا خالد .. متستبعدها من بورميه ..!!

عطني موقف واحد وواحد فقط .. كان الدكتور بورميه مو مع مصلحه المواطن فيه ؟؟

وهو من نواب المعارضه .. ورجل دين ..

اخي خالد .. يجب ان تعرف من هم الشرفاء بالمجلس

 

[q5hq5h]

الله يجزاه خير الرجاااال راااص عمره صاارله كم يووم مااوده يدش بالموضووع لاا يحرجونه

وأكبر دليل ماابي أقوول قاابض االناااس بالندوه بصوووب وهوه بصووووب يتككم يبي تطبيق للشريعه

ثرثره ..


سلاطة لسان


نواب تجمع «الإرادة»
سيجلسون في جهة
والنواب «القبيضة»
في جهة أخرى...
أين سيجلس أبو إبرة؟


ويقووولك صااله الافراح أطلع 3 ملاييين بالسنه ..

يااأخوان لاا حد يطلع ويقوول الجريده جذابه الجريده حاقده

الموضووع الي تبوون تصبدقونه تصدقونه والي تبوون

تجذبوونه تقوولوون الجريده حاقده ..

 

[بدون مجاملة]

الله يجزاه خير الرجاااال راااص عمره صاارله كم يووم مااوده يدش بالموضووع لاا يحرجونه

وأكبر دليل ماابي أقوول قاابض االناااس بالندوه بصوووب وهوه بصووووب يتككم يبي تطبيق للشريعه

ثرثره ..


سلاطة لسان


نواب تجمع «الإرادة»
سيجلسون في جهة
والنواب «القبيضة»
في جهة أخرى...
أين سيجلس أبو إبرة؟


ويقووولك صااله الافراح أطلع 3 ملاييين بالسنه ..

يااأخوان لاا حد يطلع ويقوول الجريده جذابه الجريده حاقده

الموضووع الي تبوون تصبدقونه تصدقونه والي تبوون

تجذبوونه تقوولوون الجريده حاقده ..

جميع صالات الافراح بالكويت اجارها لليوم الواحد وهو يوم الاحتفال 100 دينار فقط لاغير

هذا حسب علمي

يعني لو افترضنا ان صالة ابو رمية يتم تأجيرها بشكل يومي على مدار السنه ( وهذا مستحيل )

كون شهر رمضان وبعض ايام السنة تخلو هذه الصالات من الاحتفال .!

ولكن لو افترضنا انها تحجز بشكل يومي ... سيكون مدخول الصالة بالسنة الواحده هو

36,000 ألف دينار .

كيف يكون مدخولها ثلاثة ملايين دينار بالسنه .؟؟

لايكون عندك ( بسطة ) داخل الصالة وتعرف اسرار عنها محد يعرفها غيرك .؟؟