باجر الصحافة البحرينية تقول إن الكويت قاصدين يخرجون البحرين والإتحاد الدولي مرتشي، وأحمد الفهد هو المسؤول عن اغتيال عماد مغنية.
قالوا و خلصوا و أزيدك من الشعر بيت أن بعض لاعبين منتخب البحرين تهجموا على لاعبينا و اتهموهم بالتواطئ مع المنتخب الإيراني ..
أمس كنت قاعد مع علي مراد و ياله اتصال من ربعنا بأصفهان و عطوه خبر بخصوص تهجم لاعبين البحرين عليهم عقب المباراة ..
طبعاً أشكره احنا طابخينها و معطين المباراة حق ايران ، و هالشي بين آخر دقيقتين ، بس زين يسوون كفو كفو عشان صحافة البحرين تمووووووووت قهر و يبطلون تشكيك بقدرات مستر بلو ..
سعيد جوهر كاسر خاطري ، مسكين من سنة 1996 و اهو يحلم بقهر الأزرق ، و كل سنة اييله طراق على ويهة ..
يا جماعة شفتوا شورتات لاعبين ايران ؟ ما شاء الله تبارك الرحمن شل افخووذ ! الشورت صاير بوكسر عليهم ..
أحلى شي بمباراة البحرين و ايران لما سعيد جوهر يبي يخترق الدفاع و يقوّل من الستة ، كل ما يحاول يسوي "فنت" ولا "امبريلا" إلا تكود على الأرض و تسفط جنه ربيانة ..
مبروك لمستر بلو التأهل من غير أعمدة الفريق كعليوي مراد و سعد العازمي ، ولا عزاء لعشاق الحلوى و المتاي ..
بس لو الله يفكنا من عبدالله ذياب و فيصل صيوان أحنا بخير ..