سؤال وجواب هل هناك زيادة إلى راتب دعم العمالة ؟

[" بو عزوز "]

شباب فيه زيادة حق راتب دعم العمالة ؟

سمعت إنه فيه 150 دينار
وفيه ناس في تويتر قالوا 220 دك !!

ويا جماعه عندي سؤال :
- المتزوج الكويتي من اجنبية هل تصرف له راتب من الشؤون وهو قاعد يدرس ؟

واذا قدّمت على الاسكان .. متى يعطوني راتب بدل الإيجار و و و ؟ هل بعد شهرين ؟

 

[" بو عزوز "]

؟؟؟؟؟؟؟؟؟؟؟؟؟؟؟؟؟؟

 

[Meridian]

ماقو .. ماقو.. ​

اليوم في تصريح لمدير في دعم العمالة اسمه العنزي يشير بأن هناك دراسة تعد لبحث زيادة القطاع الخاص بهدف الحد من الهجرة العكسية وتعزيز رغبة الدولة في توظيف الكويتين في القطاع الخاص.​

يقول أنها تحتاج 3 أشهر.​

 

[برونزي]

للاسف مافي زياده بس فالحين بزيادات النفط
القطاع الخاص مظلوم لازم زياده اقل شي 300 دينار
الله لا يوفق موظفين النفط يا جعلها زحير ببطونهم ما يتهنون بزيادتهم

 

[برلمانيات كويتية]

والله موظفين القطاع الخاص يستحقون زياده لانهم مظلومين وان لا تقل عن ٣٠٠ دينار

 

[عبدالله .]

الخير جاي إن شاء الله بس يبيله صبر
من ناحية مظلومين فعلاً مظلومين

طبعاً المظلومين هم موظفي القطاع الخاص اللي يشتغلون ويكرفون
مو التعيين الوهمي​

 

[ولد اليرموك]

الموظفين في القطاع الخاص . . فئة مظلومة ويجب إنصافها . .


وعجبي من حكومة تشجع أبنائها للعمل في القطاع الخاص . . وبعد جم سنة تهده على رؤوسهم . .​

 

[الحر_189]

شي مو منطقي برواتب دعم العماله الفرق بين محو الاميه وخريج الدكتواره حواي 80 دينار فقط

ليس بالمعقول شخص يفرق عن شخص بالتعليم حوالي 20 سنه ويفرق بدعم العماله فقط 80 دينار

المفروض دعم العماله للمتواسطه مثلا يخلونها كما هي 330 على ما اظن ويخلونها عادي تتساوى مع الابتدائي ومحو الاميه مايعطونه دعم عماله الا لما يجيب شهاده ابتدائي

والثانوي مثلا 450

والدبلوم 500

والجامعي 600

والماجستير650

والدكتوارة 800

هكذا يكون في عدل نوعا ما

 

[صوتك يناديني]

استغرب ان في ناس ليلحين قاعدين بالقطاع الخاص وياخذون راتب من اعاده هيكله القوى العامه الي اثبت فشله الكبير

 

[تشالنجر]

للأسف مافيه زيادة

لأنه اغلب الي ياخذون دعم عمالة توظيف وهمي وهم الي مخربين عليكم