طفل بدون يعمل في بيع الرقي على الرصيف لكي يعيل أسرته وينظر إلى أبناءنا وهم داخل ...

[اسد السنة ( محمد بن هايف)]

لا حول ولا قوة الا بالله ، من المسئول عن ضياع مستقبله ومستقبل عشرات الالآف من الاخوان البدون الكويتيين ؟ ، هذا والله اعلم بذلك ، ونسأل الله العفو والسلامة .

 

[المطيري 2]

معقولة عمرك ماشفت طفل يبيع رقي عالرصيف

عساك بوكك سالم :وردة:

والله ما شفت ابد طفل يبيع في الشوارع اشوف شباب و شياب لكن (( طفل )) لا والله
المنظر يجرح القلب .. ​

 

[المطيري 2]

الصورة مؤلمه جداً اغلبهم ما يعرف يقراء ولا يكتب يا اخوان والله كارثة

---

الاخ مطيري اغلبهم ما يبيك تعطيه بوكك والى اللي فيه يبيك تشتري منه بس هذا اللي يبي ولا شلي حاده على الوقفه بالشمس


انا اتعمد اني اشتري منهم واغلب بضائهم من مزارع الكويت ابرك من بضائع التجار واقسم بالله مستعد ادفع دبل السعر للولد هذا ولا تطيح فلوسي عند بلاعين البيزه

يامر امر والله لا اخذ كل الرقي الي عنده ..

وبيني وبينك (( كلامك عدل )) انا اشوف دايم الي يبيعون خضار من مزارعهم انظف
و اجود من شغل التجار و الجمعيات ..​

 

[علماني ليبرالي]

إلى اخواننا البدون من مستحقي الجنسيه: قلوبنا معاكم. الحكومه قاعده تلعب بحسبتكم من سنين طويله. سامحونا ما بإيدنا شي..

 

[الاشعف]

لا حول ولا قوة الا بالله

 

[المطيري 2]

ماهي غريبة عليكم هالافعال يا حمران النواظر​

اللي مثلك وشرواك يساعد ويدور الاجر​

لان الاصل الطيب يحث على فعل الطيب​

والاصل الردي يحث على الردى والحسد والبخل​

مرة لقيت صبي بدون يبيع رقي​

شريت منه رقي بس علشان افيده​

ولا البيت متروس من كل خير ونعمة​

سألته قلتله يا ولدي شنو فايدتك بالرقي​

قال يا عمي الرقية نشتريها مثلا ب 750 فلس​

نبيعها بدينار​

واذا نشتريها بدينار وربع​

نبيعها بدينار ونص​

يعني الفايدة بالرقية الوحدة ربع دينار​

واحيانا تجار الرقي يرفعون السعر علينا​

وتكون الفايدة خمسين فلس او مية فلس بالرقية​

بس المشكلة ان يبيع شرط السكين​

واذا طلعت رقية وحدة خربانة او بيضا او مو حلوة​

الرقية الوحدة تضيع ربح خمس او ست رقيات​

والمصيبة اذا جت البلدية وشالت الرقي​

يصادرون الكمية كلها ويضيع راس المال كله​

ويروح يتسلف من جديد علشان يشتري كمية ثانية​

هذا اذا ما حولوه للمخفر​

وخذو عليه تعهد بعدم بيع الرقي​

والشغلة الجديدة اللي الكل سمع عنها​

وهي مصيبة المصايب وكارثة الكوارث​

انهم يحطون قيد امني بلجنة البدون​

على الشخص اللي يبيع رقي​

وكأنه ارتكب جريمة الخيانة العظمى للبلد​

ويوقفون جميع معاملاته باللجنة​

ويسحبون بطاقته ويقطعون رزقه​

وبعدين يجي واحد ويقول​

يالربع هالسنة ماجانا مطر​

والمشاكل كثرت بالديرة​

والجرايم زادت والفساد زاد والرشاوى كثرت​

شلون تبون المطر والخير والامن والامان​

والظلم نشوفه كل يوم ونسكت عليه​

منو فينا راح يسكت لو انه كان بدون​

منو فينا راح يسكت لو انه هذا الطفل واحد من عياله​

الله يسلمك يا الشمري .. ما عليك زود ..​

ولكن هذا الكلام طالع والله من قلبي و الله شي يجرح قلبك من الحزن​

يعني الي كبره مستانسين (( يروحون المدرسه الصبح و يتغدون احسن غدا الظهر و ينامون تحت
ابرد مكيف سنترال العصر و يدرسون المغرب و يلعبون العشا سوني و لا اكس بوكس )) وهذا من واقع حياتي اكلمك ..​

وهالمسكين يبيع رقي بـ هـ القايله ؟؟ يوقف لك بالشمس 5 ولا 6 ساعات ؟؟
يا رجل !! انا ورب الكعبه ما اقدر اوقف 10 دقايق بـ هـ الحر وانا رجال شلون هالولد الصغير ؟!
والله ياهي شمس الكويت تلسعك لسع (( اللهم اني اعوذ بك من عذاب جهنم ))​

وعن الرقي والله و بالله كم بيطلع يعني من هالرقي بشهر ؟؟ 40 و لا 50 ؟؟ شنو بتفيده هـ الـ 50 ؟؟​

يا رجل اذا لعبه السوني امس رايح وشاري وحده اخوي الصغير قيمتها 20 دينار وكلها شريط لا راح ولا جا
وهالمسكين كراف شهر كامل و تارك مستقبله عشان 50 ولا 40 ؟؟
يارجل نحن في الكويت (( كل شي غالي بشكل خيالي )) !!​

ما اقول الا لا حول ولا قوه الا بالله ..​

 

[علماني ليبرالي]

هالبدون عندهم عزة نفس رهيبه! أذكر مره واحد كان يبي يبيعلي شغله عند إشارة مرور (نسيت شنو بالضبط). سألته بكم؟ قالي بدينار. عطيته الدينار وقلتله يعطيك العافيه (من غير ما اخذ اللي شريته). قام الولد وقط الشغله اللي شريتها بحضني وركض.. عاد أذكر قعدت أفكر لو البياع واحد ثاني (من جنسية عربيه أو آسيويه) وصار فيه نفس الموقف جان أكيد استانس (رزق ببلاش!)، بس عزة نفس هالشخص ما سمحتله ان ياخذ شي من غير مقابل.

اذا شخص بوضعه وبوضع أهله السئ ما قبل فلس غير مشروع.. فداوية الملايين بالمجلس شنو عذرهم..؟!

 

[يعقوب الشمري]

الكويت بلد خير وما تقصر مع احد واسالو المصريين والسوريين وباقي الوافدين والبدون حاله حال الوافد ياكل وينام مثلهم,, والله حاله غصب نصير كويتيين ,, الكويت للكويتيين فقط

لا ينط لك عرج

 

[q8xtra]

اي ظلم ياأخي الكريم ...

لو ناخذ اولادنا لاي بلد متقدم ويرعى حقوق الانسان لن يقدم تعليم

لاولادنا الا بمقابل مادي ولن يعالجهم الا بمقابل مادي بل لن يسمح

لنا بالبقاء (( قوتره ؟؟؟)) الا بعد دفع رسوم وفيزا ...

حتى بلدان الغالم الثالث الفقيره اللي تحيط بنا سوريا العراق مصر

وغيرها لن تعالجك وتعالج ابناءك بالمجان ؟؟

لن تدرس ابناؤك بالمجان !!


غلطان ابو الشباب
معلوماتك مضروبه


هذا هو حال أغلب البدون ... الا قليله من المستحقين !!

ممن قدموا ارواحهم فداء للكويت ..

الكويت لم تظلم احد ..

الكويت فتحت ابوابها لكل محتاج وضعيف حال وفقير ولكنهم ليسوا

مواطنين وليسوا كويتيين ...يطلعون وثائقهم الرسمية التي قدموا بها

ويعيشون عيشه كريمه كغيرهم من الوافدين ...

مايصير يظلم نفسه وعياله ..... زورا وغشا لكي يمنحهم الجنسية

الكويتية .... اتقوا الله ... كفا غشا وتدليسا ... وبهتان

يشهد الله الذي لا اله الا هو
اني بكيت
وادمعت عيني من الصوره
وحمدت الله سبحانه وتعالى
الذي لا يحمد على مكروه سواه​

وعسى الله لا يمتحنّا​

وعنديي تعقيب
على الاخ المحترم الصاعقه
واقول له الدول الفقيره اللي تتكلم عنها
تراهم يعالجون ويدرسون الوافدين عندهم بالمجان وهالكلام انا مسؤل عنه
فيه عراقيين موجودين بالاردن وغيرهم موجودين ايضاً بسوريا​

ودراستهم وعلاجهم بالمجان​

الكويت من فضل الله غنيّه ولله الفضل والمنّه
وعلينا كشعب مسلم عربي اصيل
ان نقف مع اخواننا من البدون ونساعدهم بما تجود به ايدينا
اما الاخوة الوافدين والذين يحملون جنسيات بلدانهم
لا يمنع ان نساعدهم فهم اخوة لنا ايضاً
ولكن ليس على حساب البدون​

فالاقربون اولى بالمعروف​

<<<<<<​

ياجماعة الخير اتقوا الله يوم لاينفع مال ولا بنون
الا من اتى الله بقلب سليم
صفّوا قلوبكم وبسكم حسد​

اعوذ بالله من غضب الله​

الصوره تقطّع قلب الكافر
وتليّن حتى الحجر​

معقوله فيه ناس مثلك يالغالي​

ياأخي قل خيراً او اصمت
فالكلمه الطيبه صدقه​

وتقبّل مني هذي:وردة:
لعل الله يليّن قلبك​

وشكرا​

 

[ابونايف السعيدي]

واللة ياجماعة المفروض يعدلون اوضاعهم ولو بالشي اليسير انا اعرف شخص سوري الحنسية عائلة خلصوا معاملتهم في الجنسية ويبون يراجعون البطاقة المدنية مو ظلم هذا اللي يصير

 

[ابونايف السعيدي]

اخي كويت اكسترا الله يرزقنا لين القلوب

 

[سعد الشمري]

السلام عليكم
اتمني من بعض الاخوان عدم الخروج عن الموضوع و هو ماذنب هذا الطفل يحرم من التعليم حتي يوفر لقمة العيش لى اهلة و نفسة ..

 

[سعد الشمري]

واللة ياجماعة المفروض يعدلون اوضاعهم ولو بالشي اليسير انا اعرف شخص سوري الحنسية عائلة خلصوا معاملتهم في الجنسية ويبون يراجعون البطاقة المدنية مو ظلم هذا اللي يصير

يا اخوي السيدي خلك من السوري الله يرزق الكل
بس الكلام فية ناس والله تدمع لهم العين لو تشوف حالتهم بس فية ناس حتي الرحمة راحت من قلوبهم بسبة الحسد الله يهديهم

 

[عبدالرزّاق السّنْهُوري]

الله يفك ضيقة أخواننا البدون ويعطيهم حقوقهم المغتصبة .​

 

[ابو وزة]

ذنبه برقبة اهله

لو يستحقون الجنسية و هم كويتين جان تجنسو

و فعلا الصورة واضحة انها بالاتفاق

واقف المصور بعد مترين و الولد معطيه ظهره ..!!
مو هذي القضية اذا كانت الصورة بالاتفاق او لا
هي فعلا معبرة و محد يحب يشوف اي طفل محروم

في لجنة للبدون و يشوفون منو يستحق و يعطونه اما العراقي و الايراني و السوري
اذا كانو لا يستحقون فعيشتهم في البلد باي صورة من الصور هي رحمة لهم
واذا شايفين غير هاللشي ما يشوفون شر ديرتهم اولى فيهم

 

[الأناضول]

لاحول ولاقوة الابالله .. صوره لها الف معنى ..

قال المتنبي

أَهُمُّ بِشَيءٍ وَاللَيالي كَأَنَّها‏


‏تُطارِدُني عَن كَونِهِ وَأُطارَدُ‏


‏وَحيدٌ مِنَ الخُلاّنِ في كُلِّ بَلدَةٍ‏


‏إذاعَظُمَ المَطلوبُ قَلَّ المُساعِدُ

أنا أستغرب من بعض الردود الفاقده للرحمه والانسانيه ، الله كريم والله يرزق كل فقير على وجه

المعموره وكل شي فان إلاوجهه سبحانه ،

ياأَعدَل النَّاسِ إلاَّ في مُعَامَلتِي‏


‏فِيكَالخِصَامُ وَأَنْتَ الخَصْمُ والحَكَمُ‏


‏أُعِيذُها نَظَراتٍ مِنكَ صادِقةً‏


‏أَنْتَحْسَبَ الشَّحْمَ فيمَن شَحْمُهُ وَرَمُ‏


‏وَمااِنْتِفَاعُ أخي الدُّنْيا بناظِرِهِ‏

​

إِذااِسْتَوَتْ عِنْدَهُ الأَنْوَارُ وَالظُلَمُ‏

 

[وقت مستقطع]

الصورة من مدونة أبو فلان ( ويرجى متابعة ما دونه صاحب المدونه والتعليقات )
وصلتني هذه الصوره من الأخت Ansam518 وهي لطفل لايتجاوز عمره ال ١٢ سنه يجلس
في عز الحر في منطقة بيان ليبيع البطيخ ويستظل بظل شجرة
http://aboflan.com/10335.html


اما توقعاتي أن الظاهره راح تستفحل اكثر في ظل مخاطبة الفضالة رئيس الجهاز المركزي
للدوائر والوجهات الحكومية لتفنيش الكويتيين البدون

 

[المستشـــــار]

صوره تقطع القلب .. لاحولا ولاقوة إلا بالله
حسبي الله علي يكون السبب في ظلمكم
وربي ترزق وتوسع علي رزق ووتوفقه
وتبعده عن الحرام ,,​

 

[ابداعي]

في القلب غصة والله العظيم

 

[HMD-ALAJMI]

ياحيف ولله ياحكومه ولله عيب وفشله جنسو اللي يستحق واللي مايستحق شوفو له صرفه
ترا طولتوهاااا ياحكومه وهي صغيره سنه بس كافيه لدراسة ملف تجنيس البدون بس سنه