مالاج في صدري

[واحد من هالناس]

السلام عليكم ورحمة الله وبركاته

وبعد تفكير وتمعّن قرّرت أن أجعل لي مضياف على قول إخواني

من قبيلة شمّر والمضياف هو المجلس الذي يستقبل به الضيوف

وأنا عتيبي

وأوّل ما أحب أن أبدأ به أبيات متواضعه

والحقيقه هي السبب في تشريعي لباب هالمضياف

فـ حيّاكم الله وياهلا ومرحبا

الأبيات

اللي يشيل السيف ويهز خصره &&& يشرح سياستنا على كل الأمصار

واللي يمجّد فيه فكره يعصره &&& محتاج يصرف له ثلاثين دينار

ياللي تهين السيف للسيف نصره &&& السيف حقّه مع مواريث الأحرار

أمّا بعرضه ( فالرياجيل حصره ) &&& وإلا نهار ن فيه زوغات الأبصار

ياللي يشيل السيف ويهز خصره &&& خلّه لراع السيف بدّله بخمار

 

[واحد من هالناس]

خاطب وزير الخارجيه بالإخضاع &&& اللي سواك وهندسوا كل مشروع

من بعد ترحيبك وبهّر له أنواع &&& وإعلم ترى الموضوع بالحكم موضوع

وخلّه يقول إنّك على طق الإصباع &&& اللي بذركم مير للحصد مزروع

وضحك على علم ن ورى حدّنا ذاع &&& من إخوياك اللي سكن عقلها الجوع

تصنع علمنا ثم تضربه بالقاع &&& والقاعده ( يصنع علم ضرب مشروع )

أفتى لهم زنديق بالذكر ماشاع &&& الّا كما ماشاع بالأرض جربوع

إسألهم وأنته شبيه ن بالأطباع &&& أنتم وراكم من علم صابكم روع ؟

يوم ووراه إسبوع شهر ن للإقناع &&& الناس تنصحكم بمرئي ومسموع

وأنتم كما أنتم كالرعيّه مع الراع &&& والراع قدّمكم ضحيّه على طوع

الله أكبر يا مدوّرة الأطماع &&& لكن هالك من نوى الأرض بطموع

أمّا حدى الثنتين طبّ ن للأوجاع &&& اللي شكتها أبدانكم شر وصدوع

أما تتوب اللي تبى الحق بإسراع &&& وإن كان ماتابت على حبّة الكوع

بإذن الله المعبود والحق نصّاع &&& الثانيه يوم ن به المنع ممنوع

عزّ الوطن ماهوب سلعه لبيّاع &&& بالله عزّه ثم أسره لها دروع

 

[الـــــWـنـعـو Wـــــي]

بالتوفيــق لك أخـــي واحــد من النــاس
بموضوعــــك الجميـــل
والنعم فيك وبقبيلتك​

وتنويـــه طال عمرك قبيلة شمر الدارج عندهم ـ الديوانيــة أو المشب
ولذلك إذا نوى أحدهم أن يعزم أحد ما يقول له القهوة عندنا أو ( الشبــه ) نسبــة إلي المشب
حيث دلال القهوة والحطب والنار​

ولي الشرف أني أول عضو يشارك بهذا الموضوع
بهذه المشاركــة البسيطة​

بهذه القصيدة المؤثــرة​

ياقبر اعز انسان غالي رقد فيك​

خفف عليــه من التراب الثقيـــلي​

ياقبر ماني طيب عقب راعيك​

اللي رعاني صــار عندك نزيـــلي​

اغليك انا ياقبر من حب غاليك​

مرحوم ياراعي الوفـــــا والجميـلي​

ياللي سكنت القبر صوتي يناديك​

موتك جرح قلبي وهديت حيلي​

ماارتاح والله لين قبري يوازيــــك ​

واعلــن من الدنيا العريضـــه رحيلي​

واشق جيبي كل ما حـــــل طاريك​

كنت افتكر عمـــرك معانا طــــويلي​

يبكي عليك البيت من عرض اهاليك​

وليـــــا دخلت البيت دمعي يسيــلي​

منقـــولـــه​

 

[واحد من هالناس]

ياهلا ومرحبا ملايين والعذر والسموحه على التأخير

ماعليك زوود يالعديم

والله يسلّمك على هالدعوه الطيّبه

ويرزقك خيرا منها

أما بخصوص التنويه كلامك سليم يالغالي

لكن شمّر المشهور عندهم فالمجلس يسمّونه مضياف

وجمعها مضايف حتّى من حبّهم للكرم سمّوا أحد مواقعهم

مضايف شمّر

وماهي غريبه على كبار الصحون وساع الطعون بعاد الضعون

والمشب أخي الكريم كما أسلفت

هو مكان للإجتماعات العاديّه اليوميّه للقهوه

وأخذ إسمه من شبّة النار فيه طبعا لوجود الوجار أو المدخنه

لوضع الحطب وشبّها

وهو شيء لم تراعيه الحكومه في بنائها للبيوت قبل توزيعها

فأهملته

فأصبحت عندنا الديوانيّه

أمّا للمناسبات فيشرّع باب المجلس

وهو كما وصلني إسمه المشهور عند شمّر قديما المضياف

شاكر لك أخي الكريم على هالمشاركه الطيّبه والرد الطيّب

وبيّض الله وجهك

يبكي عليك البيت من عرض اهاليك​

وليـــــا دخلت البيت دمعي يسيــلي


​

صح لسان قايله وتسلم يمنى ناقلها لاهنت يالغالي

وحيّاك الله ياهلا ومرحبا

 

[واحد من هالناس]

ياثقيل الظلّ لو ترحل بعيد &&& ليت تفهم لا كتبنا مايلي

لابغيت أسلى على بحر ن وبيد &&& لنت بالنكبات دايم جاي لي

كلّ مصبح قدم وجهي يالمريد &&& مابيوم ن جاك ظرف ن عايلي

ياللئيم أخبرك منته بالبليد &&& والإشاره عنّها تتحايلي

كن ماتفهم ياجعلك ماتصيد &&& والجواب اللي ماعنّه سايلي

أبك انا صدري حجازي به وقيد &&& مامشى به البراد الحايلي

 

[واحد من هالناس]

لا يالكويت اللي يزيد بتس الأنعام &&& من كم دارن سوقتس اللي تمدّه

جانا السليل اللي بها عرض الأجسام &&& مثل الغنم في صيهد ن مستجدّه

أشره على القصّاب له عدّة أعوام &&& غايب لعلّه مالحق قبر جدّه

من بعد خوصه شغلها لحم وعظام &&& اليوم ماشفنا يمين ن تشدّه

ومع زياد الخير بتس دار الأيتام &&& كم من يتيم ن عند الأبواب ردّه

العاق بتس ماله قوانين وأحكام &&& والبار حقّه لاوخذ مستردّه

وأحدن يقول إن إحتضارتس له أيام &&& ولاعاد بتس طاقه ولافيتس شدّه

لكن يايمّه ترى الوعد قدّام &&& والنّور منزل نور عن كل لدّه

بمشيئته ياخير من بعد الإسلام &&& بعد الثلاث اللي لها الرحل شدّه

نبعد بتس الأحلام ونبيّد أحلام &&& وأنتي المحبّه والغلا والمودّه