رداً على جريده الرأي والوطن , في خبر أحداث الوفره

[عبدالرحمن المطيري]

السلام عليكم ورحمه الله وبركاته ..

طبعاً هالموضوع رد على خبر جريده الراي والوطن بخصوص أحداث الوفره الأخيره , وهالسالفه منتشره بين الشباب عندنا وأكدها لي كم شخص وأقتبست لكم رد أحد الاعضاء في منتدى

لا حول ولآقوه آلآ بالله ..
السسآلـفه الدوريـه لحق سيآره في البر ودعمهآ من ورآ وآنقلب وتوفى
اللــــه يرحمممــه ..
وشآفوه العآلم يوم قلب رآعي الموتر ولحقوه ودعموه يبون الشرطي يوقف
منهم الي يقربون لـ الي آنقلب عيآل عمه وخويآه شآفو ولد عمهم قدآمهم منقلب والي قلبـه الشرررطـي ..
لحقوه دعموه زبن مخفر الوفره الي جنب القبقب نزلوه عليـه يبونـه
طلعو الشرطـه مسكوهم الي مسكو كآنو 7 ومكتوب في الجريده 6
مسكوهم ضربهم ضرب الي آنكسرت آيده والي رجله
عآد الشرطه يبون يحمون راعي الدوريـه الي سوآ الفلم ذآ فـ لفقو لهم سآلفه وطلعو الشرطي منهـآ ودبسو ذآ العآلم الي مسكوهم ..
ووآحد من العيآل ممسوك معهم الله يصبر هلـه
والحين القضيـه الي بتجيهم قضيـه شروع بـ القتل وآتلآف آملآك الدولـه
يعني تحول جنـآيـه يعني يآخذون فيهآ الي آمسكو آكثر من 15 سنـه سجن
فـ يآلربع ترآ الدعوى بهي مززح وهيـآط الي يقدر ينفع الريآجيل الي آمسكو
يـآليت ينفعهممم ..
والكـلآم ذآ آكيـد منــي ..

وهالسالفه على فكره ما نقلتها ألا وأنا سائل كذا واحد من الشباب واكدوها لي ,

ومدري هل رجال الأمن يحسبون انهم فوق القانون , ويعتدون على الأرواح كأنهم لا يُحاسبون !

 

[العبدلي]

يا جماعه الشرطه مشحونين مادري ليه الظاهر يعطونهم حبوب هلوسه

اذكر مره بدوام صار موقف قدامي راعي الكافتيريا البنقالي مطيح الميانه مع اغلب الموضفين واحد الموضفين عيار ويضغط البنقالي

المهم شوي الا داخل وكيل اول بالشرطه وجاي يراجع الا طامر على خوينا ويقول له يا ....... انت مو محترم ويبيلك منو يربيك الموقف صدمنا وعيون الوكيل حمر ويبي الهواش خوينا تلعثم من هول الصدمه واستجمع قواه وقاله انت اشفيك البنقالي اعرفه انت ليش تغلط

قام يتفلت ويبي يخربها تدخلت انا ومعاي موضفين وخرناه عن خوينا وديناه المراقب

الشي المضحك بحكم حساسية المكان قال له المراقب راح اصعدك للمدير قعد يبجي ويحب راس خوينا ويعتذر



الرجل مو طبيعي ولا في شخص بكامل قواه العقليه يقتل نفس احساسي يقول بانهم يتعاطون شي

الله يرحم الي مات ويعافي المصاب ويفك قيد المسجون

 

[الكلمة الصاعقة]

اللي يحشم نفسه وماشي على القانون محد يتعرض له لا رجال أمن ولا

رجال مباحث ...ولا حتى رجال الفضاء ؟؟

سالفتك ذكرتني بالصحفي ماغيره اللي شفط واستهزاء برجال الدورية

ولما صادوه وسنعوه ......................؟؟

قال انا اعلامي معروف ورجال الدورية ميتقصديني !!

بشر لا تربية ؟؟

لا خلق ؟؟

لا رادع ؟؟

لا احترام للدولة وقوانينها ؟؟

لا احترام لرجال الأمن ..

ولا للمؤسات الامنية ...

الحين صارت السالفة بزور ؟؟ والله يعين اهلهم ؟؟ ورجل الأمن

خلى الناس كلها وراح ورى هالبزور السبعه !!

شنو هالدليس ؟

شنو هالتبرير ..!!

رجل امن يعتدى عليه بوحشية من مستهترين لم يحرص

اهلهم على تربيتهم تربية تضيف للمجتمع ؟؟

بل ربوهم ليكونوا عبئ وعاله وبؤره استهتار وبلطجة بالمجتمع !!

هم نتاج تربية سيئة ..

ونتاج قدوة اسوء ؟؟

والحين لما كبرت السالفة وقد تعود هؤلاء ان يتسابق المتردية

والنطيحة من

مجلس الخ؟؟

للتوسط لتهوهم وحماقاتهم ...؟؟

الحين صاروا فجأة مظلومين .... ورجل الأمن هد الديرة بمن فيها وراح

يدعم السبعة البريئين ؟؟؟

فلم رسوم متحركة فاشل !!

راحت السكره والتقحيص ... والتفحيط !!

وجت الفكره والتهمه والشروع بالقتل !!

نقولها ....

ذنب اي عسكري يتعرض للهمجية والغدر اثناء تأدية واجبه ولم يؤخذ

له حقه كاملا (( وافي مهو هافي )) ممن يعتدون عليه هي تضيع للأمانة

فهل وصلت الرسالة للوزير ...؟؟؟والمعنيين؟؟

 

[بــدر]

21. يمنع فتح أي موضوع يكون عبارة عن رد على موضوع آخر ويفترض أن يكون الرد في نفس الموضوع.


22. منع كتابة موضوع جديد يتطابق أو يتشابه في طرحه مع موضوع آخر قيد الحوار والمداولة، ويناقش نفس القضية المثارة في ذلك الموضوع.


http://www.nationalkuwait.com/vb/showthread.php?t=212393

مغلق