يا اخوان انا مواليدي بالضبط 2 / 8 / 1990 والله انا منحرج اذا اعطيت احد البطاقه المدنية وشاف المواليد والله وجهي يقط الوان ... شنو الحل كل واحد يسالني عن المواليد اذكر له السنه واتبلعم لمن يقول اي شهر يعني يقولون وجهك فقر سود الله وجهك .. شسوي بهذي الحاله ؟؟؟
لا عادي يالامير ., مو شرط انك تمشي وتقول انا تاريخ الفلاني وخصوصا عند الربع ..! بس الي يشوف بطاقتك .. اكيد راح ينصدم ماراح يقولك شي شنو يبي يقول يعنيِ وآجد نفس هالمواليد مو انت الوحيدِ ,, لا هو عيب ولا حرام والي صار ربك كاتبه .. والله لا يعود الايام ~
الله يعينك شي ماينسكت عنه ولازم ترفع قضيه على التاريخ
انت من صجك؟
كبر راسك ولا تهتم ولا تتحسس من تاريخ ولادتك
واذا ماقدرت حاول تنظر للجانب المشرق بتاريخ 2-8-1990
الكويت عرفت عدوها من صديقها بهاليوم ناس قدمت ارواحها واهم شهداء وهذا وسام شرف يتمناه كل مسلم
ومن هالكلام الطيب شووف الموضوع من ناحيه ايجابيه تلقى اموور كثيره زينه واستفادت منها الكويت مثل تلاحم اهل الكويت وغيرها من الامور
تسلمون يا اخوان على الردود
انتو تقولون هذا الكلام بس ما تحسون فيه
حتى واحد من الاهل يتطنز علي يقول لي ( وجهك شؤم انولدت وصار الغزو ) حتى يقولها وهو يتغشمر بس والله اتفشل قدام الناس
في طريقة يااخوان اقدر اغير التاريخ من مواليدي ؟