الاوامر الجديدة الان ببيت التمويل لايودع اكثر من ٣ الاف دينار
الا بمعرفة مصدره بعد سالفة الملايين الاخيرة
واذا عندك مايثبت كشيك او بيع قدمه.
الطريقة معقده قليلا طيب من لديه محلات او باع سيارات او غيرها
باجر يحجزون رواتبنا ويقولون من اين لك هذا؟؟؟
روحوا شوفوا الملايين تجون عالفقارى...
نعم اخوي حيلهم على الناس الي على قد حالها
الحين تبيع سياره تبيع خروف بخمسة الاف
على يوم يصير تجيب الخروف للبنك او السياره وتسوي المزاد قدامهم عشان يصدقون
هههه
خايفين من غسيل الاموال
تابعوا الارصده بس من 3 آلاف خطأ
من 15 الف من 20 الف وفوق يمكن
القانون قديم ... وهو على جميع البنوك وليس بنك التمويل فقط
لايتم ايداع مبلغ اكتر من 3 الف دينار الا بعد معرفة المصدر ...
ايجارات - بيع - ارباح ... الخ مع وجود الايصالات التي تبثت ذلك
تحياتي
والي ماعنده ايصال لماذا التحقيق معه هل صارت الشكوك في كل من يملك 3آلاف
مايصير يعني الواحد مايقدر يبيع شي او عنده تجارة اوزوج بنته او اخته يجيب عقد الزواج
او عنده مبلغ يبي يحتفظ فيه في بيتهم ولا يوديه البنك
اتوقع مايبون احد يخش فلوسه عنده يبونك توردهم والقانون من صالحهم ولا همهم المواطن
هالقانون هذا قديم جداً ...
مو توه لكن انا اعطيك الحل ... دخل المبلغ على مرتين اول شي الفين و عقبها بجم اسبوع الالف الثالث .. لانه انا اسوي جذي كل مره
يعني امش عوج يحتار عدوك فيك
بالعكس هم يخلونك بالطريقه هذي تتحايل عليهم في طرق كثيره
ومنها اجيب اخوي - السايق - رفيجي - هنديتنا- جيراني - اصدقائي كلو احد يدخل 2000 وانتهى
الطرق كثيره وقانونهم فاشل
الله يسلم مكينة الايداع النقدي دخلهم بالجهاز وريح راسك بلا موظف يتفلسف فوق راسك والله يزيدك اخوي
تحياتي ابو الحارث
الماكينه لن تقبل اكثر من 1800 دينار في اليوم
صدقت والمعامله بتعنت وتكبر مع الناس وخاصه في الجهراء الفرع الي عند صالة المغفور له الشيخ مبارك
شاكر مرورك
بو عزوز قانون البنك المركزي واضح
اي ايداع فوق 3000 دينار يجب ان تثبت المصدر للايداع
(بس علي وعليك ) وحسب معرفتك بالبنك او المدير
اما كبار القوم يودع عادي
اكيد الواسطه تسوي شغل
والي عنده اكثر من 100 الف حتى مايقوله وقف بالدور
ولا يتجرأ ويطلبه دليل من وين جايب اايداع
يخافون يسحب فلوسه يوديهم بنك ثاني
شكرا يالرشيدي
الايداع فوق الـ 3000 يستلزم فقط تصوير البطاقة المدنية سواء الايداع بحسابك او بحساب الغير قبل الفضيحة بس تصوير بطاقة العميل المودع بحساب الغير وبمبلغ فوق الـ 3000 دينار
عميل البنك دائم الايداع قبل ماكان يستلزم يجيب وصل اثبات المبلغ
والشركات بعد مو مطلوب منهم هالاثبات لطبيعتهم التجارية
فوق الـ 10000 بحال عدم اثبات المصدر لازم يتم اخذ موافقة الادارة العليا
كلها بركات حكومة ومجلس القبيضة
واللي يطيح فيها البسطاء
شاكر ردك الموضوعي
واكيد البسطاء هم الي يطيحون فيها
موضوع لعى البنك المركزي اصدار قانون فيه غير متابعة العميل على ثلاث الاف دينار المفروض
محاسبة اهل الملايين بعدين يدورون ورى البسطاء من الناس
واحد شرى سياره يحاسبونه واحد باع سياره يحاسبونه من وين ومن وين
وابو المناقصات والتجار حتى مايتجرأون من وين لك ولا يتجرؤن عليه بكلمه
حيلهم على البسطاء فقط
شكرا لك
إنزين مثلاً واحد مثل بوهباش !!
مجمع له فلوس و ذهب و طقت براسه بيحطهم بالبنك !!
شيسوي :/
ابلش !!
عزالله يبلش
يبلش اي واحد مجمع فلوس وبيحطهم بالبنك
يمكن الحل بالسجن ان لم يثبت
والله يستر