سؤال وجواب باب الصاله

[صاحبة قرار]

السلام عليكم

ابي اسوي باب للصاله شنو احسن حديد ولا المنيوم

ابي مميزات وعيوب كل واحد منهم وشنو الدارج الحين يحطون لاني اشوف بيبان حديد وهم المنيوم شكل الخشب

اذا تعرفون شركة تسوي خوش بيبان تكتبولي العنوان
ابي غير توب روك والروابط والبيداء
وجزاكم الله خير

 

[شمري كويتي]

اهم شي يكون في جام ( زجاج شفاف )

علشان اذا واحد فتح الباب

وكان وراه طفل

او شخص شايل اكل او عصير او ماي

يشوفه من الجام الشفاف

لانه اذا كان سادة بالكامل

راح يهف اللي وراه لما يفتح الباب

هل جربت مركز المعادن

بس لا يطلع صاحبه من ربع كوهين

الحديد ثقيل وقوي ويتحمل

بس اذا سكر على يد طفل يقطعها

ومعرض للصدأ

الالمنيوم خفيف وعملي بس ما يطول

وفي اختيار ثالث نسيته الخشب

وفي انواع كثيرة من المعادن

والالمنيوم الوان

والحديد الوان

​

 

[صاحبة قرار]

جزاك الله خير يالشمري انشهد انك عضو فعال وماتقصر مع الاعضاء

الجام ضروري علشان النور وشكل احلى وهو يجي مع الحديد والالمنيوم

انا اللي ابيه الدارج الحين شنو اما بخصوص الخشب مانسيته بس مع الوقت يتقشر من تحت ويتغير لونه

مركز المعادن اول مره اسمع فيه اذ انت شايف شغله وتنصح فيه بسأل عنهم

 

[جراح الكويت]

السلام عليكم

ابي اسوي باب للصاله شنو احسن حديد ولا المنيوم

ابي مميزات وعيوب كل واحد منهم وشنو الدارج الحين يحطون لاني اشوف بيبان حديد وهم المنيوم شكل الخشب

اذا تعرفون شركة تسوي خوش بيبان تكتبولي العنوان
ابي غير توب روك والروابط والبيداء
وجزاكم الله خير

على حسب مكان باب الصالة ​

إن كان مطل على الشارع (خارجي) وليس (داخلي) فالأفضل ألمنيوم مطروق نفس الحديد تقريبا أما إن كان (داخلي) فالأفضل خشب محفور ​

عموما الألمنيوم أفضل سهل تركبين فيه ستارة شفافه إن كان مطل على الشارع خلف الجام وأي محل تنجيد يركبها لج أما إن كان حديد ماتقدرين يبيلج لحام و و ...إلخ​

أما وين تحصلين الأبواب تحصلينهم (بأبيات) بجانب المجموعة العربية للسيارات فورد ​

وإذا من أهل المناطق الخارجية وتحديدا الجهراء (تحصلين شارع كامل لأعمال الألمنيوم بصناعية الجهراء) ​

 

[صاحبة قرار]

هلا فيك اخوي جراح

انا رحت لابيات وماعجبوني البيبان

باب الصاله اللي اقصده الداخلي موباب السكه


وجزاك الله خير ومشكور على مرورك

 

[جراح الكويت]

هلا فيك اخوي جراح

انا رحت لابيات وماعجبوني البيبان

باب الصاله اللي اقصده الداخلي موباب السكه


وجزاك الله خير ومشكور على مرورك

الداخلي يطل على حوش (مكان مكشوف) إذا يطل أنصحج بالألمنيوم من واقع خبره لأنه يقاول للصدأ
وتحصلين تفصال بجميع الأشكال والموديلات اللي تبين في محلات ألمنيوم بالشويخ واجد ​

 

[بقيييط]

حط الامنيوم مدبوول قوي ويعمر معك

الحديد انسي والخشب بس يجيه ماي من الحوش او المطر يخرب معك​

 

[صاحبة قرار]

الداخلي يطل على حوش (مكان مكشوف) إذا يطل أنصحج بالألمنيوم من واقع خبره لأنه يقاول للصدأ
وتحصلين تفصال بجميع الأشكال والموديلات اللي تبين في محلات ألمنيوم بالشويخ واجد ​

جراح ياليت تكتبلي عنوان او شارع اللي مو جودين فيه هالمحلات ومشكور

 

[تشالنجر]

اتوقع الافضل الالمنيوم

لأنه مشاءالله بيتنا من حطينا المنيوم من 10 سنين ونفس لونه وصبغته ولا صار فيه شي

 

[صاحبة قرار]

ههههه
انا داشه من ايفون فدست على الاجابه الافضل بالغلط

الاخ بقييط ماقصرر بس انا ما خلصت ابي عناوووين

انا اقتنعت من كلام الاخوان بالالمنيوم بس جزاكم الله خير ابي عناوين لشركات ومحلات شغلها زين

 

[مساعد الشويب]

السلام عليكم

اختي اول شي الله يعطيكم خيره ويكفيكم شره ومنزل مبارك انشالله

انا ماعندي اي فكره عن هالامور لكن بعلمج الي نشوفه من حوسه الي عندنا باب الصاله الداخلي

اما يكون سحاب خشب ومربعات جام او يكون باب خشب ومن النص جاب شفاف والمسكه ذهبيه

لو يدرون اني معلمكم جان اليوم حرب اهليه (( باق التصميم ))

وعسي ربي يوفقكم

 

[صاحبة قرار]

مشكور اخوي مساعد والله يبارك فيك صح مافي احلا ولا افخم من الخشب المحفور ومعاه زجاج مغطى بتقشة حديد
جزاك الله خير