الشيخ محمد بن زايد ال نهيان يأمر بزيادة رواتب المعلمين بالأمارات...

[ضمير الامه وصوت الشعب]

الشيخ محمد بن زايد ال نهيان يأمر بزيادة رواتب المعلمين والمعلمات بدولة الأمارات ...

بأمر من ولي عهد أبوظبي الشيخ محمد بن زايد ال نهيان أمر بزيادة رواتب المعلمين وشدد الشيخ محمد بن زايد ال نهيان على دعم المعلمين معنويا وماديا لما لهم من أهمية في بناء الفرد وتطور الأمم وقال الشيخ محمد بن زايد ال نهيان أن المعلم والتعليم هو الأساس في بناء المجتمع وتطويره وأزدهاره...ويبلغ دخل المعلم في الأمارات قبل الزيادة مابين 1500 ال 2500 دينار كويتي...والمعلمين بالكويت يذهبون لمجلس القبيضه وبطرق الدستوريه للمطالبه بالكوادر ومن 6 شهور معلقين وتأتي الحكومه الأن وتؤجل أسبوعين وغيرهم يضرب ويوقف مصالح الناس وبيوم تنفذ مطالبهم وكوادرهم مثل الجمارك والبترول والطيران وغيرهم... أخواني المعلمين والمعلماتت غدا أعتصامكم أن أردتم حقوقكم فعليكم بالأضراب الشامل حتى تنفذ مطالبكم... الحقوق بالكويت تأخذ ولا تعطى

 

[فهد الرشيدي]

خل ربعنا يتعلمون من الامارات السنع

مع اني ما اعتقد يتعلمون الا من ينطردون من الوزاره ويقعدون ببيوتهم

 

[كويتيه حرهـ]

ربعنا مايهمهم العلم ولا التعليم

كل اللي يهمهم تربيه ارصدتهم بالخارج​

 

[alwleed]

يستاهلون المدرسين والفال لمدرسينا

 

[كوك]

دام عزك ياامارات الخير

حنا نبي وظايف بس مشكورين مانبي زياااده

 

[نبض القلم]

خل ربعنا يتعلمون من الامارات السنع

مع اني ما اعتقد يتعلمون الا من ينطردون من الوزاره ويقعدون ببيوتهم

أتفق معك اخي فهد........:إستحسان:​

 

[سطام الظفيري]

للعلم الاسطوانة الغاز في الشارقه او عجمان لا اذكر بالظبط ما يعادل 8 دنانير كويتي وبالكويت 750 فلس

انا اعتقد لو حسبناها حسبة بدو نطلع حنا مشفطين لهم بالرواتب ​

 

[سطام الظفيري]

والله يا شباب شفت برنامج على قناة دبي

المذيع التقى مع عجوز في حوش منزلها حافره حفره بالحوش وتخبز وتطبخ عليه

سألها ليش يا خالة تطبخين بالارض قالت والله ياوليدي ما عندنا غازات سألها ليش ؟

قالت والله الغازات على 100 درهم وحنا على قد حالنا


الصراحه بلحظتها شكرت الله عز وجل اننا في الكويت


يا جماعه والله شعر جسمي وقف تخيلت نفسي اننا في دولة غير الكويت شلون يكون حالنا ؟


احمدو الله يالربع ترا النعمه زواله


وراتب المدرس المتزوج فوق الـ 1000 دينار غير بدل الإجار واسعار السلع زايده حبتين ( هذه زيادة طبيعيه مع الطفرة الإقتصادية للنفط )


والتمويل بلاش

والصحة بلاش

والتعليم بلاش

والخير بقبال ان شالله ​

 

[سطام الظفيري]

لا وتقلى مدرسته ورا بيته ويتلحطم يقول بعيده الظاهر يبي المدرسه بحارتهم


انا اقول بونص المليفي والله انه الحل الصحيح والاعدل بين هالكوادر


يا اخي وش تبي 8000 ( ثمانية آلاف دينار كويتي ) اخر السنه اذا كنت مجتهد ومثابر وملفك ابيض


لا تقولي ناظر المدرسه حاقد علي ومادري شنو

المليفي مألف لجنة لدراسة ملفات المدرسين ومتابعة ملفاتهم



مشكلتنا لا نقرأ حلول الأخرين واذا قرأناها لا نستوعب​

 

[جهراوي ومفلس]

اعتقد ان الاخوان يا وزير ولا بالجمارك ولا عسكري ولا بالنفط ولا الخطوط الجويه الكويتيه ..شمعنا يستلمون شهري بدون بونص سؤالي هل كلهم ملائكه يعني مافيه فاشل بينهم
ثانيا تعرفون انه ما يذكر بتقرير الراتب مع انه فيه قانون صادر يعني لو ابي اشتري سياره اتوهق اشوف لي كفيل عسكري برابعه ابتدائي راتبه اكبر مني
ثالثا اللجنه المشكله من معالي الوزير هي مدير المدرسه والموجه و رئيس القسم نفس نصائح لجنه البونص وارجع لورقه الاجتماع الثالث
يقولك 8000 للمعلم ...تدري ان المعلم ياخذ 2500 لما وكيل وزاره 8000 دينار
هل تتعهد انت ان لا يتدخل اعضاء مجلس الامه امثال عسكر وزنيفر وسعد الخنفور وغيرهم يتوسطون مستقبلا للمعلمين الفاشلين ويروح حقنا
ليش المعلم سؤال بسيط ليش من بد العالم كله........ وين مبدء العداله
اخر شي تعرف اللي ذبحنا بالبلد ...قل اعوذ بالله من شر الحسد

 

[نيو]

العداله مطلوبه

 

[فهدعلي]

والله يا شباب شفت برنامج على قناة دبي

المذيع التقى مع عجوز في حوش منزلها حافره حفره بالحوش وتخبز وتطبخ عليه

سألها ليش يا خالة تطبخين بالارض قالت والله ياوليدي ما عندنا غازات سألها ليش ؟

قالت والله الغازات على 100 درهم وحنا على قد حالنا


الصراحه بلحظتها شكرت الله عز وجل اننا في الكويت


يا جماعه والله شعر جسمي وقف تخيلت نفسي اننا في دولة غير الكويت شلون يكون حالنا ؟


احمدو الله يالربع ترا النعمه زواله


وراتب المدرس المتزوج فوق الـ 1000 دينار غير بدل الإجار واسعار السلع زايده حبتين ( هذه زيادة طبيعيه مع الطفرة الإقتصادية للنفط )


والتمويل بلاش

والصحة بلاش

والتعليم بلاش

والخير بقبال ان شالله ​

لا وتقلى مدرسته ورا بيته ويتلحطم يقول بعيده الظاهر يبي المدرسه بحارتهم


انا اقول بونص المليفي والله انه الحل الصحيح والاعدل بين هالكوادر


يا اخي وش تبي 8000 ( ثمانية آلاف دينار كويتي ) اخر السنه اذا كنت مجتهد ومثابر وملفك ابيض


لا تقولي ناظر المدرسه حاقد علي ومادري شنو

المليفي مألف لجنة لدراسة ملفات المدرسين ومتابعة ملفاتهم



مشكلتنا لا نقرأ حلول الأخرين واذا قرأناها لا نستوعب​

بارك الله فيك اخوي سطااام

هذولا الي مايعرفون الا المطالبات ناس اتوقع مايفهمون عربي

نقولهم المعلم بالكويت مامنة فايدة لو مايداوم عادي لانة 90% تلجآ الى دروس خصوصية

شنو فايدة المعلم الي سووة وكانة نبي مرسل كلامة محبوب ويقدر الواحد يفهمة ...؟

 

[المستقل]

العضو مضحي الزبدية

حاول في المرات القادمة عندما تريد أن تفتح موضوع , أن تضع مصدر أو رابط للخبر , حتى لايتم إغلاق موضوعك .