لماذا لا نستفيد من البدون المؤهلين للعمل لحين حل مشكلتهم قصة صارت معاي ..

[صقران]

البدون قضية شائكة طويلة لا نريد الخوض طويلا فيها ..


كثير من البدون مؤهل للعمل فلماذا لا يتم الاستفادة منهم فهناك مدرسين وممرضين وغيرهم من المؤهلين لاداء اعمال كثيرة مفيدة للدولة ولهم ..

بهذا سوف ينشغل البدون بعمله وبالتالي نضمن عدم جنوحه للشر او الخطأ نتيجة عدم وجود عمل وفي نفس الوقت تسد الدولة بعض الخانات لديها من الوظايف ...

قبل ايام واجهت احد الاخوة البدون من البائعين المتجولين وشريت منه وفؤجئت انه معاه شهادة جامعية من الجامعة المفتوحة او شي قريب من هذا وانه قادر ومؤهل للتدريس ولكن لم تتح له الفرصة رغم محاولاته فاضطر للعمل بائع متجول ...

طيب دام فيه نقص في التدريس نستفيد منهم إلى حين حل المشكلة نهائيا

ولنتذكر دائما ان البطالة والفقر طريق خطر يؤدي إلى مشاكل كبيرة جدا

والله يحفظ الديرة ويستر عليها

 

[q8ity2011]

كلامك جميل يا اخ صقران بس بلانسانيه
لكن بالسياسه راح يستعينون ببليس وربعه يشغلونهم وكلفتهم على الحكومه عاليه من تذاكرواقامات وسكن وغيره وموعاجبهم بس ما يوظفون البدون احيي فيك روح الانسان
والكلام الطيب بس ربعنا ما راح يتبون الى يوم القيامه ناس تقول سمع اذوني يقولك اوكي مو انا ظالهم والله بيحاسبني اوكي ماعندي مشكله شوف ليه وين وصلت معاهم لا دين ولا شرع ولا حتى دستور وللاسف والله اللي صاير بالديره من حوبة هل المساكين والله لن تهداء الاوضاع الا بعد اعطاء كل ذي حق حقه واغلاق هذا الملف والله سبحانه بيسنع لنا امورنا الظلم افتك واقوى دمار من القنبله النوويه والذريه واخيرا وليس اخراً يجب حل قضية البدون فورا بعطاء كل ذي حق حقه واغلاق ملف الجنسيه نهائياً والى الابد

 

[q8ity2011]

الله يعينك على الهجمه العنصريه اللي راح تتعرض لها لانك طلبت توظيف البدون :وردة:

 

[فهدعلي]

صح كلامك

اتمنى لهم الخير سواء بالكويت او خارجها

ترى البحرين تبي سنة تجنسهم

اخذلك ورقة تثبت انك من اهل السنة وروح للبحرين بتجنس والله يوفقك يارب
​

 

[فهد الرشيدي]

والله قهر

بدون جامعي بائع متجول ؟

الحكومه تستورد عرب واجانب وتشغلهم بالكويت وهذا ولد الديره يخلونه يبيع خضره ورقي بالشوارع؟؟

ما الوم البدون لو تظاهروا والله من الي حاسينه من ظلم

 

[صقران]

كلامك جميل يا اخ صقران بس بلانسانيه
لكن بالسياسه راح يستعينون ببليس وربعه يشغلونهم وكلفتهم على الحكومه عاليه من تذاكرواقامات وسكن وغيره وموعاجبهم بس ما يوظفون البدون احيي فيك روح الانسان
والكلام الطيب بس ربعنا ما راح يتبون الى يوم القيامه ناس تقول سمع اذوني يقولك اوكي مو انا ظالهم والله بيحاسبني اوكي ماعندي مشكله شوف ليه وين وصلت معاهم لا دين ولا شرع ولا حتى دستور وللاسف والله اللي صاير بالديره من حوبة هل المساكين والله لن تهداء الاوضاع الا بعد اعطاء كل ذي حق حقه واغلاق هذا الملف والله سبحانه بيسنع لنا امورنا الظلم افتك واقوى دمار من القنبله النوويه والذريه واخيرا وليس اخراً يجب حل قضية البدون فورا بعطاء كل ذي حق حقه واغلاق ملف الجنسيه نهائياً والى الابد

اخوي الانسانية مطلوبة ونحن مسلمين ...

وبعدين توظيفهم حتى نكف الشر والخطر على الديرة لانه الانسان اذا كان في بطالة راح يكون خطر على البلد بس وين اللي يسمع ...

 

[صقران]

الله يعينك على الهجمه العنصريه اللي راح تتعرض لها لانك طلبت توظيف البدون :وردة:

صدقني هالموضوع لو تم راح يكون في صالح الكويت اولا ...

فهناك قوة بشرية من البدون تريد العمل فاذا وظفتهم استفدت منهم وكذلك ابعدت الخطر عن الكويت من خلال وجود اناس في سن العمل بدون عمل ...

المشكلة ليست هنا المشكلة ان بعض المسؤولين للاسف وهذه حقيقة اعرفها جيدا يرى ان توظيفهم لو مؤقتا لحين حل المشكلة سوف يؤدي إلى عدم حل المشكلة لان توظيفهم يعني راح يتزوجون ويجيبون عيال ويزداد عددهم وبالتالي راح تتكر المشكلة فالضغط لديه هو الحل صدقني هذي مو غشمرة بل تصور مسؤولين كبار ...

 

[q8ity2011]

صح كلامك

اتمنى لهم الخير سواء بالكويت او خارجها

ترى البحرين تبي سنة تجنسهم

اخذلك ورقة تثبت انك من اهل السنة وروح للبحرين بتجنس والله يوفقك يارب
اخ فهد ليش ما تترك الكويت وتروح البحرين تجنس وتعيش هناك ؟

 

[يعقوب الشمري]

واصل قرار لكل وزارات الدوله بعدم توظيف البدون حتي لو الوزير مستثني شخص هذا الكلام تجرب شخصيه انا مدرس والوزير وافق ورفضة المعامله لانه بالاساس ديوان الخدمه رافض

 

[صقران]

صح كلامك

اتمنى لهم الخير سواء بالكويت او خارجها

ترى البحرين تبي سنة تجنسهم

اخذلك ورقة تثبت انك من اهل السنة وروح للبحرين بتجنس والله يوفقك يارب
​

انا مو من البدون والله العظيم لست بدون ...

لكن ما عندي مانع اخذ جنسية ثانية بحرينية

عموما انا معاك اللي يحصل فرصة في البحرين لا يتردد فالحل في الكويت بات صعبا جدا ..

 

[q8ity2011]

صح كلامك

اتمنى لهم الخير سواء بالكويت او خارجها

ترى البحرين تبي سنة تجنسهم

اخذلك ورقة تثبت انك من اهل السنة وروح للبحرين بتجنس والله يوفقك يارب
​

اخ فهد ليش ما تترك الكويت وتروح انت البحرين وتجنس هناك وتصير بحريني من اهل السنه والجماعه ؟

 

[صقران]

والله قهر

بدون جامعي بائع متجول ؟

الحكومه تستورد عرب واجانب وتشغلهم بالكويت وهذا ولد الديره يخلونه يبيع خضره ورقي بالشوارع؟؟

ما الوم البدون لو تظاهروا والله من الي حاسينه من ظلم

هذا اللي شفته اخوي فهد ...

الرجال متعلم ومثقف ودار بيني وبينه حوار فعلا مثقف وفاهم بس ظروفه دفعته لذلك مع أنه مؤهل للتدريس ...

 

[صقران]

واصل قرار لكل وزارات الدوله بعدم توظيف البدون حتي لو الوزير مستثني شخص هذا الكلام تجرب شخصيه انا مدرس والوزير وافق ورفضة المعامله لانه بالاساس ديوان الخدمه رافض

فعلا كلامك صحيح اخوي يعقوب هناك قرار منع من التوظيف للبدون وهذا اللي خلاني اكتب الموضوع ..

طيب مثل الاخ يعقوب مدرس ليش ما استفيد منه مادام الوزير موافق يعني فيه حاجه له وماكو كويتي يحل محله طيب ليش ما اوظفه بدلا من الاستقدام ...

 

[خطاب]

ازيدك من الشعر بيت

بدون خريج ثانويه بنسبه 96 علمي بايع رقي على الدائري السادس وغيرهم الكثير


عموما ديرتنا دايم تحب الغريب


وين المصري وين الوافد اهي تراكض وراه وتطلبهم طلبيه
والبدون منك وفيك طبايعهم وعادات مثل عاداتنا


ولسبب ثاني
القطاع الخاص دايما يحب الوافد لانه يحب يستعبد البشر
يزفه ويهينه يستقبل من جذي مايبون منهم وفيهم سواء كويتي ولا بدون

اعرف وافد محاسب يعمل بمخزن يبجي مسكين 6 سنين حارمة كفيله من شوفة اهله ومو معطيه كل رواتبه
ويبي بس جوازه ورواتبه

 

[غسان]

كثير من البدون ثابروا وكافحوا وحصلوا على شهادات عليا في تخصصات مطلوبة بسوق العمل والان هم بلا عمل .
الظلم ظلمات ,ولهذا الظلم تبعات على الدولة مستقبلا .

 

[صقران]

ازيدك من الشعر بيت

بدون خريج ثانويه بنسبه 96 علمي بايع رقي على الدائري السادس وغيرهم الكثير


عموما ديرتنا دايم تحب الغريب


وين المصري وين الوافد اهي تراكض وراه وتطلبهم طلبيه
والبدون منك وفيك طبايعهم وعادات مثل عاداتنا


ولسبب ثاني
القطاع الخاص دايما يحب الوافد لانه يحب يستعبد البشر
يزفه ويهينه يستقبل من جذي مايبون منهم وفيهم سواء كويتي ولا بدون

اعرف وافد محاسب يعمل بمخزن يبجي مسكين 6 سنين حارمة كفيله من شوفة اهله ومو معطيه كل رواتبه
ويبي بس جوازه ورواتبه

الظلم شين وعاقبته وخيمة ...

والمفروض طالب بدون متفوق نسبته 96 علمي استفيد منه واعطيه منحة دراسية فقد يكون عالم او نابغة نستفيد منه ...

مع اني اسمع ان البدون لهم منح في الجامعة للمتفوقين ما ادري عاد صج او لا

 

[صقران]

كثير من البدون ثابروا وكافحوا وحصلوا على شهادات عليا في تخصصات مطلوبة بسوق العمل والان هم بلا عمل .
الظلم ظلمات ,ولهذا الظلم تبعات على الدولة مستقبلا .

اخوي غسان فعلا كلامك صحيح ...

لكن كثير من المسؤولين لديهم نظرة وهي ان البدون اذا توظيف راح يتزوج وراح يجيب عيال وراح تتفاقم مشكلة البدون فعلا هذي نظرتهم وسمعتها منهم ....

وبالتالي ترك البدون بدون عمل سوف يؤدي إلى الضغط عليه فلا يتزوج ولا ينجب وقد يهاجر فيقل عدد البدون ...

لكن الظلم ظلمات يوم القيامة مثل ما جاء في الحديث الشريف ...