هل سيتم بالمستقبل محو الطبقة الوسطى بالمجتمع

[q8gym]

السلام عليكم

ياشباب السوال واضح

في وجود ارتفاع الاسعار المتزايد بالكويت وخارج الكويت


هل الطبقة الوسطى بالكويت راح تنمحى


وتكون طبقة غنية وطبقة فقيرة

كمثال انا واحد من ها الطبقة واعتقد 70 بالمية من الكويت من ها الطبقة او اكثر


الواحد لا تزوج دق قرض

تزوج + اجار شقة + اقساط سيارة + متفرقات = صافي المعاش تحت 500 دينار


في وجود ارتفاع اسعار


هل من الممكن ها الطبقة توفر بيت للسكن ولو الارضي الحين ماكو اقل من 100 الف


هل نقول وداعاَ لطبقتنا العزيزه على قلوبنا


لكم حريه النقاش

 

[شمري كويتي]

الامور في طريقها الى هذا الوضع الاجتماعي

اتوقع مستقبلا وجود طبقتين في المجتمع الكويتي

طبقة اغنياء وطبقة فقراء

الدلائل والمؤشرات كثيرة على كلامي

ومنها رفع التجار للاسعار بين فترة واخرى

وارتفاع اسعار الاراضي والعقارات

ودعم الحكومة للتجار وانتفاخ ارصدتهم باستمرار

استئثار مجموعة صغيرة بالمناقصات والمشاريع

تهميش غالبية المجتمع على حساب التجار

تحكم التجار والمتنفذين في كثير من القرارات المصيرية في البلد

تنامي دور التجار وتعاظم شانهم

وصول التجار لمجلس الامة باعداد كبيرة

ووصول اشخاص مدعومين من التجار

واذا تأثر النفط او انتهى

راح يبرز هذا الوضع بوضوح

لان التجار اغلب اموالهم واستثماراتهم خارج الكويت

ولايعطون الكويت الا القليل

بل بعضهم لم يبني جامعة ولا مستشفى

مع ان امواله تقدر بالمليارات

ويعمر جنوب لبنان ومصر وغيرها من الدول​

 

[Mymony]

مو هم يبون جذي !! خلهم لين ما نلقا خبزه ناكلها

يمكن هالعالم تصحى شوي وتطالب بحقوقها

 

[Q8Rss]

كل الطرق تأدي الى الفقر والله يستر

انا من طبعي متفائل الحمد الله بس وضع البلد مايسر ..

لاحظ كويتيين الحين يركبون ستي باص والمواصلات طبعا هذا مو عيب بس هذا مؤشر بتدهور حاله المواطن
مراجعتهم بيت الزكاة وليس للقرض الحسن لأخذ كسوه مدارس مواسم
طلبات النداء في الجرايد والقنوات كثرت بشكل ملحوظ
وفيه كثرين من هالحاله بس اغلبهم عزيزين نفس مايقول لأخوه مو للغريب

الحكومه بس فالحه بزيادات عشوائيه وماكو رقابه على التجار

راح يجي اليوم الي تطلع من مطعم عادي قاط الميه وجنك ماتدري


الله يستر على البلد خصوصا من التجار الي خطرهم اكثر من الخطر الايراني​

 

[7Ibrahimإبراهيم]

مافي حل الا بتقديم استقالاتكم من وزارة الداخلية و الدفاع وخلوهم يدافعون عن انفسهم - كل واحد يدافع عن نفسه - ويطبقون قوانينهم بأنفسهم​

ليش تطيع كل من يسمي نفسه ش... خلوهم ادعو عليهم لا تدعون لهم الدعاء لنفسك واهلك وللمسلمين الصالحين الاخيار​

انتم تشتكون من كل شي تقريبا وتدافعون عنهم عشان يعيشون برخاء وترف بفلوس النفط ليش تدافعون عنهم وتموت علشانهم وترفعون صورهم ؟​

هالشعب متى يفهم بس​

 

[فهدعلي]

مافي حل الا بتقديم استقالاتكم من وزارة الداخلية و الدفاع وخلوهم يدافعون عن انفسهم - كل واحد يدافع عن نفسه - ويطبقون قوانينهم بأنفسهم​

ليش تطيع كل من يسمي نفسه ش... خلوهم ادعو عليهم لا تدعون لهم الدعاء لنفسك واهلك وللمسلمين الصالحين الاخيار​

انتم تشتكون من كل شي تقريبا وتدافعون عنهم عشان يعيشون برخاء وترف بفلوس النفط ليش تدافعون عنهم وتموت علشانهم وترفعون صورهم ؟​

هالشعب متى يفهم بس​

هههههههههههه

انت مبين حاقد حتى على نفسك

اتوقع لو تموت الارض تلفظك ماتبيك من الحقد الي فيك

تشتكي الى الله من ؤيحتك هههههههههه
​

 

[عــذوب]

والله شكلها بتختفي مع سبق الاصرار والترصد !!

قبل الاغنياء كانو يناشبون الناس اللي بيصعدون لطبقتهم ويسحقونهم سحق !!

الحين يالله السلامه الامر كله بيد رب العاليمين والله لو في يدههم كان حتى رواتب ما استلمنا

الا على طاري........< ملاحظين شغله الدوامات صايرين صااااااااارمين ليش ليش اجازه رسميه طلعو عيني عليها

والمرضيات يحاسبوني حساب الملكين عسى ما شر كلها راده ع الراتب وخصميات اشتبون بعد بتنهبون

وان قلنا لييييييييييييييييه قالو الوكلا يحاسبونا <<خفو علينا ياوكلا خفووووووووووا.:باكي:.........نلقاها من الكراف او

الزحمه ويقولون التزمو وين نلتزم والشوارع ضيجه اصرفو لنا بقيات وابشروا بالالتزام

 

[حوللي]

الطبقة العليا (البورجوازية) يعتمدون على مداخيل التجارة والعقارات ولها أملاك وعندها وفرة بالسيولة المالية (أرصدة)
الطبقة المتوسطة اللي معتمدين عالراتب والراتب مكفيهم لكن مايزيد، ولو يوقف الراتب يموتون جوع
الطبقة الكادحة (البوليتاريا) تعتمد على رواتب ضعيفة يادوب تغطي نفقات الطعام


* وتعرّف ويكيبيديا طبقات المجتمع:

http://ar.wikipedia.org/wiki/%D8%B7%D8%A8%D9%82%D9%8A%D8%A9

 

[تأبط خيرا]

مواطنين الطبقة الوسطي أغلب علاتهم نفسية داخلية

أستهلاكيين من الدرجة الاولي

ما عندهم سياسة أنفاق ولا إدخار نهائيا

بالعربي ماشين بالبركة

صح أن الحكومة أتخذت أجراءات تعتبر ضد هذه الطبقة


لكن الخلل الأكبر من المواطنين أنفسهم
​

 

[عــذوب]

مواطنين الطبقة الوسطي أغلب علاتهم نفسية داخلية ​

أستهلاكيين من الدرجة الاولي ​

ما عندهم سياسة أنفاق ولا إدخار نهائيا ​

بالعربي ماشين بالبركة ​

صح أن الحكومة أتخذت أجراءات تعتبر ضد هذه الطبقة ​

لكن الخلل الأكبر من المواطنين أنفسهم ​

ماتقول لي اشلون يوفرون ؟؟

طبيب.... لازم خاص الحكومه يشلعون قلبك مايعرفون يشخصون ولايعالجون حتى اجهزه حديثه مافيه بالعربي يستعبطون او سحبوك لغرفة العمليات واقبضو البوينص ان حصلت مواعيد طبعا

التعليم لازم خاص او مدرسين للتأسيس الطلاب بالمره مو فاهمين شي والمناهج صعبوها
غير مصاريف المدارس يعني وين مايتلفت الواحد مجبر يصرف تروح تبي تطلع لازم سياره و خساير بانزين وغالي ...... واحنا دوله نفطيه!!

البيت اللي تبي تشريه لازم تكمل على سبعين مالت التسليف او انطر بيت الحكومه لما يصير ولدك طولك ....وطول هالفتره اكيد بتسكن اجار والاجارات غاليه ويييييين الواحد يوفر يرحم والدينك بيروح اللراتب ع الاساسيات ومايبقى منه الا القليل والنثريات لاتنساها :باكي:

كلمه وثانيه قالو الشعب يصرف ويلعب ...

 

[تأبط خيرا]

ماتقول لي اشلون يوفرون ؟؟

طبيب.... لازم خاص الحكومه يشلعون قلبك مايعرفون يشخصون ولايعالجون حتى اجهزه حديثه مافيه بالعربي يستعبطون او سحبوك لغرفة العمليات واقبضو البوينص ان حصلت مواعيد طبعا

التعليم لازم خاص او مدرسين للتأسيس الطلاب بالمره مو فاهمين شي والمناهج صعبوها
غير مصاريف المدارس يعني وين مايتلفت الواحد مجبر يصرف تروح تبي تطلع لازم سياره و خساير بانزين وغالي ...... واحنا دوله نفطيه!!

البيت اللي تبي تشريه لازم تكمل على سبعين مالت التسليف او انطر بيت الحكومه لما يصير ولدك طولك ....وطول هالفتره اكيد بتسكن اجار والاجارات غاليه ويييييين الواحد يوفر يرحم والدينك بيروح اللراتب ع الاساسيات ومايبقى منه الا القليل والنثريات لاتنساها :باكي:

كلمه وثانيه قالو الشعب يصرف ويلعب ...

أختي عذوب

بداية الحياة الوظيفية و المهنية هي العامل الحاسم وراء تحديد بقية حياتك بشكل عام

لأنه هي اللي تقدر يوفر فيها الانسان

للأسف غالب الشباب ماغير يصرفون و سيارات و سفرات

والبنات رايح معاشهن علي الاكسسوارات و الاشياء الكمالية

ولما تبدأ الحياة تشد عليهم مع تكوينهم أسر و تكبر هذه الاسر

يكونون شدوا في خانة الدوامة اللي مالها نهاية

كثير من الوافدين يجون الكويت صفر اليدين ثم الله يرزقة ويرجع مليان

علشان كذي لازم تكون عند الانسان أفكار وسياسة للأدخار و للأستثمار للمستقبل من عمر الشباب




​

 

[Queue80]

يا معود أنا عسكري متقاعد و أسير بالغزو
الحين راتبي التقاعدي 880 دينار
أعيل 5 أطفال

للحين ما جا دوري بالإسكان لأني تزوجت متأخر شوي , ايجاري 400 دينار

حياتي جحيم اللهم لا إعتراض

و حسبنا الله و نعم الوكيل , ولا حول ولا قوة الا بالله

 

[حـقـوقـي]

ماهو معيارك لتحديد الطبقة الوسطى ؟ و كيف تحدد كون هذا الشخص من هذه الطبقة او من الطبقة الكادحة

المضحك بالموضوع ان المواطنين أجرو الاعتصام تلو الآخر مع سلسلة الاضرابات ولم يتحرك احد منهم للضغط على النواب لتشريع قانون كسر الاحتكار او قانون مراقبة السلع او انشاء هيئة للرقابة او تفعيل دور حماية المستهلك .. والمضحك أكثر دور نواب الدغدغة كضيف الله بورمية و صالح عاشور في التكسب المستمر خلف آهاتكم و لم يتحرك احدهم ليوقف غلاء المعيشة وارتفاع الاجارات أو حتى دعم الدولة لبعض السلع بل جل مطالبهم اسقاط قروض و شراء مديونيات و اقرار كوادر وبدلات !! .

وبعد هذا يأتيك الشعب المادي قليل الانتاجية كثير الصياح عاشق الكوادر والبدلات ليتحدث عن الطبقية بالكويت !! فعن أي طبقة كادحة تتحدثون ؟ احصائية بسيطة لمبيعات الجمعيات التعاونية و ارباح وكالات السيارات سترون انها طبقة استهلاكية لا وسطى ! شعب لا يستطيع تنظيم حملة مقاطعة واحدة يؤدب فيها جشع التجار يتكلم عن الكدح ؟ خوش كدح!!

المضحك بالموضوع ان الطبقة الكادحة صرفت خلال يومي العيد حوالي 15 مليون دولار خارج الكويت فقط!

 

[Mymony]

يا معود أنا عسكري متقاعد و أسير بالغزو
الحين راتبي التقاعدي 880 دينار
أعيل 5 أطفال

للحين ما جا دوري بالإسكان لأني تزوجت متأخر شوي , ايجاري 400 دينار

حياتي جحيم اللهم لا إعتراض

و حسبنا الله و نعم الوكيل , ولا حول ولا قوة الا بالله

والله انك رجل , واسرك شرف لك ولعائلتك , حتى لو ما نلت التقدير

الي انت تستحقه وتستحق المميزات لك ولابنائك , لانك درع لهذا الوطن