الفرنسيه 24حسب مصادر توجه لأعلان الأحكام العرفيه بالكويت

[صقر عدوان]

كل مافى الامر توجيهات لداخليه والحرس للاستعداد اكثر لانه الامور راح تتطور اذا استمر هالوضع وراح يستمر اعتقد لانه مافى شي جديد ..... ( الظاهر عاجبهم الوضع )

 

[عــذوب]

ممكن احد يوضح شنو يعني الاحكام العرفيه ؟بسطوها لي

اللي فهمته انه الجيش بيضبط الوضع لين تهدى الامور؟طيب لي متى مؤقت او دائم ومافي مجلس ؟ومافي ديمقراطيه ؟

يعني مثل السعوديه؟

 

[الله الحافظ]

صح كلامك :إستحسان: يبتها عالجرح :إستحسان:

يا تنتن يا تنتن

احنا في زمن اللي يحب ديرته ويغار عليها وولائه لها ,, يعاقب


سؤال: عيال الديرة اللي في ساحة الارادة ليش اطلعو ؟
جواب: من حرتهم علي ديرتهم وخوفهم عليها وولائهم حقها
اذكر بالغزو تضررنا واحنا اللي تحملنا واي شي يصير بالبلد بيضرنا احنا اكثر
يعني ما ننلام اذا مارضينا اي احد يلعب فيها واحنا عوارنا مو بره بس ابطنا منا وفينا
والسالفة مجرد لوم عاشق لمعشوقه ومع اللوم زاد العاشق عشقه تأججا

كل اللي صار انهم من غيرتهم افزعو وخذتهم الحمية وعبرو عنها بوضوح مو من تحت لي تحت
باخي احنا عرب قح مسلمين مانرضي بالظلم والغلط واللي صار
ردة فعل لسنوات من انتظار الحق
ردة فعل علي زبادة القهر باكتشاف زيادة الفساد بدال معالجته والقضاء عليه وما شفنا عقابهم
ردة فعل علي عدم معاقبة المتسبب ومعافبة المتضرر اذا شكي

بعض من الشعب اللي يحب ديرته وولائه لها سوا اللي عليه وتكلم وعيز يتكلم

ان تنصرو الله ينصركم ,, توكلو علي الله واحتسبو الاجر .. وربي سبحانه يحلها ويفرجها علينا

ادعو واستغفرو واحمدو وسبحو والله يفرجها والباطل دائما زهوقا واهم شي نية الولاء لله اولا والمحافظة علي الاسلام بسنة محمد صل الله عليه وسلم

الله :وردة:
الوطن :وردة:
الامير :وردة:

 

[الله الحافظ]

للتوضيح:

ردي كان علي اصلاحي

يعني يانسرق ونرشي ونسلم البلد لمحمود حيدر وتكون الكويت بؤرة لدعم الارهاب الايراني ضد الخليج ولا احكام عرفية ؟؟​

هذا اسمه لعب بالنار


​