سؤال وجواب مؤسسة البترول ونفط الخليج؟

[مايصح الا الصحيح]

السلام عليكم ورحمة الله وبركاته

شالفرق بين مؤسسة البترول وشركة نفط الخليج
وشيفرون والعلميات المشتركه ؟؟؟

بالنسبة لمهندس
كراتب وطبيعة عمل وساعات العمل .. ومستقبل مهني ؟


واكون لكم من الشاكرين

 

[خالد العبدلي]

مؤسسة البترول وشركة نفط الكويت مقرهما بالأحمدي

شركة نفط الخليج وشيفرون مقرهما بالعمليات المشتركة بالوفرة، شركة نفط الخليج هي نفسها شركة نفط الكويت لكنها أخذت هذه التسمية لكونها في المنطقة المقسومة بالوفرة بين الكويت والسعودية لكن لها هيكلها الإداري المستقل عن الشركة الأصلية

شركة شيفرون تابعة للجانب السعودي فهي أمريكية سعودية

تسأل عن المعاش كمهندس؟

تقدر تتوظف بجميع تلك الشركات ما عدا شيفرون لأنها لا توظف إلا سعوديين

المعاش بالشركات الثلاث أعتقد متشابه لحد ما لكن شركة نفط الخليج تأخذ فيها بدل طريق لبعدها عن الاحمدي وبصراحة الشغل فيها أخف بكثير من بقية الشركات

لمزيد من المعلومات تقدر تروح لمنتدى العاملين بالقطاع النفطي الكويتي وتسألهم عن الجداول المفصلة للرواتب:
http://www.q8ow.com/vb/

 

[مايصح الا الصحيح]

والراتب كم يفرق تقريبا؟
والزيادة الاخيرة بس لمؤسسة البترول ولا حتى بنفط الخليج؟

 

[خالد العبدلي]

الموقع اللي اضفته لمشاركتي السابقة تقدر تتصفحه وتلقى جداول المعاشات بالتفصيل لكل شركة والخاص بكل درجة ومسمى وظيفي (أساسي، علاوات...الخ)

الزيادة الأخيرة لجميع العاملين بالشركات النفطية والبترولية (شركة البترول، مؤسسة البترول، شركة نفط الكويت، شركة نفط الخليج، ايكويت...الخ).

بالتوفيق