سؤال وجواب هذه قصتي

[مساعد الشويب]

السلام عليكم بختصار شديد

هذه قصتي

يأخواني وخواتي عندي اخوي الصغير القعده

عنده تقرحات بلاأمعاء وطبعا تسبب اجلكم الله خروج الدم ممايسبب له هبوط شديد بنسبه الدم

اتمني من الله من ثم منكم ان تساعدوني علي عياده او دكتور خبير في تقرحات الامعاء

وشكرا  

 

[ســـــاحـــــر]

ما يشوف شر
اول اشلون عرفت ان عنده تقرحات ماهو التشخيص مرض كرونز او مرض الأمعاء التقرحي
سوى منظار وتم اخد عينات وسوى تحاليل دم وخروج

عطني معلومات عشان ادلك على الطريق الصحيح

الأطباء جهاز هضمي
د.محمد الشمالي 5322030
د.فؤاد العلي مستشفى المؤاساة

 

[مساعد الشويب]

خوي عندي كل التقارير وسوينا منظار
وطلع عنده التهاب بلاامعاء والحجي هذا صارله سنه
قلت اجي اهني حتي تساعدوني

 

[ســـــاحـــــر]

التهاب الامعاء اسم مجازي لأكثر من مرض ما وضحت لي اسم المرض حتى اساعدك عالعموم افضل شي حاول تاخد له تحويل الي مركز ثنيان الغانم عندهم اخصائيين ممتازين وافضل من الخاص...

 

[JustSmile]

السلام عليكم

من سنه و الي الان لا تعرف ماذا تفعل؟؟

اخي العزيز اسرع فانت متاخر
اخذ الولد علاج في الخارج
اذا ما نفع
اخذه على حسابك
اما السعوديه او تايلند
او اوروبا
ترى الامور في بدايتها سهله لكن مع الوقت تتدهور الحاله

دمتم بود

 

[مساعد الشويب]

التهاب الامعاء اسم مجازي لأكثر من مرض ما وضحت لي اسم المرض حتى اساعدك عالعموم افضل شي حاول تاخد له تحويل الي مركز ثنيان الغانم عندهم اخصائيين ممتازين وافضل من الخاص...

اخو ي الغالي المشرف علي علاج اخري هو مستشفي الاميري
وتم اخذ منظار من قبل مركز ثنيان الغانم وعطونا علاجات والادويه
ولكن حاله من مقبول الي جيد ومن ثم ينتكس الي تحت المقبول
والله تعبني


واسم التقرحات هي كرونزا

 

[شمري كويتي]

اخوي مساعد الشويب

هذا مرض مستقل بروحه

له اسم خاص فيه

يسمى مرض كرون

او مرض كرونز

وليس كرونزا

المفروض يكون سؤالك عن هذا المرض

وتذكره بالاسم علشان الاخوان يساعدونك

ولا تقول لاحد التهابات او تقرحات

لان الواحد يروح باله على مرض ثاني

لان التقرحات انواع وامراض كثيرة

​

 

[Meridian]

الدكتور سالم راضي الشمري ، أخصائي منظار في مستشفى السلام
إبدء من عنده وهو راح يفيدك بأذن الله وما تشوفون شر
​

 

[شمري كويتي]

الدكتور سالم راضي الشمري ، أخصائي منظار في مستشفى السلام

إبدء من عنده وهو راح يفيدك بأذن الله وما تشوفون شر​

ونعم فيه الشمري

بس لو يشوف استشاري افضل

دايما الاستشاري افضل من الاخصائي

لانه اكثر خبرة واكثر دراسة

واللي عرفته انه مرض مزمن وصعب بالعلاج

يعني لازم يكون دكتور صاحب خبرة طويلة​

 

[ابعتذر]

اول شي ما تشوف شر أخ مساعد

روح لمنطقة العقيله وأسأل عن أم مشعل وخل وياك عشر دنانير

وعقبها تدعي لي بعد الله هو الشافي

بس أهم شي أوراقك وياك وشرطها غريب غريب جدا

إذا تشافيت تطلب منك كتاب شكر فقط

 

[الاسلامي الجديد]

شوفو سمعو قصتي
زاد همي ولوعتي
يوم صارحني انا
هلت عيني بدمعتي

 

[مساعد الشويب]

شكرا للجميع
شكرا لكل من ادلي بدلوه في هذا المرضوع
وشاكرلكم يربع وانشالله انفيدكم في اسألتكم

والله يجزاكم خير


اوغلق الموضوع 

 

[الوادى]

السلام عليكم --- الى عاسف الاصايل شنو الادويه الىتى عند ام مشعل وياليت تعطينى عنوانها لانى عندى مشكله فى المعده وهو الحرقان --- ما سويت فحص ما احب المستشفيات

 

[xkuwait]

الدكتور الهيفي شفت لقاء وياه قبل جم يوم وتكلم عن تقرحات بالامعاء حق واحد كان كل ما ياكل يرجع .. سواله عمليه وصارت اموره زينه ..

 

[ابعتذر]

السلام عليكم --- الى عاسف الاصايل شنو الادويه الىتى عند ام مشعل وياليت تعطينى عنوانها لانى عندى مشكله فى المعده وهو الحرقان --- ما سويت فحص ما احب المستشفيات

الحرقان انا مثلك صارلي 8 سنين وكل يوم حبة أو حبتين حموضه

بس هذا من فعل يمناي

زقاير + قهوه جنوبيه + ماونتن ديو + دقوس بو ديك =جمعتها لرضاك وختار فيها

عالعموم

لازم ثم لازم ثم لازم تسوي منظار لأن التقرحات أنواع

بس نصيحه سو المنظار تخدير كامل
تخدير كامل
تخدير كامل والله يشفيك

من ناجية أم مشعل فهي تسكن منطقة العقيله وانت محدر من الديره على طريق الملك عبدالعزيز ( الفحيحيل السريع ) ويجيك جسر الفنطاس شارع المطاعم تدش يمين واحسب 300 متر والتفت يمينك بيت ام مشعل

ما تشوف شر

 

[xkuwait]

عاسف الاصايل ..
شنو علاج ام مشعل ؟؟؟ ممكن توصف لنا العلاج ؟؟؟؟ وشنو كانت نتايجه ؟؟؟؟

انا اعاني من قرحه معده واثني عشر وقولون
يعني الدعوه زيطه وياي

اكل يوميا حبه نيكسيوم صارلي اربع سنوات

 

[الشيخ مصقال]

الدكتورة وفاء الحشاش استشاريه جهاز هضمي ، ممتازة جدا ،

عيادتها بالسالمية / 25660022

والله يشافيكم ان شاء الله .


/