سؤال وجواب ابي اشتري كنبل ! شتنصحوني فيه؟

[مواطن طبيعي]

أأأأأه ... البرد اشتد ... والشتا بقى جد ...


السلام عليكم


سؤال يا اخوان


شنو أحسن كنبل / كمبل


وعلى جم سعره ؟ ووين احصله ؟


وهذي ورده للي يجاوب بضمير :وردة:

 

[0utsider]

هههههههههههههههههههههههههههههههههههههههآي ​

 

[geology-teacher]

أحسن ماركات في الكويت مورا ومانتيرول
تلقاهم عند الدبوس في سوق المباركية وجمعية الفيحاء والعديلية
وعندك بعد عبدالحميد القطان في مجمع المثنى
إن شاء الله أكون أفدتك

 

[مواطن طبيعي]

هههههههههههههههههههههههههههههههههههههههآي ​

ضحكت من سرك بلا

 

[مواطن طبيعي]

أحسن ماركات في الكويت مورا ومانتيرول
تلقاهم عند الدبوس في سوق المباركية وجمعية الفيحاء والعديلية
وعندك بعد عبدالحميد القطان في مجمع المثنى
إن شاء الله أكون أفدتك

مشكور يا محترم


جزاك الله الف خير يا امير

 

[0utsider]

ضحكت من سرك بلا

الله يكافينا شرك ،،،،،،،،،،،،،، فال الله ولافالك ،،،،،،،،،،،،،،،،،،،، الله يقطع ابليبسك والله غصبا عني ،،،،،،،،،،،،،،،،،،،، كمبل عاد ،،،،،،،،،،،،،،،،،،،،،،

 

[مواطن طبيعي]

الله يكافينا شرك ،،،،،،،،،،،،،، فال الله ولافالك ،،،،،،،،،،،،،،،،،،،، الله يقطع ابليبسك والله غصبا عني ،،،،،،،،،،،،،،،،،،،، كمبل عاد ،،،،،،،،،،،،،،،،،،،،،،

وشفيه الكمبل ؟؟؟ ماتحس بالبرد انت ؟؟؟


ماتشوف السوق اللي متروس بضايع صينيه رديه وتقليد ؟؟؟


ما خاب من استشار


انا استشير الشعب قبل اشتري كمبل حقي


كود يطلع لنا واحد مبروك وفيه خير يدلنا على كمبل يستاهل اقط فلوسي فيه




هاك :وردة:

 

[Way one]

الكنبل والله خاااابره


سمعت عن اللي قال " حدني عليج يامرتي الشتا "


والله لاتغير معرفك , من مواطن مهموم ل مواطن متدفي

 

[أنا رايق]

روح حق محلات دنيا القطان عندهم كنابل دفية وكشخة

 

[مواطن طبيعي]

الكنبل والله خاااابره


سمعت عن اللي قال " حدني عليج يامرتي الشتا "


والله لاتغير معرفك , من مواطن مهموم ل مواطن متدفي

هذي مشكلتكم يا بعض ابناء الشعب العزابيه


طول عمركم تفكيركم بالمرأه


أقوله كمبل يقولي مرتي !!!

يبا

الله يرزقك ببنت الحلال الي تدفيك وترضيك






:وردة:

 

[مواطن طبيعي]

روح حق محلات دنيا القطان عندهم كنابل دفية وكشخة

اخوي المحلات


فيها الطيب وفيها الردي والزين والشين


انا ابي توصف لي كمبل معين بالاسم وبكم سعره





:وردة:

 

[Way one]

هذي مشكلتكم يا بعض ابناء الشعب العزابيه


طول عمركم تفكيركم بالمرأه


أقوله كمبل يقولي مرتي !!!

يبا

الله يرزقك ببنت الحلال الي تدفيك وترضيك






:وردة:

دعوه طيبه , جزاك الله خير .

ابشرك متزوج . واطمح لمثنى وثلاث ورباع ,,

بشر ..

عسى لقيت كنبل ؟

 

[مواطن طبيعي]

دعوه طيبه , جزاك الله خير .

ابشرك متزوج . واطمح لمثنى وثلاث ورباع ,,

بشر ..

عسى لقيت كنبل ؟

والله عاد لو أني راكب صاروخ ما يمدي القاه بهالسرعه


الله كريم ننطر الاجوبه المفيده اللي جايه بالطريق

 

[تشالنجر]

اخوي توجو انصحك بسوق الصباح اذا كنت من سكان المنطقة العاشره

 

[ساهر الليل]

كنبل يعني بطانيه لحاف !

متؤلوا بطانيه او لحاف حتروحوا النار لو قلتوا بطانيه او لحاف

 

[ســـــاحـــــر]

الكلمه كنبل ولا كمبل وشنو اصل هالكلمه؟؟؟


احسن بطانية مورا والأسباني كله ممتاز

 

[حوللي]

الكمبل/الكنبل خفيف موحق برد مال صيف
البطانيه ثقيلة حق البرد وهي اللي تسئل عنها

 

[منحاش من الانعاش]

دور عن لحاف الدب المحفور وزن 10 كيلو

الله يعينك على الحر
هذا رابط لشكله
http://deals.logta.com/ar/PromotedItem.aspx?locid=4&itemid=156967

 

[مواطن طبيعي]

الاخوان اللي يسألون عن اصل الكلمه هذا مو موضوعنا


واخ منحاش اي كمبل هذا اللي وزنه 10 كيلو ؟


هذا ما يدفيني اخاف يدفني وانا حي


اجي برفعه ماقدر ويغمتني ويقتلني

 

[ابو عزوز العصفور]

السلام عليكم
اخوي الكنبل ما يدفي بالشتاء ونفس ما ذكر احد اخواني اللي قبلي الكنبل حق الصيف
اما اذا تبي شيء ايدفي عن البرد عليك بالبطانية وتلقاها عند القطان
وفيه انواع واشكال
وانا ابي انصحك في اي نوع ممتاز
عليك بالاسباني خفيف بس دفي وتقريبا وزنه 4 كيلو ونص ولكن افضل نوعيه وجودة بمعني تدوم وتجي مقاسات نفر 160 علي 220
ومقاس نفرين 240 علي 220 اذا ماني غلطان
وتقريبا سعرها 17 دينار ينقص دينار او ايزيد دينار
وفي نوعية درجة ثانية صناعة كورية ولكن ممتازة ودفيه وجودة وتدوم
وسعرها تقريبا 11 دينار
اما الباقي ما انصحك فيهم
ولا تسمع اللي ايقول ام 10 كيلو تري ثقيلة ومو دفية
وحتي سعرها من 9 الي 11 دينار
وهاللي كتبته من خلال تجربة وليس من خلال سمع من اشخاص
ودمت بحفظ الله ورعاية