الامارات 100 بالمئة وقطر 60 بالمئة والكويت 25 بالمئة

[ملك القروض]

الكويتي بس يبي وما يشتغل
انزين علي شنو نطالب بالزياده وماكو انتاجيه
؟؟
ولا اهي سالفه طمع وغيره

اي والله ذبحنا الطمع ...تصدق تواير عند الميلم كنا نشتريها اب 50 الحين قام يبيعونه اب 200 ...مادري تايرهم من ذهب او فضه ...مشكلة الجشع...

 

[ملك القروض]

السلام عليكم
موضوع لاخ ياسر فيه مغالطات وايد مثل :
وجامعي وبنفس التخصص يستلم 3000 دينار و2000 دينار في التربية ، ودبلوم يستلم في النفط 3000 دينار

للعلم انا اعمل في القطاع النفطي واللي شهادته دبلوم ما يصل معاشه الى 3000 دينار الا اذا كانت مدة خدمته اكثر من 15 سنة و ايضا لا يصل الى 3000 دينار

ثاني شيء اللي يقول الامارات وزاياداتها , تبون مثل الامارات ؟؟

قادرين على الضرائب اللي اهناك ؟
قادرين على غلاء المعيشة اللي اهل الامارات نفسهم مو قادرين عليها ؟
اللي يروح دبي ما يلاقي اهل دبي , لكن راح يلاقي وافدين واجانب اكثر .
للعلم الاماراتيين اللي عايشين في دبي يشترون ماجلة البيت كل اسبوع , واحنا نشتري الماجلة تقريبا بالشهر مره او مرتين .

اتمنى من صاحب الموضوع الاخ ياسر قبل لا يقول او ينشر اي خبر ان يتحرى المصادر الصحيحة والموثوقه مو ياخذ كلام الديوانيات و وكالة يقولون

تصدق عاد حنا بالقطاع الحكومي و 15 سنه معاشاتنا توها توصل ألف بالكحه وانتم 3000 يااااااو وماتبون غيركم يطالب ،....صج الحاسد بالارض والرازق بالسما ...ياحظكم يالنفطيون مقزرينها صح:إستحسان:

 

[علي جناح التبريزي]

السالفة صارت مهزلة انا موظف حكومي واداوم واشتغل وانجز لانه ابي معاشي يكون حلال علي وعلي عيالي بس بعد الزيادات الاخيرة والله مو ملحق علي المصاريف شالسالفة تبونها طبقات وعلي اي اساس اوكي المقروض احط ضميري بثلاجة واستلم معاشي علي انه شرهة واشوفلي تجارة اشتغل فيها بس لحظة انا موظف ما اقدر اطلغ رخصة واللي الحكومة زادتهم يقدرون يطلعون رخصة زين شنو الحل ((((((
الحل هو تمصع اذاني رئيس مجلس ديوان الموظفين لأنه قاعد يحاكي الحمار ويسمع كلام المستشاريين المصريين اللي مال تحذف بزنوبة

 

[الحزب]

الزياده على الراتب الاساسي حسب الدرجه

يعني تتراوح مابين الـ 15 دينار الى 70 دينار

 

[مربع برمودا]

امس كيلو الزبيدي 11 دينار

و قبل شهرين الكيلو ب7 دنانير


الاسعار طارت قبل الزيادة وين ضبط الأسعار اي تأخير واي زيادة اقل من 50% مو من صالح الناس

 

[bujassim]

الحكومة مومشتهيه تزيد المواطنين

كل يوم لها راي

 

[أحفظ الله يحفظك]

السلام عليكم
موضوع لاخ ياسر فيه مغالطات وايد مثل :
وجامعي وبنفس التخصص يستلم 3000 دينار و2000 دينار في التربية ، ودبلوم يستلم في النفط 3000 دينار

للعلم انا اعمل في القطاع النفطي واللي شهادته دبلوم ما يصل معاشه الى 3000 دينار الا اذا كانت مدة خدمته اكثر من 15 سنة و ايضا لا يصل الى 3000 دينار

ثاني شيء اللي يقول الامارات وزاياداتها , تبون مثل الامارات ؟؟

قادرين على الضرائب اللي اهناك ؟
قادرين على غلاء المعيشة اللي اهل الامارات نفسهم مو قادرين عليها ؟
اللي يروح دبي ما يلاقي اهل دبي , لكن راح يلاقي وافدين واجانب اكثر .
للعلم الاماراتيين اللي عايشين في دبي يشترون ماجلة البيت كل اسبوع , واحنا نشتري الماجلة تقريبا بالشهر مره او مرتين .

اتمنى من صاحب الموضوع الاخ ياسر قبل لا يقول او ينشر اي خبر ان يتحرى المصادر الصحيحة والموثوقه مو ياخذ كلام الديوانيات و وكالة يقولون

وأنت أخي أيضا موضوعك يشوبه بعض المغالطات مثل وضع أخواننا الإماراتيين
أخوي أنسبانا من أهل الإمارات وبعطيك المعلومات بالدقه والتفصيل وبالدرهم الأماراتي وأنت حول للدينار

1- زيادتهم الأخيره مئه بالمئه لكل من لم تحوشه زياده من السنين الأخيره لأن هناك معاشات قبل الزياده وهي معاشات الجامعيين تعدت العشرة ألاف درهم , موظفيين لكن تجاوزوا الخمسة عشر سنه , والغالبيه العظمى للموظفيين الجامعيين معاشاتهم تعدت الخمسين ألف درهم
2- المدرسات أول سنه من تعينها معاشها ثلاثون ألف درهم والمدرس يزاد له عليها علاوة الزوجه والأطفال
3- علاوة الأطفال عندهم من سنين ألف درهم ولووصل مئة طفل والأن ستضاعف
4-بيوتهم الى توزع على الشباب ألف متر مربع والطلبات القديمه كانت ثلاثة آلاف متر مربع والمطلقه لها بيت حكومى ألف متر أو أرض وقرض أن كانت موظفه
5-كل إماراتى عنده مزرعه إذا رغب فى الزراعه حتى لوكانت إمرأة لها حق إستملاك مزرعه وهذه كانت فكرة الشيخ المتواضع الأصيل الشيخ زايد رحمه الله عندما أراد أن يجعل الإمارات من صحراء جرداء إلى واحة خضراء
6-عندهم بطاقات تأمين صحي ذهبيه على حساب الدوله يتعالج بها المريض بالمستشفيات الخاصه داخل وخارج الإمارات بإستثناء العلاجات التجميليه
7- تموينهم فاخر وضعف تموينا
8- إعانة الطلبه أكثر من إعانة طلبتنا
9-قرض بنا البيت مليون درهم إماراتي غير قرض الترميم وقرض التأثيث
10-إعانة الشاب للزواج مئة ألف درهم حتى لولم تكن إماراتيه
11-لهم حق بالعلاج بالخارج من غير واسطات حسب الحاله المرضيه
12-كل الطلبه حتى لو 50% يقبلوا بالجامعات والمتميزين بعثات لأرقى الجامعات في الخارج أو فى داخل الإمارات
هذا ما أتذكره حاليا وغيره كثير

وعندما تقول ان في غلاء أجل فيه غلاء فاحش كغلاء قطر بعد الطفره الماليه وهو قريب أيضا من الغلاء عندنا في الكويت ,لكن الشعب قادر على تحمله بالوفره الماليه لديه وقلة القروض فهناك المقترضين عندهم يعتبروا أقليه ممن خسروا بالأسهم وبالتجارات والمشاريع وقد ساهمت الدوله في تسديدجزء من قروضهم .

 

[أحفظ الله يحفظك]

للتصحيح
1- زيادتهم الأخيره مئه بالمئه لكل من لم تحوشه زياده من السنين الأخيره لأن هناك معاشات قبل الزياده وهي معاشات الجامعيين تعدت المئة ألف درهم , موظفيين لكن تجاوزوا الخمسة عشر سنه , والغالبيه العظمى للموظفيين الجامعيين معاشاتهم تعدت الخمسين ألف درهم

 

[موثق الجريمه]

للتصحيح
1- زيادتهم الأخيره مئه بالمئه لكل من لم تحوشه زياده من السنين الأخيره لأن هناك معاشات قبل الزياده وهي معاشات الجامعيين تعدت المئة ألف درهم , موظفيين لكن تجاوزوا الخمسة عشر سنه , والغالبيه العظمى للموظفيين الجامعيين معاشاتهم تعدت الخمسين ألف درهم

اوووف من صجك اخوي الكلام اللي تقوله عن رواتب الاماراتيين وعن مميزات اللي تعطيهم الحكومه عندهم ؟
اذا صج ف حنا نكون مثل البنغاليه عند الاماراتيين
الفرق كبير بيننا وبينهم
الله لا يسامح الحكومه اللي رخصت المواطن الكويتي لهدرجه

 

[احمد الميلم]

اي والله ذبحنا الطمع ...تصدق تواير عند الميلم كنا نشتريها اب 50 الحين قام يبيعونه اب 200 ...مادري تايرهم من ذهب او فضه ...مشكلة الجشع...

ما عندك سالفه قمت تتهجم علي عايلتي
رد علي وعلي ردودي
ترا ماهو جشع السالفه سالفه استحقاق
وأظن قلت التأمينات يستاهلون شوف كلامي
بي هذا طبعنا نبي زياده وماكو انتاجيه

 

[ملك القروض]

ما عندك سالفه قمت تتهجم علي عايلتي
رد علي وعلي ردودي
ترا ماهو جشع السالفه سالفه استحقاق
وأظن قلت التأمينات يستاهلون شوف كلامي
بي هذا طبعنا نبي زياده وماكو انتاجيه

اخي الكريم اسم الشركة الميلم ولم نقل عائلة الميلم الكريمة ...ارجوا ان لاتنظر للموضوع من زاوية ضيقة فأنت قلت لايوجد انتاجية وتقصد المواطنين الذي هو الشعب الكويتي الكريم فهل هو تهجم منك حين قلت طمع؟! هو مجرد مثال ومجاراة لصفة الطمع والجشع احببنا ان نجاريكم بها فقط...واخيراً نقول الشعب الكويتي الحرّ شعب منتج ومثمر ومايطالب به هو حق له فهو لم يطالب سوى بزيادة رواتبه من ثرواته التي تذهب لزوير وعوير وبلاعين البيزة من تجار ومتنفذين وقبيضة....وعماااار يااااوطن 

 

[الاشعف]

الكويتي بس يبي وما يشتغل
انزين علي شنو نطالب بالزياده وماكو انتاجيه
؟؟
ولا اهي سالفه طمع وغيره

اخي الكريم انا موظف من سنة 94 يعني 18 سنة ما شفت زيادة من الدولة اترك علاوات الاولاد والراتب كل الدول حتى الفقيره ياخذونها انا اقصد زيادة مو على البال الى 50 +50 +120 = 270 خلال 20 سنة تقريباً ولو تكرمت تقولي كم كانت اسعار اسلع قبل 20 سنة واسعارها الحين ودول مثل قطر والامارات توهم زايدين الرواتب 100% ومن سنتين او ثلاث 35% وزيدك من الشعر بيت الكويت اكبر فائض في الميزانية في دول الخليج ولله الحمد وما يحتاج اقولك عن المليارات الي تروح حق الدول العربية الي ما تشوف شعوبهم منها شي ترا الكوادر الي استفاد منها وزارة النفط والمهندسين والمدرسين !

 

[احمد الميلم]

اخي الكريم اسم الشركة الميلم ولم نقل عائلة الميلم الكريمة ...ارجوا ان لاتنظر للموضوع من زاوية ضيقة فأنت قلت لايوجد انتاجية وتقصد المواطنين الذي هو الشعب الكويتي الكريم فهل هو تهجم منك حين قلت طمع؟! هو مجرد مثال ومجاراة لصفة الطمع والجشع احببنا ان نجاريكم بها فقط...واخيراً نقول الشعب الكويتي الحرّ شعب منتج ومثمر ومايطالب به هو حق له فهو لم يطالب سوى بزيادة رواتبه من ثرواته التي تذهب لزوير وعوير وبلاعين البيزة من تجار ومتنفذين وقبيضة....وعماااار يااااوطن 

طيب حلو
تقدر تقولي دام شبابك الحر يشتغل ويتعب لي خدمة المواطن في جميع المناطق والمستصوفات والمستشفيات والجمعيات التعاونيه كل ما بقينا نروح نسوي شغلنا ماكو غير موظفين والباجي ساحبين ومرات ماكو احد والكل يتذمر مو بس انا !
حتي المستوصف جم مره اروح بليل ماكو غير دكتور واحد وين الباجي ماحد يدري معنى دوامه للحين ما خلص
وفي حقيقة محد قرب صوبها ليش المرضيات عددها هائل !! بما تعنيه الكلمه ابيك تشوف باجي دول الخليج هذا ويهي اذا عدد المرضيات نفسنا
علي طاري عوير وزوير ييب دليل ياخوي ولا تحط بذمتك
ندري في بوق بس حق منو وجم ما ندري
وهم هذا مو صح
ماني متخيل يفتتح مستشفي الشيخ يابر الله يرحمه والموظفين ساحبين سواء دكاتره او المسجل او المدير او غيره
صج هالشي يفشل

 

[احمد الميلم]

اخي الكريم انا موظف من سنة 94 يعني 18 سنة ما شفت زيادة من الدولة اترك علاوات الاولاد والراتب كل الدول حتى الفقيره ياخذونها انا اقصد زيادة مو على البال الى 50 +50 +120 = 270 خلال 20 سنة تقريباً ولو تكرمت تقولي كم كانت اسعار اسلع قبل 20 سنة واسعارها الحين ودول مثل قطر والامارات توهم زايدين الرواتب 100% ومن سنتين او ثلاث 35% وزيدك من الشعر بيت الكويت اكبر فائض في الميزانية في دول الخليج ولله الحمد وما يحتاج اقولك عن المليارات الي تروح حق الدول العربية الي ما تشوف شعوبهم منها شي ترا الكوادر الي استفاد منها وزارة النفط والمهندسين والمدرسين !

كلامك حلو
انا ما تكلمت عن غلا المعيشة
كنت اتكلم عن الانتاجيه وهل فعلا نستحق الزياده واحنا اساسا مو قاعدين ننتج
لو بنسوي نسبة وتناسب راح نلقي علي عدد الموظفين الكويت وعملهم انتاجيتهم قليله وتفشل !!!!!!
واتوقع كونك تعمل من نص التسعينات ملاحظ الخمول وقلة العمل الي قاعده تزيد سنه وره سنه

 

[الاشعف]

كلامك حلو
انا ما تكلمت عن غلا المعيشة
كنت اتكلم عن الانتاجيه وهل فعلا نستحق الزياده واحنا اساسا مو قاعدين ننتج
لو بنسوي نسبة وتناسب راح نلقي علي عدد الموظفين الكويت وعملهم انتاجيتهم قليله وتفشل !!!!!!
واتوقع كونك تعمل من نص التسعينات ملاحظ الخمول وقلة العمل الي قاعده تزيد سنه وره سنه

لا تلوم الشعب لوم الحكومة وسوء تخطيطها انا لو يسلموني الاستثمارات الخارجية 20 سنة اقولك سكر ابار النفط اعيش الكويت من الاستثمارات الخارجية واذا ما جيب سنوي ربح 20% من الاستثمارات حتى لو كانت تريليون فنشني وجيب غيري .

 

[abdullah911]

الكويتي بس يبي وما يشتغل
انزين علي شنو نطالب بالزياده وماكو انتاجيه
؟؟
ولا اهي سالفه طمع وغيره

اخوي احمد ممكن ارد عليك بالواقع الكل يدري ان في وايد بالحكومه شغل تزريق ومرضيات وواسطات والخ من هل الامور ماتخلص اوكي امنا بالله لكن شنو ذنب الموظف اللي يخاف ربه بشغله ويحلل معاشه اول مايقعد على المكتب ينجز ويخلص ويمكن يتأخر على بيته وعياله واهو يدري ان ماراح يلقى شي بس ان بخلص شغله علشان لايتراكم عليه وتييله كلمه من بعض المسؤولين ندري ان هذا شغله بس ماتفرق بين اللي يشتغل واللي مايشتغل تصدق يا اخوي ان انا موظف بوزاره احيانا اطلع الساعه الساعه 4 ومرات 5 اقسم بالله علشان الشغل لايتراكم وان غلطت بالشغل او ضاعت ورقه اروح ورا الشمس لان شغلي وايد حساس وكله مستندات هامه حزتها منو يفكني ؟ واذا فكرت اني اطلع وين اروح كل مكان فاتح حلجه يبي واسطه او انك تنزل من قدرك وتكلم فلان وعلان وهل الشيء ماراح يصير طبعا فوق هذا وتقول الكويتي مايستاهل الزياده الا قول الحراميه بسهم بوق ولعب
الكويتي ولد الديره مهما عطيته يستاهل يكفي انه كويتي هذي الديره امه ماراح تبخل عليه عمرك سمعت بام تبخل على عيالها بشي ؟
اسف على الاطاله لكن من حرقت القلب

 

[احمد الميلم]

لا تلوم الشعب لوم الحكومة وسوء تخطيطها انا لو يسلموني الاستثمارات الخارجية 20 سنة اقولك سكر ابار النفط اعيش الكويت من الاستثمارات الخارجية واذا ما جيب سنوي ربح 20% من الاستثمارات حتى لو كانت تريليون فنشني وجيب غيري .

اخوي العزيز انا ما تكلمت عن غلا المعيشه او الاستثمارات
انا اتكلم عن انتاجيه واخلاص الرجل في عمله
هذول شيين مختلفين
انا ماني مدافع عن الحكومه لاني ادري وكل واحد عاقل انها حكومه فاسده من قبل لا تبدي تشتغل
انا اتكلم عن الي يقبض معاشه واهو اساسا ما يشتغل ويطالب بالزياده
وبقول شي حصلي
عشان تعرف بس واقسم بالله انها قصه صجيه
شفت شرطي في مستشفي الاميري قاعد يسولف معاي يقولانا اقبض معاشي من 9 اشهر وعمري ما داومت لان اخوي مديري
قلتله في براءه شلون تحلل معاشك علي نفسك
سكت الريال
وهذا مثال وغيره وايد من اصحاب الذمم الوسيعه

 

[احمد الميلم]

اخوي احمد ممكن ارد عليك بالواقع الكل يدري ان في وايد بالحكومه شغل تزريق ومرضيات وواسطات والخ من هل الامور ماتخلص اوكي امنا بالله لكن شنو ذنب الموظف اللي يخاف ربه بشغله ويحلل معاشه اول مايقعد على المكتب ينجز ويخلص ويمكن يتأخر على بيته وعياله واهو يدري ان ماراح يلقى شي بس ان بخلص شغله علشان لايتراكم عليه وتييله كلمه من بعض المسؤولين ندري ان هذا شغله بس ماتفرق بين اللي يشتغل واللي مايشتغل تصدق يا اخوي ان انا موظف بوزاره احيانا اطلع الساعه الساعه 4 ومرات 5 اقسم بالله علشان الشغل لايتراكم وان غلطت بالشغل او ضاعت ورقه اروح ورا الشمس لان شغلي وايد حساس وكله مستندات هامه حزتها منو يفكني ؟ واذا فكرت اني اطلع وين اروح كل مكان فاتح حلجه يبي واسطه او انك تنزل من قدرك وتكلم فلان وعلان وهل الشيء ماراح يصير طبعا فوق هذا وتقول الكويتي مايستاهل الزياده الا قول الحراميه بسهم بوق ولعب
الكويتي ولد الديره مهما عطيته يستاهل يكفي انه كويتي هذي الديره امه ماراح تبخل عليه عمرك سمعت بام تبخل على عيالها بشي ؟
اسف على الاطاله لكن من حرقت القلب

والله عليك بالعافيه والله يباركلك
لكن انا متأكد انا وايد ما يشتغلون ويقبضون معاش واخر شي يطالبون بالزياده

 

[الاشعف]

اخوي العزيز انا ما تكلمت عن غلا المعيشه او الاستثمارات
انا اتكلم عن انتاجيه واخلاص الرجل في عمله
هذول شيين مختلفين
انا ماني مدافع عن الحكومه لاني ادري وكل واحد عاقل انها حكومه فاسده من قبل لا تبدي تشتغل
انا اتكلم عن الي يقبض معاشه واهو اساسا ما يشتغل ويطالب بالزياده
وبقول شي حصلي
عشان تعرف بس واقسم بالله انها قصه صجيه
شفت شرطي في مستشفي الاميري قاعد يسولف معاي يقولانا اقبض معاشي من 9 اشهر وعمري ما داومت لان اخوي مديري
قلتله في براءه شلون تحلل معاشك علي نفسك
سكت الريال
وهذا مثال وغيره وايد من اصحاب الذمم الوسيعه

اخوي احمد محد يكره الخير وزيادة الخير خيرين واهل الكويت يستاهلون وانت منهم

 

[احمد الميلم]

اخوي احمد محد يكره الخير وزيادة الخير خيرين واهل الكويت يستاهلون وانت منهم

يزاك الله خير
بس ياخوي انت مافاهم كلامي
الي اقصد اغلب الي يطالب بالزياده اهو اساسا مو قاعد يشتغل ويكد ويخلص بعمله
وبالاخير هذي وجهة نظر