وين اسافر هالشهر

[كارل ماركس]

ودي اسافر هالشهر ابرتاح صارلي 11 سنه مرابط في ارض الوطن.. وين تنصحوني ابي دوله رخيصه لاني بصراحه على قدي وموقبيض.. ابي خبرات عن تجربه علما باني انوي السفر لوحدي ..

 

[سايروس]

تبي دولة عربية ولافرنجية
اذا عربية عندك عُمَان
واذا افرنجية عندك تركيا
موفق :وردة:​

 

[كارل ماركس]

شكرا اخ سايروس.. الدول العربيه مضطربه.. اما تركيا ثلوووج لاتطاق.. اتمنى الاخوه يفيدوني لاني موراعي سفرات كلش.. اشرايكم بفيتنام عطوني خبراتكم ياهل الخبرات

 

[النوف]

مكة والمدينة,,

المغرب,,,​

 

[المايسترو]

شرق اسيا
او

لندن بس غاليه لندن

 

[ولد الشراطين]

روح لمكه المكرمه وزياره المسجد النبوي مرور بالطائف

 

[كارل ماركس]

شكرا على الاقتراحات

 

[إسبآنيول]

اندونيسيا

طبيعة و رخيصة واكثر مشاهير اوروبا صيفوا فيها هالسنة

​

 

[canavaro_wbs]

نصيحه اخو لا تسافر هالفترا

شيل فليساتك للصيف

اذا خلاص ما بذنك ماي

ازرق دبي غير جو 3ايام

 

[اسد الجهراء]

انصحك تسافر دبي

 

[بروفيشنال]

قبرص
مالطا
تركيا
المغرب
لبنان
الأردن
سلطنة عمان
دبي
شرم الشيخ
ماليزيا
اندونيسيا
سيلان (كل من راح لها يمدحها - حلوة ورخيصة)
هذيل اللي ابالي حالياً

 

[كارل ماركس]

شكرا لكم جميعا على الاقتراحات راح اخذها بعين الاعتبار

 

[Desert Eagle]

خل فلوسك للصيف .. وزيد عليهم بهالفتره من الحين لي الصيف حاول توفر شوي

وبالصيف روح وين ما تبي

 

[بن ذى يزن]

الكويت حلوه بالصيف تكون فاضيه
وبالاوقات هذي مو شي والدول رخيصه
عندك تايلند حلوه بس الأوقات هذي تصير غاليه لان الأوروبيين فيها
وفيتنام مو بلد سياحي قاعد يحاول الحين بس تو الناس عليه مافي مطاعم عربيه
حق شغل اي روح
وعندك سراييفوا حلوه بس مو زيطه
أوكرانيا بلد جميل والشعب اجمل

 

[jassem]

تبى دوله صح ورخيصه انصحك

ارمينيا ..​

 

[كارل ماركس]

الاخوه اللي نصحوني بارمينيا هل جربتوها بالفتره وكوسوفو اشلونهم بهالشهر برد قارص والا عادي.. اما الاخ اللي نصحني اروح بالصيف رايك على راسي انا ناوي اروح بالصيف بس هالايام ابي لي اسبوع ابرتاح طاقه جبدي

 

[تشالنجر]

انصحك بــومباي مدينة جميلة جدا ورخيصة و اجواء جميلة

 

[إسبآنيول]

الاخوه اللي نصحوني بارمينيا هل جربتوها بالفتره وكوسوفو اشلونهم بهالشهر برد قارص والا عادي.. اما الاخ اللي نصحني اروح بالصيف رايك على راسي انا ناوي اروح بالصيف بس هالايام ابي لي اسبوع ابرتاح طاقه جبدي

كوسوفو لغتها الرسمية اسبانية

والديرة الحمدلله اكثرها مطاوعة وملتزمين

البانيا و كوسوفو وارمينيا والدول الاشتراكية عموماً دول فقيرة ومو سياحية واسعارهم نار خاصة على السايح الاجنبي

ما انصحك فيهم

ازرق ميلانو او باليرمو او جنوا او فينيسيا اسبوعين هالفترة رخيصه اذا ناوي بس برد الحين بكل مكان اصلا الكرة الارضية كلها باردة لان بعيدة عن الشمس بهالفترة , ألبس جآكيتك وأرخ دينآرك وريّح بآلك

بتلوووع جبدك من ايطاليا اذا شفت افرع ماكدونالدز وستار بوكس بكل شارع و زنقه بتحس انك ما طلعت من الكويت بس نصيحتي لك اتمشا بشوارع ميلانو مشي زنقة زنقة عشان تحس انك مسافر

​

 

[العديد]

خش فلوسك وزيدهم شوي وروح بالصيف ميونخ وزيلامسي

 

[jassem]

ما انصحك اتسافر فى الصيف .. لانه مكاتب السفريات تستغل هلموسم فى زياده الأسعار . انصحك فى نهايه شهر 3 ..احجز تذكرتك بشهر 1 وسافر فى نهايه 3 .. احلى فتره لسفر .. عن نفسى متعود كل عام اسافر فى هلوقت . وانصحك فى تايلند :إستحسان: