سؤال وجواب شاشة الآيفون انكسرت ....

[عبدالله .]

السلام عليكم ورحمة الله وبركاته

كيف حالكم جميعاً

عندي استفسار بسيط وياليت تفيدوني فيه لو تكرمتوا

عندي آيفون 4 للأهل وانكسرت شاشته الكسر واضح ولازم يتبدل يعني مايترقع
فــ ودي اعرف جم يكلف ووين احسن مكان يبدله لي
ومنو صارت له هالتجربة يقول لنا اشلون صلحة وبجم ووين

وشكراً​

 

[Desert Eagle]

روحي ديجتيز او ابل سيتي بالافنيوز وشوف

واذا ما صار .. المستقبل يسونه لك ب٧٠ يمكن


انا انكسر مني مرتين وسويته بالمستقبل طلع مضبوط

بالمره الثانيه يوم طاح انكسرت الشاشه واخربت السماعه ومن بعدها ايأست منه مو راضيه تشتغل السماعه شريت واحد ثاني


بالتوفيق

 

[أنا رايق]

ليش مو حطيتواا حماية للشاشة!! الجلاد الشفاف .. مهما يكون ما تنكسر الشاشةمع الكفر خلااااص أنسى تنكسر

 

[مقص الرقيب]

حسب تجربة واحد من المدونين يمدح هالمحل وبدل الشاشة ب 18 دينار فقط

لا اعرف ان كانت الشاشة اصليه او تجاريه وانا لم اجرب المحل للامانه ..

عنوان مركز Bright Phone:

حولي، شارع إبن خلدون، مجمع الملا، محل رقم 10 مقابل مركز عبدالله رويشد

تلفون: 55919097 - اقبال حسين: 99530776


شوف تجربته عن كسر شاشة الايفون على هالرابط :


http://alblogy.com/?p=4128



موفق اخوي عبدالله
​

 

[geology-teacher]

ليش مو حطيتواا حماية للشاشة!! الجلاد الشفاف .. مهما يكون ما تنكسر الشاشةمع الكفر خلااااص أنسى تنكسر

حاليا مو موجود هذا الغلاف انا سألت عنه أكثر من مرة حق 3GS

 

[geology-teacher]

حسب تجربة واحد من المدونين يمدح هالمحل وبدل الشاشة ب 18 دينار فقط ​

لا اعرف ان كانت الشاشة اصليه او تجاريه وانا لم اجرب المحل للامانه ..​

​

عنوان مركز Bright Phone: ​

حولي، شارع إبن خلدون، مجمع الملا، محل رقم 10 مقابل مركز عبدالله رويشد​

تلفون: 55919097 - اقبال حسين: 99530776​

شوف تجربته عن كسر شاشة الايفون على هالرابط :​

http://alblogy.com/?p=4128​

موفق اخوي عبدالله​

جزاك الله خير ،، بنحفظ الرقم للعازه

 

[عبدالله .]

روحي ديجتيز او ابل سيتي بالافنيوز وشوف

واذا ما صار .. المستقبل يسونه لك ب٧٠ يمكن


انا انكسر مني مرتين وسويته بالمستقبل طلع مضبوط

بالمره الثانيه يوم طاح انكسرت الشاشه واخربت السماعه ومن بعدها ايأست منه مو راضيه تشتغل السماعه شريت واحد ثاني


بالتوفيق

جزاك الله خير بمر المستقبل بس بعد ما امر المحل اللي قال عنه نقص الرقيب

بالنسبة للسماعة الحمدلله شغالة ومافيها شي
الكسر جانبي من تحت بس​

 

[عبدالله .]

ليش مو حطيتواا حماية للشاشة!! الجلاد الشفاف .. مهما يكون ما تنكسر الشاشةمع الكفر خلااااص أنسى تنكسر

والله كنا حاطينها وانا مو لقافتي شلتها
قدر الله وماشاء فعل
راح اركبها بعد ما ابدل الشاشة إن شاء الله​

 

[عبدالله .]

حسب تجربة واحد من المدونين يمدح هالمحل وبدل الشاشة ب 18 دينار فقط ​

لا اعرف ان كانت الشاشة اصليه او تجاريه وانا لم اجرب المحل للامانه ..​

​

عنوان مركز Bright Phone: ​

حولي، شارع إبن خلدون، مجمع الملا، محل رقم 10 مقابل مركز عبدالله رويشد​

تلفون: 55919097 - اقبال حسين: 99530776​

شوف تجربته عن كسر شاشة الايفون على هالرابط :​

http://alblogy.com/?p=4128​

موفق اخوي عبدالله​

الله يجزاك خير
راح اجرب هالمحل وإن شاء الله يضبط لي تبديل الشاشة

مشكور مرة ثانية يامقص الرقيب​

 

[عبدالله .]

حاليا مو موجود هذا الغلاف انا سألت عنه أكثر من مرة حق 3GS

انا اذكر قبل فترة شريت هالغلاف من محل بالفروانية وركبه لي​

 

[بنت المملكة]

مايحتاج تغيرها لزقها بشطرطون وخلاص

 

[.. عصآمية *]

مايحتاج تغيرها لزقها بشطرطون وخلاص

شنو هذا و شيسوي ؟؟

تضبط و تصير اوكي بدون تبديل الشاشة ؟؟

من وين نشتري الشطرطون ؟ << اسمه غريب على فكرة

 

[بقيييط]

بسبعين دينار الشاشه

يحلالاه ابوتريك لا خرب احذفه وشتر واحد جديد بخمس دنانير ​

 

[بدر الروقي]

مالك الا الشطرطون
اخوي الشاشة ماتتعدا 40 مركبها اخوي بالعزيزية

 

[Alazraq]

محلات شارع بن خلدون أغلبهم يبدلون..
عندهم أصلي و تجاري والأسعار ما تتعدى ٢٠ دينار.


​

 

[Desert Eagle]

لا تروح محلات هنوووود


صارتلي مشكله معاهم


ترا مافي امان من ناحيه نسخ المعلومات والصور


وياخذ القطع الاصليه من تلفونك ويجيب لك قطع تقليديه


روح لمحلات معروفه


خذها مني نصيحه صارت فيني وطحت عليه وشرشحته

 

[Desert Eagle]

مالك الا الشطرطون
اخوي الشاشة ماتتعدا 40 مركبها اخوي بالعزيزية

العزيزيه مكان النصب والاحتيال

احس المنقف ما يجيها مطر سبه العزيزيه من كثر الغش اللي فيها


محلات العزيزيه .. كلهم مصريين وسوريين وايرانين وكم واحد روماني

وقطعهم تجيك صينيه درجه ثانيه .. لانهم يشترون من مورد واحد

كل القطع متشابهه بكل المحلات بس تعال اسمع الكذب يقولك عندي الاصلي

وعلى فكره اللي يصلح التلفون عليمي يجيك عنده دبلوم تجاره يصير بتاااع كلووو


نصيحتي لكم روحو لمحلات سمعتها نظيفه مثل المستقبل او ابل سيتي او ديجيتيز


قط فلوسك على شي يسوى وآمان

يكفي سالفه واحد ناسخين صور من تلفونه بالعزيزيه


فيهم لقافه بعض الجنسيات ..

 

[Alazraq]

لا تروح محلات هنوووود


صارتلي مشكله معاهم


ترا مافي امان من ناحيه نسخ المعلومات والصور


وياخذ القطع الاصليه من تلفونك ويجيب لك قطع تقليديه


روح لمحلات معروفه


خذها مني نصيحه صارت فيني وطحت عليه وشرشحته

إذا بتقط التليفون عليه وتروح عنه أكيد بيصير هالشي..

وقف على راسه وهو يبدل الشاشه لين يخلص..

عيال الحرام وايد و محد يضمن الهنود ولا غيرهم.
​

 

[مستر كويتي]

الشغله عاديه وماتكلف
روح الشرق واي محل تلفونات هناك يبدلها لك بربع ساعه ومن احسن مايكون و درجة اولى والسعر مايتعددى 18 دينار

 

[عبدالله .]

السلام عليكم

ابشركم رحت اليوم لنفس المحل وبدلت عنده الشاشة وقعدت على راسه لين خلص
السعر 20 دينار مو 18 نفس قبل الظاهر بدا يطمع اشوي
مايطول 10 دقايق تقريباً وعقب حطيت استيكر وخذا دينار​