سؤال وجواب شلون اخلي نومي خفيف ؟

[●°يقظة فكر°●]

السلام عليكم

يا اخوان انا نومي ثقيل جدا جدا !

إن حطيت راسي ... سلملي على الحياة


ابي نومي يصير خفيف ..

ابي اصير نفس هالناس الي ينام 4 او 6 ساعات ويقدر يقوم عادي


احد يقدر يفيدني ؟

 

[تشالنجر]

نفس السؤال

لا استطيع ان انام اقل من 10..12 ساعه يوميا

 

[خولة]

نفس السؤال

لا استطيع ان انام اقل من 10..12 ساعه يوميا

السلام عليكم

يا اخوان انا نومي ثقيل جدا جدا !

إن حطيت راسي ... سلملي على الحياة


ابي نومي يصير خفيف ..

ابي اصير نفس هالناس الي ينام 4 او 6 ساعات ويقدر يقوم عادي

احد يقدر يفيدني ؟

ماشاء الله تبارك الرحمن .. تدورون قلة النوم ؟!!! .. والي وده بالنوم 3 ساعات متصلة بس ؟!!! .
​

 

[سعد12]

انت في نعمه...ما اقد انام نوم مريح....نومك ثقيل لانك مرهق جدا وجسمك بحاجه لراحه

 

[مسك الورد]

الله يتمم عليكم يارب
تعود انك تقعد حق صلاة الفير وتالي عقب الصلاة اقرأ اشوية قران او أذكار واشبك أشويه بالمنتدى بالقسم السياسي
بطير النومه عقبها اسئل مجرب :إستحسان: بعدين اذا موظف ما تنام الا بالويك اند لانه طول الاسبوع بتقوم مبجر. فا أخذ راحتك بالنوم وعوض تعب الاسبوع

 

[بَسْمَة ..]

أنا بعد وياكم ..
مأساه .. اذا محد قعدني ارقد 17 ساعه او 16 ساعه بالإجازات مافيه مشكله
وترى الوضع مو طبيعي اعتقد مشكلة بالغدد بس مالي خلق احلل ويطلعون فيني سبعين عله
لذلك احط منبه والشكوى لله ..​

,​

اذا نومك حيل حيل مُبالغ فيه ومن كثر النوم تقوم راسك مصدع وتحس انك بعد نعسان
شوف الغدد يمكن فيه مشكله لا سمح الله ..​

 

[meshal]

بمعنى اكثر من نص عمرك بيروح بالنوم . هذي حياة !!

اتصور طبيعة عملك هي الحكم في ذلك والله يطول بأعمار شيابنا دايماً ما نسمعهم يرددون إن النوم يقطع الرزق .
القعده الصبح متعة بحد ذاتها وقبل كل شي صحة للإنسان وحتى النفسيه بتلقاها تختلف .
اذا ما تقنع نفسك بقعدة الصبح حتى لو ما عندك شغل ما راح يفيدك احد .

 

[JustSmile]

السلام عليكم

اذا تبي نومك خفيف عليك بالتالي

1- حجم ظهرك و راسك (شهر 4 افضل شي الحين برد)
2- تحرك (مشي، كرة قدم، ركوب خيل، سباحه)
3- انسدح ع السرير و امسك كتاب و اقراء
4- عشاك خفيف

و راح تدعيلي

و اذا تبي تسوي فورمات لنفسك
اخذ اسبوع في المدينه المنورة عند الحرم
و اختمها بعمرة
و شوف شلون انت كنت مضيع نفسك بدوامه حياه لامعنى لها

ابتسم فقط

​

 

[mxm8]

بتكلم عن نفسي .... قطعت التدخين من سنتين ولاحظت ان معدل النوم عندي تغير للأفضل
كنت انام 12 ـ 14 ساعة ... الحين فضل من الله بحدود 6 ـ 9 ساعات ​

 

[بن ذى يزن]

على حسب الراحة النفسيه
اذا مرتاح ومزاجك عالي راح تنام خفيف
واذا مقفله راح تنام نومة ما ودك تقوم

 

[بقيييط]

العله في الاكل ياشباب انا قبل فتره ماقدر انام خمس ساعات علي بعضه وصكني قل نوم تغديت مع واحد من الربع هذاك اليوم اكل مسلووق وتعشيت في البيت اكل مسلوق بعد ياحلااات النوومه بعده وصرت اداوم علي الاكل المسلووق ونووم من بعده خفيف الحمدالله وبعض الفترات اخربه في الاعراس لحم حاشي ومن البوفيهات اتغير نوومي بس من ارجع علي الاكل المسلووق اوووه يضبط معي كل شي خلوو منكم الوجبات السريعه والاكل الي مادري شنوو العله في الاكل والبن

 

[عالي مستواه]

احمد ربك انت في نعمة
مادام ما تعارض مع صلاة الفجر والفروض الباقية فانت في نعمة
تعرف الارق عساك ما تجربه اشد واصعب تفتر تبي تنام جسمك منهد وعقلك شغال ..
وافحص دمك بقولون ان فقر الدم يسبب النوم الثقيل
ولا الامر وراثي ناس طبيعتهم يحبون النوم وناس نوم طير

 

[سطام الظفيري]

سوّ حجامه ..​

 

[اينشتاين]

انا الصراحة كان نومي خفيف جدا لدرجة كنت انام الساعه 12 الليل واقعد علي صلاة الفجر مصحصح

بس لما صار فيني التهاب جيوب انفية + حساسية

لاصرت دايم احس بخمول وكسل وما اشبع نوم

واذا حطيت راسي علي المخدة نوم ثقيل تقريبا مثل اللي كان ميت وحيا

 

[Q8 1]

ياليت اقدر انام اكثر من 6 ساعات
عينى تبطل بروحها بدون منبه واحس بكل شى حوالى نايم ومو نايم
حتى لو مجهد وتعبان ماكو بس 6 وانقز
هم من النوع الى مخه يفتر قبل النوم ( فلاش باك ) على كل شى

اظن يالحبيب
الموضوع تعود فقط حاول تغصب نفسك اسبوع بعدها جسمك يقبل البرمجه الجديده

 

[joblak]

الله يا حلات النوم واللي اذا طفح طفح نوم حده 8 ساعات شيسوي اتمنى انام 12 ساعه احس انها وناسه

 

[ICE BLUE]

بتكلم عن نفسي .... قطعت التدخين من سنتين ولاحظت ان معدل النوم عندي تغير للأفضل


كنت انام 12 ـ 14 ساعة ... الحين فضل من الله بحدود 6 ـ 9 ساعات ​

احلى اجابه

كنت مدخن واشرب شاى وقهوه بكثره وكان نومى بصعوبه اتقلب ساعتين

وبعدين انام واذا نمت عادى اطبق 12 ساعه

قطعتهم وقمت انام بسرعه واقوم صاحى ونشيط بعد 6 ساعات

نابليون بونابرت يقول : الرجل ينام 6 ساعات والمرأه تنام 7 ساعات

والبليد ينام 8 ساعات​

 

[عجـرّش]

انا نفس حالتك بس

انا لا قعدت من النوم ما أطالع الساعة

أطالع التقويم


​

 

[بو ماجد]

السجائر ثم السجائر ثم السجائر
هي السبب وقانا الله منها

 

[دريم لاند]

السلام عليكم ورحمة الله وبركاته

السموحه أخواني على طول الغياب كله من الأي فون لابارك الله فيه علمني السهر باليل

اود أن أفيد أخواني أعضاء المنتدى في حل بسيط وسهل

أولآ يقول المثل تريق ريوق أمير وتغدا غدا ملك وتعشى عشى فقير .
ثانيآ النوم مبكرا والأستيقاظ مبكرآ لصلاة الفجر وتنسيق اليوم وعدم ترك أي فرض .
ثالثآ أذا أرتم أن تنامون وقت الضهيره بعد الغداء يجب تشغيل المنبه وبشرط أن يكون الغداء صحن واحد فقط هههههههه أو أذ كنتم راجعين من الدوام تنامون قبل الغداء شرط ماراح تنامون وايد وأدعولي لاتنسون دعواتكم .

ومع السلامه .