ان شاء الله يالحرباء اللي بعت دينك ووطنك بس عشان توصل للي تبيه ان شاء الله ان شاء الله ان شاءالله مانشوفك عضو في المجلس اللي بعد هذا وان شاءالله الناس اللي استغليتهم وشريت اصواتهم يعظون اصابع الندم ويسقطون الانتخابات الجاية
الا تخجل ان تتهم الشعب الكويتى بالتطرف لان الشعب هو من اوصل هؤلاء الى المجلس كنت اتامل منك ان تقول سنتعاون دون تهاون كالمجلس السابق او تقول سنصلح اخطائنا ولكن للاسف روضه سياسه
ذكرت لأحد الاخوة المادحين لمرزوق بالمنتدى قبل مدة انه كخاله، ينتظر الفرصة للتكشير عن انيابه، مواقف كهذه تظهر الناس على حقيقتهم.
المجلس الحالي كمجلس 2008، حذر منه الجميع بأنه مجلس متطرف و إلخ فحل بتحريض ممن لم يحالفهم الحظ فأتى اسوء مجلس بتاريخ الكويت عام 2009 و تبددت كافة اسباب حل مجلس 2008 وظهرت لنا مشاكل و آفات لم تستطع السلطة مواجهتها فخضعت بالنهاية للرغبة الشعبية.
على السلطة ان تقرأ هذه النتائج جيدا، و من غير المعقول ان تكرر نفس الفعل ( بحل هذا المجلس ) لتتوقع نتيجة مغايرة ( عن مجلس 09 ) !
ياحياتي مو عشان مافي للانوثة في المجلس عنوان
اعتقد لسان حالة يقول بيت من الشعر المخثق
غريبة في المجلس من بعدك ياخالي لان لاصفالي لاقريب ولافداوي
أه وألف أه مافي ريحة لكم ياصديقاتي لارولا ولااسيل ولامعصومة ولاحتى سلوى راس مالي
ملاحظة كتبت بااحساسة
الظاهر انه يبي يلحق خاله ويوقف عن العمل السياسي ويتفرغ للتجاره ولغرفه التجاره بعد والده وانا اعتقد ان خوف مرزوق الغانم له اكثر من سبب
الاول انه الحين صار بروحه بالمجلس ماعنده كتله هو " يقودها " لان محمد الصقر ما اعتقد راح يكون تابع لمرزوق في حاله فوز السعدون بالرئاسة وايضا الراشد ماراح يكون تابع لمرزوق اذا لم تأخذ الحكومة الراشد كمحلل فبالتالي راح يكون يمشي مع الموجه وماراح يقود احد
السبب الثاني هو انه خايف على العديد من الملفات اللي مو من صالحه تفتح في المجلس الحالي من اهمها هو ملف غرفه التجاره والصناعه اللي تعتبر كنز بالنسبة لمرزوق ولربعه ولمجموعه الـ 26 وبالتالي اعتقد لو فتح احد الاعضاء هالملف راح يكون نهايه الغرفه في هالمجلس ولكن ما اعتقد احد راح يتطرق له في الوقت الحالي بعد خساره ضيف الله بو رميه
السبب الثالث هو انه خايف على المناصب اللي وضع فيها ربعه لو فتح احد الاعضاء ملف التعيينات السياسية اكبر الخاسرين هم مرزوق الغانم وكتلته اللي راح تخسر الكثير من المناصب من اهمها بنك التسليف وماراح يقدرون يحطون وزير للتنميه على كيفهم ويخاف من عوده أحمد الفهد للحكومة
والشي الاهم ان مرزوق الحين اعتقد يحاول يكون كتله من تحت الطاوله مع الشيعة السبعه ومحمد الصقر والراشد والفضل والجويهل ويحاولون يهادنون الحكومة كثر ما يقدرون او عندهم خيار ثاني اللي هو محاوله حل المجلس وتناسى الاخ ان هو وكتلته في اوقات سابقة كانو يهاجمون المعارضة بسبب مطالبه المعارضة بانتخابات مبكرة وعلى رأس المطالبين السيد وليد الطبطبائي والنائب مسلم البراك
لذلك مرزوق يحاول يبني اكثر من تكتيك يحاول من خلاله كسب كثر ما يقدر قبل حل المجلس اذا كان فيه حل