توحيد الجنسيه

[مطلق-القحطاني]

امر مرفوض توحيد الجنسية الكويتيه

لا نقبل ان توحدنا بواحد شواربه صفر وشعره احمر ما يعرف عربي ماخذ الجنسيه من جم سنه بواحد بالتأسيس عن جده وجد جدة كويتي

حتى باجر السيلانيه الي متزوجة كويتي تقول ابي بالتاسيس مثلكم

اقتراح في غير محله يا زميلي ولا نقبله

حنا نقول الكويتي الي من ابو بلتجنيس مواليد الكويت يستحق الاولى
ماقلنا الزوجة الي متجنسة على زوجها ركز
واذا جيت لسالفة لانقبل تساوينا ومدري شنو بتصير اول شي بيقولون لك مانقبل الكويتي من اصل ايراني تساويه بلي من اصل عربي وبعدها بيطلعون لنا ناس تقول مانقبل الكويتي الي من قبايل اصيلة صريحة النسب تساويه بكويتي من قبايل مهي اصيلة والخ وبتنتشر العنصرية وهذا الي حنا مانبيه .....
للاسف نجد العنصرية منشترة بشكل رهيب حتى بين البدو يعني اكثر القبايل صريحة النسب كـ(قحطان ,مطير,عنزة,شمر,عتيبة,يام والعجمان الخ) ما يزوجون ولا يتزوجون من بعض القبايل للاسف حنا لازم نترك العنصرية ونعرف اخرنا تحت التراب
قال الرسول صلى الله عليه وسلم : ( لا فضل لعربي على عجمي ، ولا لعجمى على عربي ، ولا لأبيض على أسود . ولا لأسود على أبيض ، إلا بالتقوى ، الناس من آدم ، وآدم من تراب ) رواه الترمذي (3270) وحسنه الألباني .

+ثلثين الي معه اولى خذوها بلواسطة ولا بلفلوس يعني تبي تقنعني ان كل الي معهم مادة اولى كويتين ابا عن جد !!!!!

وتحياتي لك يالرشيدي وتحياتي لبني عبس القبيلة الاصيلة

 

[مطلق-القحطاني]

يكفي اني كويتي ، واسم عائلتي حالها حال عوائل الكويت لا تزيد عنهم ولا تنقص
واعتبرني من اي عائلة كويتية لاني اشعر كأني واحد منهم ، ولا فرق بين عوائل الكويت
وكذلك لا فرق بين قبائل الكويت ، المهم اعتبرني منهم لاني كويتي وكفا وكلهم كويتيين وافتخر فيهم

ليش ماتقول اسم عايلتك مدام انك تقول من عايلة كويتية اصيلة ولا خاف تطلع ايراني ؟
الحين صار مافي فرق بين الكويتين!!!!

 

[ششماتي]

ياعاقد النونه كل قبيله لها تواجد بكذا دوله

القبائل تقدر اعدادهم بالمليون والمليونين والثلاثه
لما نقولك قبيلة الخوالد من مؤسسين دولة الكويت مو معناته انهم كلهم كويتيين
بعدين يكفي انهم اول من حكم الكويت وان اسم الكويت مشتق من كوت (كويت) شيخهم بن عريعر شنو تبي اكثر؟
انا قاعد اكلمك عن فتره تعدت 400 سنه
استوعب التاريخ ​

اخوي العزيز تقول انته تنفي ثم ترجع وتقول لنا قبيلة الخوالد من مؤسسين دولة الكويت .. كيف يا ترى ؟
اذا هم ما لهم وجود اساسا باعترافك بردودك، لكن هل تعلم ان جيش او مؤيدين او من كان مع ابن عريعر رحمه الله ليس من قبيلته فقط ،
بل من اهالي وناس منتشرة من البصرة الى قطر واخرين من اجل استتباب الامن من قطاع الطرق والغزاة
هل تعلم ان اهالي تلك الاراضي تمد يد العون بالمؤن اللازمة لابن عريعر رحمه الله من اجل الاستمرار لاستتباب الأمن في مساحات متفرقه
هل تعلم ان الكويت اسمها القرين ولها أهلها قبل تسميتها بالكويت وان تسميتها بالكويت للدلاله وتماشت بين الناس بالكويت أولا
وعرفت بقطر والعراق والسعودية بهذا الاسم نتيجة اهل الكويت يتداولونها​

 

[ششماتي]

ليش ماتقول اسم عايلتك مدام انك تقول من عايلة كويتية اصيلة ولا خاف تطلع ايراني ؟
الحين صار مافي فرق بين الكويتين!!!!

طبعا مافي فرق بين الكويتيين بالحقوق والواجبات
لكن بحقوق الناس التاريخية يجب ان تحفظ
ويا اخي اعتبرني كويتي من كل عائلة كويتية ، يعني كويتي وكفا
ليش هذا ما يكفيك الشي بارك الله فيك

 

[مطلق-القحطاني]

طبعا مافي فرق بين الكويتيين بالحقوق والواجبات
لكن بحقوق الناس التاريخية يجب ان تحفظ
ويا اخي اعتبرني كويتي من كل عائلة كويتية ، يعني كويتي وكفا
ليش هذا ما يكفيك الشي بارك الله فيك

الحقوق ...المادة الخاامسة مايقدر يدخل لحرس مايقدر يرشح نفسه للبلدي او مجلس االامة مايقدر يدخل ضباط مايقدر يمسك منصب الخ

انا قلت لك بلبداية وبقولك الحين ابصم على العشرة انك جاي بلسبعينات وخذت المادة الاولى بلواسطة ولا بلفلوس

زمن وصخ خلا الايراني محمود حيدر وشلته مادة اولى وخلا القبايل والعرب الاصيلة عرب قحطان وعدنان مادة 5 !!!!!!

وانا ذالحين بطلع وليا رجعت برد عليك هذا اذا ماقفلو الموضوع

 

[ششماتي]

الحقوق ...المادة الخاامسة مايقدر يدخل لحرس مايقدر يرشح نفسه للبلدي او مجلس االامة مايقدر يدخل ضباط مايقدر يمسك منصب الخ
انا قلت لك بلبداية وبقولك الحين ابصم على العشرة انك جاي بلسبعينات وخذت المادة الاولى بلواسطة ولا بلفلوس
زمن وصخ خلا الايراني محمود حيدر وشلته مادة اولى وخلا القبايل والعرب الاصيلة عرب قحطان وعدنان مادة 5 !!!!!!

يا اخي الحبيب انته تدين نفسك ، ذبحتنا قبائل وقبائل ، فهل الكويت مكلوفه بقبائل العراق واليمن وسوريا والسعودية وايران ؟
الكويت لها أهلها يا اخوي العزيز عوائل وقبائل ، واذا تبي تتطرق للقبلية انصحك شوف موطن اجدادك ابو اليمن وعيش عيشة هنية مع القبلية مع تورم خدك
حبكت الا الكويت يعني لازم توحيد الجنسية ، خلك اصيل واستقر بأصل اجدادك بدل تلميزاتك الرخيصه التي ليس لها وجود عند أهل الكويت

 

[مطلق-القحطاني]

يا اخي الحبيب انته تدين نفسك ، ذبحتنا قبائل وقبائل ، فهل الكويت مكلوفه بقبائل العراق واليمن وسوريا والسعودية وايران ؟
الكويت لها أهلها يا اخوي العزيز عوائل وقبائل ، واذا تبي تتطرق للقبلية انصحك شوف موطن اجدادك ابو اليمن وعيش عيشة هنية مع القبلية مع تورم خدك
حبكت الا الكويت يعني ، خلك اصيل واستقر بأصل اجدادك بدل تلميزاتك الرخيصه التي ليس لها وجود عند أهل الكويت

اليمن موطن اجداد كل عربي وهي اصل العرب وقبايل كويتية عريقة اصلها قبل مئات السنين من اليمن وخصوصا القبائل الي ترجع لقحطان كـ الدواسر والعجمان ويام كافة وشمر وبني هااجر والخ

+انا كويتي بلتجنيس من اصل سعودي ابوي اخذ الجنسية باخر االستينات وماني مزدوج وانا مواليد الكويت وولدي مواليد الكويت وماقلت لك اني كويتي ابا عن جد !!
ولا الكويت مكفولة بقبايل الدول الثانية من قال حنا مكفولين فيهم !!! انا كلامي كان عن بعض احفاد بن عريعر الي بلكويت وجنسيتهم ماادة 5 وجدهم اول من سكن الكويت ومو الخوالد اكلمك عن احفاد بن عريعر الي بلكويت مو احفاد بن عريعر الي بلسعودية ولا البصرة ولا االبحرين !!!!
ولاتنسى الكويت عربية والقبايل الي سكانين بلكويت مو قبايل الدول الثانية هم اولى بلمناصب لانهم عرب
انا بعرف الايراني لم يقرا النشيد الوطني ويقول الله اكبر اانهم عرب شنو يحس فيه !!! هههه
+الي خليته بلاحمر ماافهمت شتقصد !!!

تسجيل خرووووووووج

 

[برق الوفاء]

انتضر

الموضوع حامي

اشوف كل من يرفض توحيد الجنسيه يتمسك بشنو الفرق بين هذا وذاك

لاكن لما تصير وتحج حجايجها يعني لما يصير لا سمح الله مكروه بالكويت

راح نغني ونقول كلنا واحد ودمنا واحد


بس الحين زمن رخا وامان لاتنضر لليوم بل انضر للغد

وشي يحز بالخاطر

ناس تترفع بكتابة انا ماده اولي لتنبيه يعني لا تفهمون اني مو كويتي اصلي

هم التقليد يعني لما تقولون

الكلام هذا شنو معناه يعني اليمو اولي مو اصلي ومشكوك فيه

بالله شرايكم تطردونا من الكويت ولا نحط اشارة تبين

الاصلي والتجاري المستورد


ياناس ياعالم اصحووووو المنطقه مقبله علي امور ما يعلم بها الا الله


علي فكره انا ماده خامسه فقره ثلاثه بصفه اصليه تدرون شنو معنها يعني انا جدي مجنس وان ابوي مجنس واني انا كويتي بصفه اصليه

بس الفرق فيما ذكرت والحمدالله اني مسلم وعربي وكويتي بس مو اصلي

ارتحتو يااا اخوتي


اذا ماصار شي بالكويت هل افكر ان اضحي بروحي ودمي او اقول خل ابنائها الاصلين يضحون

ههههه اقول الشجاع مايفكر بوقتها هذي شيمه وعزه وكرامه من الله سوف نحرق الاخضر واليابس من اجل

الكويت لاناا تربينا وعشنا فيها بس قلت الكلام لكي تتمنعنو بكلامي

 

[blue ocean]

اليمن موطن اجداد كل عربي وهي اصل العرب وقبايل كويتية عريقة اصلها قبل مئات السنين من اليمن وخصوصا القبائل الي ترجع لقحطان كـ الدواسر والعجمان ويام كافة وشمر وبني هااجر والخ

يا مطلق بعض الناس يحسسونك انهم من مخلفات الحروب الصليبيه وما صدقوا لقوا سالفة الماده الاولى حجه للثأر من أصحاب الموطن القبائل الاصيله ..

 

[ششماتي]

اليمن موطن اجداد كل عربي وهي اصل العرب وقبايل كويتية عريقة اصلها قبل مئات السنين من اليمن وخصوصا القبائل الي ترجع لقحطان كـ الدواسر والعجمان ويام كافة وشمر وبني هااجر والخ
+انا كويتي بلتجنيس من اصل سعودي ابوي اخذ الجنسية باخر االستينات وماني مزدوج وانا مواليد الكويت وولدي مواليد الكويت وماقلت لك اني كويتي ابا عن جد !!
ولا الكويت مكفولة بقبايل الدول الثانية من قال حنا مكفولين فيهم !!! انا كلامي كان عن بعض احفاد بن عريعر الي بلكويت وجنسيتهم ماادة 5 وجدهم اول من سكن الكويت ومو الخوالد اكلمك عن احفاد بن عريعر الي بلكويت مو احفاد بن عريعر الي بلسعودية ولا البصرة ولا االبحرين !!!!
ولاتنسى الكويت عربية والقبايل الي سكانين بلكويت مو قبايل الدول الثانية هم اولى بلمناصب لانهم عرب
انا بعرف الايراني لم يقرا النشيد الوطني ويقول الله اكبر اانهم عرب شنو يحس فيه !!! هههه
+الي خليته بلاحمر ماافهمت شتقصد !!!

يا اخي العزيز طالما انته تقحم القبلية بتوحيد الجنسية وكأنه كل قبائل اليمن السعيد والعراق وسوريا وغيرهم مكلوفه فيها الكويت
وبعدين لا تشرح لي بارك الله فيك مرجع قبيلتك لانها ليش شأن كويتي وانما هي شأنك لوحدك فقط لا غير
وبعدين يا غالي الكويتي كويتي حتى لو من العيم ، وفيهم من اسسوا الكويت وتاريخهم كويتي ويعتبرون نفسهم كويتيين
لان ديرة اباءهم وليس لهم الا الكويت ولا فرق بين الكويتيين وان الكويت فيها خليط من الحضر والبدو والشيعه والسنه
والحضر العيم الكويتيين يتعتزون بالكويت ويفتخرون بها لان تاريخهم قديم بالكويت
اما انته كما تقول انك اصل سعودي ومتجنس ليش تترك اصلك وتبي توحد الجنسية
السعودية الشقيقة لها احترامها وفيها من الناس الطيبة من عوائل كريمة لها صيت هناك وفيها قبائلها الكريمه
ايضا تدين نفسك حينما تتطرق للقبلية وانك اصيل مقابل سائر البشر ، ونحن بديرة أصل عزيزة ترفع الرأس
وتبي توحد الجنسية عشانك اصيل متجنس ، اخوي الكريم ان الكويت وتاريخها المشرف لا يوجد بها من يقول ابي جنسية ابي توحيد الجنسية عشانه قبيلي اصيل
هذا كلام يهال للاسف مع احترامي لك ، لان الحقوق حقوق دول مستقرة وناس مستقرين
نكرر النصيحة لك اقبل بالامر الواقع اخوي وباعترافك من غير الطلب بتوحيد الجنسية ولا فرق بينك وبين اي كويتي بالحقوق والواجبات والله يحفظ الجميع
والا اشتر راحتك اذهب لليمن السعيد او اصلك اللي انته قلت عليه وهذا هو الرد عليك اذا تطرقت للقبلية مرة اخرى

 

[ششماتي]

يا مطلق بعض الناس يحسسونك انهم من مخلفات الحروب الصليبيه وما صدقوا لقوا سالفة الماده الاولى حجه للثأر من أصحاب الموطن القبائل الاصيله ..

لا يا اخي الفاضل الكويتي يعتبر كويتي حتى لو متجنس ولا يوجد فرق
ولا عندنا كلام رخيص الاهم الاحترام والتقدير حسب ما نص عليه الاسلام والمواطنه
اما حكاية قبائل وقبائل ، يا اخي هذا الشأن خاص للفرد وليس له علاقة بالجنسية وتوحيدها
والناس عند ربها بشر ، فلا حجة كما انته تقول قبائل اصيلة ، لان هالكلام ضعف لمرددها اخوي الكريم

 

[blue ocean]

عاقد النونه .. اللي يطق الباب يسمع الجواب لما تتكلم عن الحقوق التاريخيه وكل الاخوان يردون عليك ويثبتون حقوقهم التاريخيه لك وانت مو راضي تفهم ولا انت اللي تقولهم اي معلومه عن عايلتك .. شنو تتوقع انهم بردون عليك .. وارجع واقولك انت اللي بديت باستنقاص الاخرين والتقليل من شانهم ..

بعدين شنو انته اسمها انت

 

[راكز]

الشهداء والاسرى وكثير منهم بالجيش ماده اولى وثانيه
التجنيد الالزامى ياخذ الاولى والثانيه وهى خدمه وطنيه للوطن
بمعنى انها ماده فقط لاتمثل فرق بين ابناء الكويت بالشهاده والولاء من اجل الوطن لان وقت الشده محد راح يسألك اولى والا ثانيه
عشان جذيه كاتب الموضوع يطلب توحيد الجنسيه(لان التجنيد والشهاده والجيش والولاء فيها توحد للجنسيه ) وهى الامور المهمه للوطن اما الهياط الزايد بالتفاخر ابوى جاء قبل ابوك او جدى جاء يوم الاحد قبل جدك جاء يوم الاثنين هذه امور ماتنفع وطننا الغالى ابد

 

[سياسي - شعبي]

قال انفخ يا شريم قال ما من برطم

يخرب بيت العنصرية

احب خشم اللي كتب موضوع

سحقاً لمجتمع حولني الي عنصري

 

[ahmad2]

أصلا قانون الجنسية الحالي أعور​

بدليل أن ولا مواطن كويتي مادة ثانيه​

ولا مواطن كويتي مادة ثالثه !!​

كلهم خامسه وسابعه​

مع أن في قانون الجنسية لسنة1959 هناك الماده الثانية تقول :​

(يكون كويتيا كل من ولد لأب كويتي)​

لماذا لا يكون هناك كويتيين وفقا للمادة الثانية​

أعتقد لو طبقت المادة الثانية كل الكويتيين راح يتوحدون طبقا للماده الثانيه​

وهو ما اراده المشرع ​

وللعلم ترى الدعوات التي تطلب أن يبت القضاء في موضوع الجنسية​

السبب الرئيسى لرفضها هو خوفا من أن يقول القضاء كلمته ​

إذا ليكن مطلبكم هو أن يكون للقضاء الحق في النظر بمواضيع الجنسية​

إلا اذا كان القضاء الكويتي مشكوك بنزاهته هذا موضوع آخر​

صدقوني اذا اردتم ان تتوحد الجنسيه ما لكم حل إلا القضاء​

وهو ما يخشاه البعض بحجة الجنسية أمر سيادي ​

 

[AL Rashidi]

الدستور الكويتي حث على العدل والمساواه بين المواطنين

وتعدد أشكال الجنسيه مخالفه للدستور وتمييز بين المواطنين ويغذي العنصريه

أتمنى من هذا المجلس اقرار قانون توحيد الجنسيه

:إستحسان::إستحسان::إستحسان::إستحسان::إستحسان::إستحسان::إستحسان::إستحسان::إستحسان::إستحسان::إستحسان::إستحسان::إستحسان:

نعم للعداله والمساواة بين المواطنين نعم لتوحيد جنسية المواطنين ولا والف لا للعنصريه والتفرقه بين المواطنين

 

[مهنا العنزي]

صراحه هذا لازم يكون من اولويات المجلس الحالي يجب توحيد الكويتيين بماده واحده
و فلقرار الحالي هو فقط لتفريق المجتمع الكويتي

بين ولد بطنها و قبائل و و وووو

كلام غير مقبول ومو قضية عنصريه
قضيه مده يجب أن تمر حتى يحصل المتجنس على حقوق معينه

يا أخي حتى أمريكا فيها المواطن وفيها ال green card وفيها مقيم دائم

أقتراح لايمكن تطبيقه

اما الاخ ابو ماجد كما توقعة هو من فتره طويله يمتاز بلعنصريه
و لم تقب عنه يوم


على العموم اتمنا تطبيق القرار

 

[~ بدويه وكلي فخر ~]

سابع المستحيلات هالشي يصير

لانه بتوحيد الجنسيه بيختلط الحابل بالنابل

خلنا جذي حلوين

درجه اولى ثانيه ثالثه رابعه اسود ابيض اصفر ايراني سعودي عراقي

بعدين انا لو جد جدي مهاجر لامريكا مو ابرك لان ذبحتونا كويتي اصلي وكويتي تقليد

الكويتين بالاساس اصلهم يا من السعوديه ياايران يالعراق يالحبشه يالهند

بس اكيد الكويتي السعودي البدوي دخيل وماعنده وطنيه وعله ع الكويت

هو وحلاله لجذي طردوهم للسعوديه وطفشووهم كل شوي بقرار

مابقى الا يسوون اباده جماعيه لنا

 

[برق الوفاء]

ok

:وردة::وردة::وردة:

سابع المستحيلات هالشي يصير

لانه بتوحيد الجنسيه بيختلط الحابل بالنابل

خلنا جذي حلوين

درجه اولى ثانيه ثالثه رابعه اسود ابيض اصفر ايراني سعودي عراقي

بعدين انا لو جد جدي مهاجر لامريكا مو ابرك لان ذبحتونا كويتي اصلي وكويتي تقليد

الكويتين بالاساس اصلهم يا من السعوديه ياايران يالعراق يالحبشه يالهند

بس اكيد الكويتي السعودي البدوي دخيل وماعنده وطنيه وعله ع الكويت

هو وحلاله لجذي طردوهم للسعوديه وطفشووهم كل شوي بقرار

مابقى الا يسوون اباده جماعيه لنا

 

[ساخط]

الشعب الكويتي شعب كسول عنصري، متخاذل حسود، متناقض، يكذب الكذبة، ويصدقها،