اصبحناوناسة لشباب الخليج شقق السالمية تشهد اين النواب المطاوعة

[صريح جدا جدا]

اقسم بالله انني اتألم مما وصلنا له اعلم ان الشقق والشاليهات موجودة منذ عشرات السنين ​

في الكويت والسالمية خصوصا انظروا الى اعداد الخليجيين الذين اصبح البعض منهم لايعرف ​

من الكويت الا شقق الدعارة والداعرات اين نوابنا الاسلاميين ​

اعتقد ان ايقاف الشقق اولوية مهمة جدا ولااعتقد ان الموضوع صعب جدا على نوابنا الاكارم ​

والله اصبحت سمعتنا بسبب الشقق سيئة جدا واقسم بالله انني كنت اقف بالقرب من ​

احدى الشقق والصوت يصل الى اخر الشارع واقتربت ورايت سيارات خليجية تحت العمارة ​

والله شعرت بالقهر هل اصبحنا مكان للتسلية لهم او لغيرهم سألت احدهم من جنسية ​

خليجية لما تختارون الكويت قال الكويت قانونها يمنع الدخول للشقق تحت فانون الحرية ​

الشخصية سبحان الله اصبحوا يستغلون قوانيننا ويعرفونها اكثر من اهل الديرة نفسهم ​

يانوااااااااااااااااااااااااااااااااااااااااااااااااااااااااااااااااااااااااااب الامة غيروا القوانين ​

يجب على الجميع احترام البلد ومن يريد الفساد فليسافر ويفعل مايريد ولتبقى الكويت نظيفة ​

اشعر بالقهر عندما اشاهد كثرة السيارات الخليجية نهاية الاسبوع والهدف القعدات لاحول ​

ولاقوة الا بالله ​

 

[ابــو دانـــه]

الحين يردون عليك ايتام كتلة من حيث المبدأ ويقولون لك هذي حريه شخصيه والكويت لازم تواكب الحضاره وتكون مركز مالي ويسمحون ببيع الخمور عشان تتطور الكويت والمشكله يتكلمون بالدين ويقولون دع الخلق للخالق وكأن الرسول عليه الصلاة والسلام لم يأمرنا بتطبيق حدود الله على كل من عصى الله ​

 

[Queue80]

إنتبهوا يا إخوان من أي موضوع المقصد منه إثارة الكراهية بيننا و بين أبناء الخليج
.
.
.​

 

[صريح جدا جدا]

لاحول ولاقوة الابالله يعني عشان خايف على ديرتي وسمعتها صرت اثير الكره بين هل الخليج


ماراح نتطور مع هالعقليات ياخوي شوف دول الخليج حتى الدول اللي فيها بارات ومراقص

لما تدش مجمعاتهم اتحداك تقدر تعاكس بنت وحده واذا عاكست تعاكس وانت خايف حدك

واللي بيكرهنا عشان مانبيه يجي ديرتنا ويسوي وصاخته عندنا بالطقاق فيه وفي محبته

واللي يجينا غلا فينا نحطه على العين والراس وبس

انا ارد واكلم نوابنا سكروا الشقق وحطوا قانون يسمح للشرطة يدشون الشقق

بسهولة الشقق مو سكن خاص هاذي شقق ايجار يومي والبنات اكثرهم عراقيات ومغربيات

سفروهم مانبيهم في ديرتنا​

 

[عبدالباري]

ياخي هي وقفت على الفساد هذا وبس ؟؟؟



روح الاسواق والمجمعات وشوف الاشكال الغريبه اللي هناك يغازلون ويتحرشون ببنات خلق الله



بيني وبين نفسي اقول هذيل اكيد مزدوجين والا مايصير واحد يجي من ديرة ثانيه وبكل جرأه ووقاحه


يلاحق البنات ويضايقهن بتصرفاته الوقحه !!!


ازيدك من الشعر بيت


في ثانوية بنات بوقت الامتحانات الفاينل


تخيل جيب لوحاته (قط...) مغيم وفاتح نص الجام واغاني بصوووووووووت عالي


ويفتر يتميلح عند البنات ويعاكس


والله ماندري شنقول


لعلهم مزدوجين


وان كانوا مزدوجين فهي مصيبه

وان كانوا فعلاً مو كويتيين فالمصيبه اعظم


​

 

[بن ذى يزن]

موضوع يستحق التثبيت

برافوا كاتب الموضوع الديره ناقصها
بس اكشاك تايلند وجنوس ومشيها زلاطه

 

[صريح جدا جدا]

اهلا وسهلا باهلنا من كل الخليج اهلنا المحترمين اما ​

اللي جاي يدور قعدات واللي جاي يقز عند المعهد التجاري ويقول الكويت free​

نقوله الكويت اهل عادات واالي تشوفونه ضعف من قوانين البلد وللاسف هم صاروا يعرفون القوانين ​

اكثر منا حرام بنات في عمر الزهور داشين طالعين من هالشقق اذا هم من بناتنا ​

اعتقد ان المال السايب يعلم السرقة والقوانين الضعيفة وسالفة حرية شخصية ​

موجذيه تصير ​

وبعدين القوانين مو قران مانقدر نغيره ​

واكبر مثال شوفوا بعد قانون التشبه بالنساء شلون قل عدد الجنوس بالشوارع ​

مومثل قبل واللي يطلع صار خايف مومثل وقاحتهم قبل ​

والشقق اللي صوت الاغاني والردح فيها يوصل اخر الشارع نقدر نسكرهم ​

ونوقفهم وصدقوني ماكو فايدة للبلد من هالشقق فايدتهم حق ملاك العماير وبس ​

وكل واحد منكم يعرف شكثر بنات وشباب صغار ضاعوا بسبة هالشقق وسهولتها ​

حطو شرطة اداب مثل الدول المتطورة والله حرام اللي يصير ​

حتى الدول الاوروبية عندهم قوانين واماكن خاصة حق هالسوالف ​

شلون وحنا مسلمين ماكو قانون قوي والله عجااااااااااااااااااااااااااااااااااايب

وفي كل منطقة تلاقي شقق لاحول ولاقوة الابالله

صاروا مكان حق كل بنت متغيبة وكل صايع وصايعة

ويتجمعون بدون خوف وينكم يامطاوعة​

 

[حصيف]

ليش كاتب الموضوع ما خاف على ابناء بلدة المفروض اذا الامر سهل جدا في الكويت


معناتة شباب الكويت هم في خطر وليس شباب الخليج كما يزعم صاحبنا


الموضوع كله على بعضه يفتقد الطرح السليم


وان اردتم يفتقد المصداقية اتمنى الطرح بمستوى افضل من هذا

 

[صريح جدا جدا]

فيه بعض الاخوة حسسوني اني اطالب بمنكر لاحول ولاقوة الابالله

بعدين انا كتبت ان الشقق فيها بعض شبابنا وبناتنا وان الشقق صاروا مكان امن

للمتغيبات اللي ينحاشون من اهاليهم صدقوني تسكير الشقق خير

حق الديرة واهلها

اما تركيزي على الخليجيين انا اقصد الغير محترمين فقط وهم قلة

وانا ماارضى لاخليجيين ولاكويتيين يخربون سمعة الكويت وارد اقول العيب موفيهم العيب في


القانون والله صاروا يقولون اي شي بالكويت عادي موقهر لماتسمع ناس يتمصخرون

على قوانين ديرتك​

 

[كبريت]

يعني مالقيت الا الخليجيين ،الي مو متربيه تستاهل الي يصير لها

 

[هيغل]

الغلط يركبك من ساسك لراسك

ليش ما بلغت الشرطه ووصفتلهم المكان وهم يتصرفون

شكو اعضاء مجلس الامه!؟ الخطأ منك انك ما بلغت الشرطه عشان يطبقون القانون

 

[كويتي]

المفروض تتصل على مباحث الاداب وتقدم شكوى و اهم يتخذون اجراءاتهم
وطالما في شكوى اذن يوجد قضيه ومباحث الاداب مايقصرون ان شاء الله

 

[إنفصام]

دلوني علي اماكن الشقق الحمراء
انا اتكفل بالابلاغ عنهم

طبعا بعد ان اتاكد انها مشبوهه وفيها مافيها من منكرات
حتي لا افتري علي خلق الله ​

 

[بو عزوز مساعد]

المفروض تتصل على مباحث الاداب وتقدم شكوى و اهم يتخذون اجراءاتهم
وطالما في شكوى اذن يوجد قضيه ومباحث الاداب مايقصرون ان شاء الله

كم رقمهم لو سمحت ؟

 

[فتي الجزيرة]

انتو السبب تخلونها سايبة وتبغون تحاسبون الناس ,,,, غيرو قوانينكم الوضعية وأحكمو بشرع الله وماتشوف داشر يجي عندكم

 

[كويتي]

كم رقمهم لو سمحت ؟

أتصل على 112 و اطلب منهم تحويل مكالمتك لأي جهه او ادارة كانت هذي المعلومه المفروض الكل يعرفها .

ورقم بدالة المباحث الجنائية 25650222 واطلب تحويلك لقسم مباحث الاداب

كل الود و التقدير

 

[اليعربي]

حبيبي

بم انك شفت شي غلط ليش ما بلغت

اوكي هناك حريه شخصيه بالقانون الي يبي يخربط بينه وبين نفسه وربه يحاسبه
المهم ما يزعج احد وما يكون فعله علني



اما على قولتك اشكره واصوات عاليه وازعاج وناس داخله وطالعه المفروض مبلغ عليهم ولك الحق في ذلك

لكن استغرب تحديدك للخليجين مع انهم نسبتهم مقارنه باعداد رواد هذه الشقق لا تذكر

 

[إنفصام]

انتو السبب تخلونها سايبة وتبغون تحاسبون الناس ,,,, غيرو قوانينكم الوضعية وأحكمو بشرع الله وماتشوف داشر يجي عندكم

وهل اختفت مظاهر الاستراحات والسهرات والخمر والمخدرات في المملكه
ام لا زالت
طبعا لازالت ومن ينفي جاهل او احمق او مكابر

السؤال : لماذا لم تختفي وانتم تطبقون احكام الشريعه ؟!

إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ​

 

[اليعربي]

انتو السبب تخلونها سايبة وتبغون تحاسبون الناس ,,,, غيرو قوانينكم الوضعية وأحكمو بشرع الله وماتشوف داشر يجي عندكم

المشكله لن تحل فقط بتطبيق الشريعه
نعم هي خطوه ولكن ليست هي الاساس
حتى في السعوديه تحدث امور مثل هاذي وعلى فكره ليست في اماكن خاصه فقط مثل ماهو صاير بالكويت بل تعدى الامر الي اماكن من المفترض انها عامه مثل الاستراحات يعني الوضع يمكن اعبر

وان سكرتها عليهم البحرين ودبي فاتحينها على الاخر وما تغير شي

المشكله بالاساس الثقافه والدين والتربيه الي في عقول الناس

ثق تماما لو يكون هناك برامج توعويه عن مخاطر هذه الاوكار والزنى وما وراها من خراب بيوت وامراض قاتله وتربيه صالحه للشباب
كان انحلت هذه المشكله

البعض يقوول بنات الليل هم السبب طيب معظم بنات الليل ياتوون من بلدان عربيه ومن برا
وحتى لو تمنعهم الشباب راح يعبرون محيطات وخلجان على شانهم
مدام في طلب سوف يكوون هناك عرض والطلب من الشباب وماراح يردهم لا شريعه ولا قانون
فعليك من البدايه توعيه الشباب سواء دينيا وثقافيا وتربويا

 

[Q8Shaw]

إنتبهوا يا إخوان من أي موضوع المقصد منه إثارة الكراهية بيننا و بين أبناء الخليج
.
.
.​

صدقت يالزميل .. و أحييك على نباهتك ..

هل حي السفارات بالرياض يمثل الشعب السعودي و لا حتى أهل الرياض ؟؟!!! ..

هل من يأتون للعمره برمضان ولا في فترة الحج ولا يعتمرون ولا يحجون هم من يمثلون الاسلام والمسلمين ؟؟!!! ..

هل شارع المعارض بالبحرين يمثل الشعب البحريني ؟؟؟!!!!!! ..

هل فنادق و بارات و كبريهات الدوحه تمثل الشعب القطري ؟؟؟!!!!! ..

هل روسيات و عربيات دبي تمثل الشعب الاماراتي ؟؟!؟!!! ..

كفاكم تنكيل و لعب بعقول البشر فإن الشرفاء لا يختلطون بعديمي الشرف و لكل منهم طريق لا يلتقون ببعض ..

أنصح بترك هالمواضيع اللي ما وراها الا الفرقه و شق الصفوف بين الاخوان فما بالكم بشعوب ؟؟!!! ..




​