رُبـّـمــا
عضو مخضرم
بسم الله الرحمن الرحيم
لهجة المُهجة بمثابة حديث نفس لكن بصوت مسموع ..
كنت اسولف عنه مع أنا ..
فجاءت هذه اللجة ..:وردة:
كنت اسولف عنه مع أنا ..
فجاءت هذه اللجة ..:وردة:
لا تغرك ضحكتي وعطري اللي انحنى فوقي ليما غمر مبسمي واكثر شوي , كنت أداري ريحة أيامي وهي بعيني تحترق وما تنطق الـ أيْ ,, لا تغرك لمعة الألماس إبعيوني ,, مو سعادة حُب ..أو هوى أسطوري في ضلوعي شب ..لا مو سعادة حُب .. كانت دمعة رجا .. داريتها في عتمة دجا ووجّهتها للرب ..
لا يغرك زولي أو حتى بهيبتي تغتر .. تحت عباتي كبريائي امتحدّب منكسر يشهد عليه كل درب ,,لا يغرك صوت الكعب ونغمة خطوتي هذا صوت حظي يمشي على أيامي بعنجهية .. ويطويها طية غدر نالت من براءة ظبي ..لا يغرك شعر شايب لا هو حكمة أو حتى ضي ..هذا رماد من نار شبت داخل أفكاري واحرقتني وقلبي المسكين حي .. لا يغرك صوتي الدافي مو تنعّم أو دلع ..او فضاوة متبّلة بترف في حياتي شع ..هذي بحة جرجرتها قسوة أيامي واتركتني من كل شي ..لاشي ..لا يغرك حناني ..وكامل اناقة كلامي يبقى انجيل إمتحرّف إبخناجر ناس ..ارضعت من صدر العبث غي ..لا يغرك انهماكي بالكتب وراس مدفون بورق يحمل شعار..أو تعاون مع عسكر ابرُتب ..هذي لعبها أمارسها ..لا يتواكلني فراغ وعطب ..لا يغرك مريلة مطبخ ما تفارق لحمي وبقايا لحم طاحت من على الرف ..لعبة ثانية .. أواكبها .. لا يركب مُهجتي نزف ..
لا يغرك زولي أو حتى بهيبتي تغتر .. تحت عباتي كبريائي امتحدّب منكسر يشهد عليه كل درب ,,لا يغرك صوت الكعب ونغمة خطوتي هذا صوت حظي يمشي على أيامي بعنجهية .. ويطويها طية غدر نالت من براءة ظبي ..لا يغرك شعر شايب لا هو حكمة أو حتى ضي ..هذا رماد من نار شبت داخل أفكاري واحرقتني وقلبي المسكين حي .. لا يغرك صوتي الدافي مو تنعّم أو دلع ..او فضاوة متبّلة بترف في حياتي شع ..هذي بحة جرجرتها قسوة أيامي واتركتني من كل شي ..لاشي ..لا يغرك حناني ..وكامل اناقة كلامي يبقى انجيل إمتحرّف إبخناجر ناس ..ارضعت من صدر العبث غي ..لا يغرك انهماكي بالكتب وراس مدفون بورق يحمل شعار..أو تعاون مع عسكر ابرُتب ..هذي لعبها أمارسها ..لا يتواكلني فراغ وعطب ..لا يغرك مريلة مطبخ ما تفارق لحمي وبقايا لحم طاحت من على الرف ..لعبة ثانية .. أواكبها .. لا يركب مُهجتي نزف ..
خلني اسلم بين ضلوعك .. واشهر إيماني بعيونك .. واحرم بين أياديك .. وأحج في مهجة معاليك .. وأطوف السبع بأنفاسك .. وارجم الماضي عشانك .. واتحلل من الحرمان وياك .. واغسل اذنوبي وأتوب .. عن دمعة الليل الفجور .. وارجع مثل أول .. يوم إني عشر سنين وسبع وشوية أكثر ..تسبقني أحلامي .. ويرسمني إحساسي .. بدر امتجلّي في السما.. يرعاه فارس عن عرف الرذايل سما .. ومن عقله الموزون يمتلي هالكون فيّ ..:قلب: