شنــو يضايقكــــ

[خـالـد الحجرف]

تضايقني البيوت الي عندهم بنات اعمارهم 13 او 14 سنه ويطلعون بالشارع لا حجاب ولا عبايه راس !!​

 

[خـالـد الحجرف]

يضايقني اللي يروح لاماكن رسميه ودشداشته وغترته معفسات​

 

[jassem]

يضايقنى كلمه هذا حضرى وله هذا شيعى وله هذا بدوى .. وله هذا من اهل السور وله داخل السور .. ووله هذا اصيل وله مو اصيل ..

 

[jassem]

يضايقنى مزاجيه بعض الموظفين الحكومين ومعاملتهم اليابسه للعملاء ..كأنك ياى تطلب ورث ابوه .​

 

[Desert Eagle]

يضايقني لا جاني رجال يلزم على العشا

رايح الرياض ما بقى احد ما لزم علي بقعد ٥ ايام لكن شكلي بقعد شهر عشان احضر عشا كل واحد فيهم

رايح الرياض استانس خلو السالفه رسميات !!

 

[خـالـد الحجرف]

يضايقوني ويضحكوني الشباب الحيــــن بالأسطبل
لأن البقاله جايبين هندي جديد يوصل طلبات ..
والهندي ماشاءالله لحيته لـ بطنه ودشداشته قصيره وطاقيه مثل حقه سعيدان الي معا طاش ماطاش
الوكاد انه كل مايدش علينا يعلقون عليه الشباب :
الي يقول عندك ماي زمزم ؟
والي يقول مبروك فوز مرسي
واكثر واحد ضحكني الي قال : هذا يوصل طلبات ولا يقرآ علينا :باكي:
والله وانا اقولهم عيييييييب أضحححححك ​

 

[رُبـّـمــا]

يضايقني شعري صاير كثيف حيل وانا مافيني قلب على المشط
​

 

[رُبـّـمــا]

يضايقني فلوس الاعمال الممتازة للحين ما نزلت


أخاف هوّنوا ​

 

[رُبـّـمــا]

يضايقني منظر راعي البرّد بهالحر

عسى ربي يرزقه ويعيش متهني​

 

[رُبـّـمــا]

يضايقني غياب الحُب نسج الورود عن الشبكة :قلب:

بس معاي بتويتر هانت :وردة:​

 

[رُبـّـمــا]

يضايقني مذابح الناس على المناصب والكراسي​

 

[خولة]

يضايقني صمتي وعدم دفاعي عن نفسي . ​

 

[خولة]

يضايقني غياب البعض الطويل عن الشبكة .​

 

[الجمآن]

يضايقني تهاون الكثير من البنات بوضع صورهن بتويتر وانستغرام وكأن التكنولوجيا ليست لها عيون

 

[خجـل]

يضايقنى الظلم اكرهه ...​

 

[خجـل]

يضايقنى انى احيانا اجامل على حساب نفسي والمشكله مافيه تقدير ​

 

[خجـل]

تضايقنى خيبه الامل اللي تصيبنى بعد كل دفعه تعيين :باكي:

الله كريم ..​

 

[Desert Eagle]

يضايقني الواحد لا عطيته هديه ثاني يوم القاه جايبلي هديه


ياخي لا عطيتك هديه مو معناه اني ابي منك شي

الله يعيني عليك

 

[شجون الكويت]

يضايقني جدا غياب حبيبتي كاندلا ورفيف وسوزان العسل

 

[خـالـد الحجرف]

لأول مره بقول شي يضايقني ( صحيح ) دايما اقول اشياء يغلب عليها الطابع الكوميدي ..
يضايقني الرجال الي { يتعمد } يعرض نفسه للاهانه من البنات .. والغريب انه يتقبلها برحابه صدر وماخذ الموضوع من مبدأ { معرفه بعد اهانه } ..
وتضايقني وتفقع مرارتي البنت اللي ( يقذف } شرفها وعرضها { أشكره } وتتقبل الموضوع وكان احد قايلها يا حيوانه !!!
وان شاءالله هذآ آخر رد { جدي ) بالموضوع هذآآ


الانسان لالحمه يوكل ولا جلده يلبس رآس ماله كرامته​