سؤال وجواب شنو افضل التواير

[عزيز وغالي]

شباب بركب تواير جدد عندي جيب هونداي رنق 16
شنو افضل وانسب سعر
الحاله الماديه نص نص

وشكرا لكم

 

[بدر الروقي]

كومهو وتويو هنكوك أسعارهم معقولة

 

[meshal]

اتصور الأنسب جودير .. بحدود 28 دينار في معرض الميلم الجديد نهاية شارع كندادراي .

ميشلان بريلي برجستون ...
اسعارهم ارتفعت في هالسنتين طلعهم من الحسبه .

 

[Q8 1]

عندك بريدجستون عندهم اطارات نوع Run Flat هدوء تام وحتى لو تبنشر
تقدر تمشى عليها بحدود 300 كم اهو مصنوع خصيصا لجيبات bmw
بس فيه غلا شويه ركبتهم بسعر 1080د نفس النوعيه الى عليها قبل طولو 6 سنوات
والنقشه ما تأثرت كثير واذا اخذ مسمار ولا برغى يقعد كل شهرين يعطيك تحذير بنزول هوا خفيف​

بس عيبه محد يقدر يفكه عن الرنق الا جم محل بشويخ 3 فنيين وبساعه كامله فك وتركيب ورقعه داخليه المانيه​

اطار حديد وبلقمة :إستحسان:
حتى لو سعره غالى ما اظن انه اغلى من ثمن حياتك وثق بإذن الله بيدوم معاك عمر

موقعم تقدر تشوف فيه الحجم المناسب لسيارتك
http://www.bridgestone.com/products/passenger_tires/index.html

 

[عزيز وغالي]

اتصور الأنسب جودير .. بحدود 28 دينار في معرض الميلم الجديد نهاية شارع كندادراي .

ميشلان بريلي برجستون ...
اسعارهم ارتفعت في هالسنتين طلعهم من الحسبه .

اخوي انت متاكد ان سعره 28 دينار
ومتي خبرك فيه

 

[عزيز وغالي]

مشكووووووووووورين

 

[لوووح!]

بالنسبة للكفرات(التواير)
مهما كانت حالتك الماديه(نص و نص)
أنصحك تركــّـب تواير عليها الكلام حتى لو تتسلــّـف
لأن أهم شي بالسياره هو الدولاب أو الإطار أو الكفرات أو التواير..
و السلامه هي مطلبك كما هو مطلب الجميع..
لذلك أنا أؤيــد من سبقني مشكوراً بإختياره تواير(قودير)الألمانيه:إستحسان:
رساوه_متانه_مواصفات عاليه..
و فعلاً سعر الإطار الواحد تقريباً(32 دينار)
يعني راح تكلفك(128)دينار
و ترى السعر يختلف حسب جنط السياره سواء(15_16_17_18) و هكذا..
و بعدها في الدرجه الثانيه ميشلان..
و ميشلان أرخص من قودير بحاجه بسيطه لا تتجاوز دينار و نصف في الإطار الواحد تقريباً..
لكن قودير لو ماهي بكفرات مضبوطه..
ماكان حطتها الوكاله في سياراتها البي ام دبليو و المرسيدس..
و لولا إختلاف الأذواق لبارت الســِـلــَـع..
و إنت و مزاجك ​

 

[عزيز وغالي]

بالنسبة للكفرات(التواير)
مهما كانت حالتك الماديه(نص و نص)
أنصحك تركــّـب تواير عليها الكلام حتى لو تتسلــّـف
لأن أهم شي بالسياره هو الدولاب أو الإطار أو الكفرات أو التواير..
و السلامه هي مطلبك كما هو مطلب الجميع..
لذلك أنا أؤيــد من سبقني مشكوراً بإختياره تواير(قودير)الألمانيه:إستحسان:
رساوه_متانه_مواصفات عاليه..
و فعلاً سعر الإطار الواحد تقريباً(32 دينار)
يعني راح تكلفك(128)دينار
و ترى السعر يختلف حسب جنط السياره سواء(15_16_17_18) و هكذا..
و بعدها في الدرجه الثانيه ميشلان..
و ميشلان أرخص من قودير بحاجه بسيطه لا تتجاوز دينار و نصف في الإطار الواحد تقريباً..
لكن قودير لو ماهي بكفرات مضبوطه..
ماكان حطتها الوكاله في سياراتها البي ام دبليو و المرسيدس..
و لولا إختلاف الأذواق لبارت الســِـلــَـع..
و إنت و مزاجك ​

اخوي الكريم مقاس الرنق عندي 16
وصعب يكون سعرها 32
وانا مستعد لو ب 40 بشتريهم

 

[Desert Eagle]

بريللي البرازيليه .. مركبها على فورد

هي مثل تواير الوكاله سعرها ٤٠

ما عليها كلام وانا الصراحه استعمالي اقشر

 

[عبدالباري]

منو يقول القوديير بثلاثين ؟؟؟


القوديير الواحد بحدود ستين دينار



التاير الصيني يمكن تحصله بعشرين بس يمكن يبنشر اول ماتطلع من المحل




​

 

[(ابو عبدالرحمن)]

كومهو الكوري
جربناه بديرة وسفر
ممتاااااز

 

[عزيز وغالي]

والله ارتفعت اسعار التواير بشكل عجيب خلال سنتين

 

[لوووح!]

اخوي الكريم مقاس الرنق عندي 16
وصعب يكون سعرها 32
وانا مستعد لو ب 40 بشتريهم

إخوي عزيز و غالي..
أنا بينت لك الأسعار عندنا في السعوديه و قمت بتحويلها للعمله الكويتيه..
و قد يكون عدم قولي لك بأني سعودي..هو ماجعل هنالك إلتباس..
ربــّـما أسعارها في الكويت أغلى من السعوديه..
لكن بجميع المحلات بالرياض سعرها يتراوح مابين 450ريال إلى 520ريال..
450ريال=32ديـنــار
و نظراً لحرارة الطقس غالباً طوال السنه في المملكه..
فهي المناسبه لسيارتي و سيارتك..
و هذا تقرير لأحد الأشخاص ممن قاموا بتركيب كفرات قودير:​

اليوم جايب لكم تقرير عن كفرات قوديير الالمانية​

GOODYEAR​

​

نوعية :
Efficient Grip​

حيث قمت بتركيب طقم اربعة كفرات لسيارتي الاكورد V6
وبعد التجربة لعدة شهور ومشي لمدة 10 الاف كيلو
في عدة ظروف منها الخطوط الطويلة والمطر والجو الحار والشمس وعيون القط والمنعطفات
تبين من خلال التجربة مدى جودة هذه الكفرات بالمقارنة بالسعر الجيد حيث يبلغ سعر الواحد عند شراءه من الوكيل راشد عبدالرحمن الراشد بـ 525 ريال للكفر الواحد و2100 ريال لأربعة كفرات​

اضف إلى الضمان المفتوح والسرعات المفتوحة للكفر
حيث تبين كالتالي :​

1/ ثبات في الخطوط الطويلة
2/ ثبات في المنعطفات​

3/ السرعات مفتوحة على حسب سرعتك​

4/ متماشي مع اجوائـنا الحارة
5/ مناسب لجميع فصول السنة
6/ ناعم مع عيون القط
7/ يتحمل حك الرصيف من جانب الكفر بخلاف الانواع الاخرى حيث جربت ذلك
8/ ليس قاسي او متحجر
9/ بالنسبة للمطر لم اجربه إلى مرتين او ثلاث تقريبا وماشاء الله لم اشعر بإنزلاق للسيارة
10/ لم اوزن هواء الكفر سوى مرتين خلال عشرة الاف كيلومن المشي ماشاء الله
بالنسبة للعيوب لم تظهر حتى اعداد هذا التقرير​

 

[meshal]

اخوي انت متاكد ان سعره 28 دينار
ومتي خبرك فيه

قبل شهر ونص تقريبا .
الميلم ( معرض جديد ) اللي قبل ماكدونالدز بشارع كانددراي .

 

[عبدالله .]

ياجماعة مبين البعض من زمان مو شايف اسعار السوق
الاسعار نارررررررر
هانكوك مثلاً على 50 دينار
انا ركبت قبل فترة فالكون على 50 دينار للتاير ورنق 16 بعد

دانلوب مثلاً كان ب 54 دينار

الاسعار صارت حيل غالية وارتفعت بشكل كبير للتواير بآخر سنتين​

 

[عبدالباري]

ياجماعة مبين البعض من زمان مو شايف اسعار السوق

الاسعار نارررررررر
هانكوك مثلاً على 50 دينار
انا ركبت قبل فترة فالكون على 50 دينار للتاير ورنق 16 بعد​

دانلوب مثلاً كان ب 54 دينار ​

الاسعار صارت حيل غالية وارتفعت بشكل كبير للتواير بآخر سنتين​

معناته لازم نشتري توايرنا من السعوديه



منها تغيير جو ومنها شراء تواير جيده بسعر معقول



وخل التجار الحراميه ياكلون هوا هني


قالوا شفرعنك يافرعون قال ما لقيت احد يردني



​

 

[(ابو عبدالرحمن)]

اشرايكم تواير دانلوب ؟ وشنو التواير الزينة ؟

السلام عليكم
عندي سوبربان واكثر الوقت واقف ومشاويري قليلة واروح السعودية مرتين او ثلاث بالسنة!
ابي اركب تواير جدد وابي نوع زين
التواير الغالية معروفة بس انا يهمني السعر والجودة معا

دانلوب مسوي عرض! اشرايكم فيه؟

مشكورين ،،،

 

[B03bdla]

جربتهم كلهم تقريبا

افضل شي شفته ( التويو ) ممتاز ورخيص

الحمد لله للحين ماشفت فيه عيب واااحد​

 

[ضايع في وطني]

ميشلان ويوكاهما اسعارهم بحدود 40 -45 دينار

 

[الديفي]

ركبو اي ماركه الا دنلوب شفت الويل من هالماركه.. التاير ما يطوف عليه سنه الا يا متسحك يا مبنشر او طالعله صعروره!

نصحني قريبي ان اركب يوكوهاما وركبت امامي فقط

افكر اروح الخـُـبــر اركب تواير هناك بس هل السعر يفرق؟