حبيت غيري

[_المطيري_]

حبيت غيري لجل أنا اموت مقهور..

حبيت غيرك لجل أردّ إعتباري..


وحده بوحده ياأرْيش العين معذور ..

والبادي أظلم لاتهلّ العذاري..


توّك شكيت الصد والهجر والجور..

توّك تعذّب من لواهيب ناري..


حبيت من خدّه يشعشع كما النور..
مجّفاه لوْ تجْفى يميني يساري..


الجادل اللّي كنّه الدرْ منثور..

داوى جروح الحزن قبل إنتحاري..


وأنا أحمد الله داله اليوم مسرور..

وأبشّرك جرحي من العام باري..


ماهوب أنا اللّي يقبل الذلّ مغدور..

حاولت تجرحني وأنا أخذت ثاري...




وسلامتكم

 

[جمـوح الخيل]

قصيده رائعه وأليمه فيه من الانتقام الكثير
لكن قد يكون الانسان مجبر على ترك ما يهواه
للإعتبارات كثيره أولها خوفه من الله ربما يكون
مابين شد وجذب بين هوى النفس والخوف من بارئها
لكن أنا متأكده أن الاصيل أو الاصيله لا يخون حتى لو كان بالخواطر،،،/

لكن سؤال إلى الاخ المطيري شمعنى العذاري هل تقصد الاعذار؟؟!!!

صح لسانك وتسلم يمينك،،/​

 

[خولة]

لكن سؤال إلى الاخ المطيري شمعنى العذاري هل تقصد الاعذار؟؟!!!​

أعتقد هذا يا جموح ..هو يقصد الأعذار .. وفعلا هي قصيدة جميلة .​

 

[المختصر]

صح لسانك ولا هنت يالمطيري على هذي القصيدة الرائعة والمعبرة :وردة:
واسمح لي أهديك وأهدي القراء الكرام هالقصيدة:

رجـعـت لي بعد صدك عـني مغـدور؟
ياما وياما انتظرتك وطال انتـظاري

وأقول علامه صاحبي كأنه مسحور
وأذكر أيام لنا حلوة وتزيد الطواري

لاجيت أدور لك عذر ما ألـقـاك مـعـذور
تصد بلـيا أسـباب وزدت بالحـشا نـاري

لـيش يا زيـن هالظـلم والغدر والجـور
نسيت إني مغليك وإلا أنت تغلى وداري

يا ضافي الخصلة ولو كنت من الحـور
صرت أتضايق إذا حد جـاب لك طـاري

أبادلك الصد بهجر ولو كنت فيك مجبور
يا أدعج العـين دمـوعك ما تطـفي ناري

وسلامتكم :وردة:

 

[ابو هـــادي]

شمعنى العذاري هل تقصد الاعذار؟؟!!!

​

العذاري اتوقع يعني الدموع


قصيدة رائعة فعلا

تشكر ع القصيدة الجميلة ولاهنت
لكــــــــــــــ :وردة:
دمت


​

 

[_المطيري_]

قصيده رائعه وأليمه فيه من الانتقام الكثير
لكن قد يكون الانسان مجبر على ترك ما يهواه
للإعتبارات كثيره أولها خوفه من الله ربما يكون
مابين شد وجذب بين هوى النفس والخوف من بارئها
لكن أنا متأكده أن الاصيل أو الاصيله لا يخون حتى لو كان بالخواطر،،،/​

لكن سؤال إلى الاخ المطيري شمعنى العذاري هل تقصد الاعذار؟؟!!!​

صح لسانك وتسلم يمينك،،/​

هلا اختي والبيت فيه خطأ مطبعي

والصحيح والبادي اظلم لاتهل العباري

مشكوره على التبيه والمرور المميز والقصيده مو لي لخالي :وردة:

 

[_المطيري_]

أعتقد هذا يا جموح ..هو يقصد الأعذار .. وفعلا هي قصيدة جميلة .​

ما حزرتي العباري

مشكوره اختي خوله والجميل مرورك وحسك الراقي :وردة:

 

[_المطيري_]

صح لسانك ولا هنت يالمطيري على هذي القصيدة الرائعة والمعبرة :وردة:
واسمح لي أهديك وأهدي القراء الكرام هالقصيدة:

رجـعـت لي بعد صدك عـني مغـدور؟
ياما وياما انتظرتك وطال انتـظاري

وأقول علامه صاحبي كأنه مسحور
وأذكر أيام لنا حلوة وتزيد الطواري

لاجيت أدور لك عذر ما ألـقـاك مـعـذور
تصد بلـيا أسـباب وزدت بالحـشا نـاري

لـيش يا زيـن هالظـلم والغدر والجـور
نسيت إني مغليك وإلا أنت تغلى وداري

يا ضافي الخصلة ولو كنت من الحـور
صرت أتضايق إذا حد جـاب لك طـاري

أبادلك الصد بهجر ولو كنت فيك مجبور
يا أدعج العـين دمـوعك ما تطـفي ناري

وسلامتكم :وردة:

استر عليه يا سلام

فيك احساس شعري والله وابيات حلوه صح لسان اخوي المختصر كلك ذوق :وردة:

 

[_المطيري_]

العذاري اتوقع يعني الدموع ​

قصيدة رائعة فعلا​

تشكر ع القصيدة الجميلة ولاهنت
لكــــــــــــــ :وردة:
دمت​

العباري مو العذاري وصح تعني الدموع والجميل مرورك يالغالي :وردة:

 

[ابو هـــادي]

بعد جبدي بندول
ضبط الوضع ومسح الفضايح

تسلم يا ولد حمران النواظر ع الابيات الجميلة
لكـــــــــــــــــــــــــــــــــــــــــــــــــــــــــــ :وردة:
دمت
​