على هونك على هونك يا الغالي .. ولا تعطونا شعارات ثوريه لا تحمسكم على الفاضي لأن عبيد بـ 3 شهور اثبت انه فقاعه صابون .. عكس الطريجي الي بـ 3 شهور نافس البراك بحب الشعب له .. :إستحسان: .. لأني احس انتو بقلوبكم تدرون ان عبيد غلطان بـس صاملين معه ..بموضوع ثاني بالقسم هذا في خبر عن استجواب عبيد الغريب بالموضوع ردود بعض الاخوان ..
عبيد الوسمي لعده اسباب.. الشعب الكويتي تأملو فيه خير .. وبوقت الشده { الإنتخابات} البعيد قبل القريب وقفو معا عبيد .. والدليل الرقم { الفلكي} الي جآبه .. وبعدها بيومين قال تصريحه الشهير ابو 48 ساعه ... <-- والكل وانا منهم قلت هذا مسلم البراك الجديد ..!!!
بعدها انقلبت مواقفه 180 درجه .. والاخ صاحب الموضوع ذكر مواقف عبيد { الضبابيه } واحب اضيف عليه انه بطريقه غير مباشره { تكلم على الاذان } بعدها وضح انه مايقصد الاسائه لكن وش الحكمه ان تضرب مثل بالاذان..!!
وبعدها تكلم على قوات درع الجزيره وعلى ال خليفه برآي عبيد { ان شيعه البحرين يتعرضون لضلم .. واخطأ الملك عبدالله يوم دخل الدرع للبحرين }
وبعدها زيارته لـ ابتهال الخطيب بالمستشفى { محد راح لها من الاعضاء الا الشيعه + الفضل والجويهل والوسمــــــــــي } ..!!!
وآآآخرموقف ضبابي يوم الهاجري حرق العلم الايراني تكلم عبيد قبل نهايه الندوه ومعنى كلامه انك يا الهاجري غلطان ..!!! <-- نبه الحكومه عليه { زلغه }
وجه نضري ان { الوسمي كان يبي يسوي كل شي لكــن ماسوآ شــي }
وبخصوص الي صار امس.. قمه الغرابه والضبابيه { اللي تعودنا عليهامنه }ضد الاغلبيه .. !!!
اتركونا من تطبيل المنتديات وابي اتكلم بكلام منطقي .. الحين بكل دوانيه ومجلس نشوف الرجال اطباعهم مختلفه.. في الي اذا شافك محتاج يفز فيك ..وفيه الي تطلبه ويردك ..و { اقلهم قدر عندي } الي يشوفك محتاج وينطرك تطلبه وبعدها على مزاجه يوقف معك ولا لأ ..
و الله اعلم عبيد من الفئه الثالثه .. كلام مسلم البراك واضح الاغلبيه مجتمعين الاسبوع الي فات 5 مرات { وكانت ذروه الاستجواب} والكل اتفق على البراك والطاحوس والعنجري..
اليوم فيصل اليحي بينجن يقول الاسبوع الي فات تقريبا كله كنا نتجمع من من الساعه 8 الصبح لـ 9 باليل واحنا { نطبخها} وفجأه يخرب كل الي سويناه ..!!!
الي زعل عبيد يقول ليه محد قالي وانا برآ الكويت ..؟؟ طيب طيب يا عبيد اذا انت ذيب ترآآ الرجال ذيابه.. انت سافرت متعمد عشان يدق عليك مسلم { ويستاذنك} :إستنكار:بالاستجواب بس ابو حمود راضع سياسه ومرجله { سهجك} لانه يدري بنيتك..!! نسينا يوم الخرينج وهويعالج امه الله يرحمها في لندن اتصل وقال { والله ودي اكون معكم بس عذري سمين } <-- وهو بلندن من نفسه اتصل واعتذر ..
طيب اكسب احترام الشارع وقول { يا الاغلبيه انتو { كسرتو فيني وانا بصير معاكم مو حب فيكم .. بصير معاكم لمصلحه الكويت } صعبه تقول كذاا ..!!
تلكك عبيد يذكرني بـ سوالف سعدون حماد في بدايته يوم يقول على استجواب ام الهيمان انه مسأله شخصيه بين الطاحوس ورئيس الوزرآآء ..!! ولا يهون ابو فتو ه العدوآآآ ..
الي فيه خير للبلد يبين من اولها .. مثل الطريجي ..!! هذا بـ 3 شهور سحرنا وهبلنا بـ انجازاته .. الحين يشهد ربي علي ان شايبي يعز الطريجي مثل غلا مسلم البراك { ابوي مايحب الا البراك والمسلم بالمجلس والحين الطريجي معاهم }
وبخصوص الاسطوانه الي نسمعها ان عبيد هو الي { يسنعهم } بالاستجوابات .. أولا اذا كان الكلام صحيح فـ محاورالاستجواب نعرفها من ايام خليفه الجري { اعتقد قبل يولد عبيد }
و كل شخص يقوم بعمله اذا عبيد { فنان} بالمحاور خلك على المحاور ..!!!
وثالثا والاهم يآآخي مصلحه الكويت فوق كرامتك وكرامه الاغلبيه وكرامه اكبر شنب .. يعني تخرب علينا استجواب الشمالي اللي كل الشعب يطالب باعدامه { سياسيا} عشان محد اتصل عليك ..!!
يآآآخي خذها وهي سمينه مثل محمد هايف { قدم محور المواشي وكان مصر عليه..لكن الاغلبيه شافو ان في اللي اهم منه .مازعل ولا قال ليييه على طول قال ..فدآآ } ..!!!
وابو يابس انا ماحب كلامه لكن احترمته امس يوم قال { يا عبيد مسلم البراك قصه لن تفهمها } و طبعا ضد ابو يابس يوم قال عن الوسمي{ جاهل} ..
{وبخصوص الي يقول الوسمي حـــر والباقي دجاج وكلام للأمانه يدل على تفاهه الي قاله }
اولا ذكرني باسلوب الجويهل لانه الاسلوب هذا { خسيس} مايستخدمه الا العاجز.. من مبدأ فرق تسد .. وثانيا .. اذا بتحسبها على دجاج وحباري وضباع .. أجل عرآآآب المعآآرضــه احمد السعدون هو الاسد والباقي حيوانات مكمله <-- على وزن تفكيرهم
وثالثا اقول للي يقول كذآآ لا تطير بالعجه واتعنصر على روسنا.. البلد على كف عفريت وانت تدق هرن والشارع فاضي ..!!!
يوم شفنا الصحيح ... العجمي يسب العدوة والعتيبي يسب سعدون والعازمي يسب مخلد والعنزي يسب عسكر ....الخ وكلنآآآآآآ بلآآ استثنآآآء رفعنا العقال لـ {{{{{{{ الشيعي }}}}}}}
حسن جوهــر لأنه اثبت ولائه للكويت فوق كل شي ...!!!! :إستحسان:
والغريب ان بعض الاخوان يقولون مو شرط معاهم حق<-- يقصدون مسلم والحربش والمسلم والطاحوس والصواغ وهايف والطبطبائي و ....الخ
ويمكن عبيد معاه الحق ..!!!
يعني فطاحله المعارضه والرجال الي طيبو شواربهم بالافعال على غلط وعبيد هو الصح ..!!!
انا ما استصغر عبيد .. لكن الحسبه صعبه او مستحيله ..!!!
الحين بالعقل والمنطق ... مسلم البراك الي {{{ بعضهم}}} هايط يقول هذا حاله كل 3000 سنه يجي شخص نفسه صار مو ثقه ويغآآآر من ابتدائي سياسه ..!!!
الحين مسلم البراك الي شهدو له حتى صحف امريكا والهند واستراليا صآآآر مو زين ..!!!
مو بس الكويتي .. ولله سايق تكسي بمصر يسولف معي يقول مسلم البراك رااقل عن 100 راقل ويجي واحد يقولي مسلم خايف من عبيد بالله هذا منطق..!!!
ولله وجآ اليوم الي ابو حمود صار مو ثقه { لاحضو خصيت مسلم ماقلت احد من الاغلبيه لانه بوجه نضري الشخصيه اطلق عضو بتاريخ الخليج العربي مو بس الكويت } .. :إستحسان:
بالاخير انا ما احجر على احد رآيه لكن حدث العاقل بما يعقل... او بعكس المثل وبقول حدث العاقل بما لايعقل فان صدقك فلاعقل له ...
يكفي رد مسلم على مذيع الراي يوم قال له المقدم انت تتعمد تصرح تصاريح ناريه عشان يصفقون لك الحاضرين .. !! قاله مسلم وهو يخزه بنضره المستغرب وقاله : انا مو محتاج من احد يصفقلي .. لو قبل 20 سنه صح يمكن كنت ابيها لكن الحين لآآآآآآآآ ..!!!
مسلم البراك وصل مرحله قالو ان قطر راشينه بـ 100 مليون
{{ لاحضو المبلغ الي حاطينه كم !!! لانهم يدرون ان مسلم يبي له ميزانيه دوله عشان تشتريه }} <-- لله درك يا ابوحمود اتعبت من بعدك ..
وبالاخير اتمنا من عبيد يرجع لصوابه قبل فوات الاوان لانه حاليا يستنزف من رصيده وللأمانه صآر نيشان الشعب انه قنبله صوتيه فقط ولاقدر لله اذا استمر على وضعه ..اتوقع المجلس الجاي مايجيب 800 صوت ..!!!
.. في الليله الضلماء يفتقد ابو رميه :وردة:
وبالاخير السموحه من الجميع على الاطاله لكن يشهد علي ربي ماقلت الكلام هذا الا من حره قلبي على الكويت واوضاعها ..
والله يوفق الجميع
يقول هذا كلام ؟؟؟ ياهلا ومرحبا فيك اخوي متعقد من الحكومه وزميلنا الملعبي ..
متأكد انك راح تتفق معاي ان المنتدى او الدواوين او الدوام ...الخ صعب أو مستحيل احد يقتنع بوجة النضر الاخرى .. يعني انا اقول شي وانت تقول شي مخالف عنه .. صدقني مو بسهوله احد يقتنع لكن كل شخص يدلي بدلوه والحكم النهائي { للوقت يبين من الصح فينا } وراي المتابعين { طبعا مو من مبدأ احد يقتبس مشاركتي ويقول انت صح او يقتبس مشاركتك ويقول انت صح الفايده الاهم بالقلــب } .. بالبدايه ابي ارد على بعض النقاط الي ذكرها الزميل الملعبي
=-=-=-=-=-=-==-=-=-=
بدايه القصيده كفر ..!!!
اول جمله مو صحيحه .. <--- وشوي بتعرف ليه ماهي صحيحه
واستغرب من وجه نضر الملعبي يقول :
{ الأغلبية بما فيهم مسلم والعنجري والطاحوس .. يعلمون ان عبيد متمكن وملمبما قدّم .. فهو بالتالي لا يحتاج اجتماعات واتفاقات مجرّد ان يأتي يومالإستجواب سوف يكون عبيد مستعد }
المسأله مو تسخين ولعب مباراه ..!!!
يعني عبيد متمكن وملم والباقي { كدش } مثلا ..!!
و من أدب الحوار حضور اي عضو لاي اجتماع ويتبادلون الفكر والمعلومات .. اذا على كذآآ ليه يتجمعون كل واحد يرسل رساله يقول انا معاكم وموافق ..!!!
الاغلبيه يديرون { مستقبل } بلد لازم الكل يجتمع مو يسافر و{ يلهي نفسه بنفسه } لـ مجرد اثبات موقف..!!
وبذكر نقطه بخصوص ان عبيد ياخذ راحته ويسافر ويغير جو ويعيش حياته طبيعي لأنه ملم ومتمكن..!! ..فيصل اليحيى يقول الاسبوع الي فات ينام باليوم 7 ساعات و17 ساعه بالاجتماعات ..!!! يعني من الضلم نقارنهم معا بعض صح ..!!!
والاخ الملعبي طلب من الاغلبيه { يعطون عبيد فرصه بالاستجواب } ..!!!
ياخوي العزيز المسأله مو { من صادها عشا عياله }
عبيد مايحضر الاجتماع طبيعي ماراح يردون عليه لانه ما احترم الاغلبيه....وماعتقد بتقوم القيامه اذا مادخلو عبيد معاهم ..!!!
وذكر الاخ الملعبي {ان عبيد رجع من السفر ورأى انهم أخلوا باتفاقهم معه ..فقدّم استجاوبه منفردا .. }
بعطيك فرضيه { مسلسل} وبمشي على كلامك انهم خذلوه .. طيب يقدر عبيد { يمسح فيهم الارض } اذا قال للشارع الكويتي ان الاغلبيه { نكبوني} وبصوت معاهم ليس حبا فيهم بـالعكس بصوت معاهم لمصلحه الكويت والشعب <-- ونكمل المسلسل ونقول عبيد جاب الدليل انهم نكبوه.. اتوقع بينسف تآريخ الاغلبيه وعلى رؤسهم كبيرهم وملكهم مسلم البراك ..!!!
والواقع لا نكبوه ولا شي.. انت وانا وأغلب الشعب ندري ان عبيد يغار من مسلم
ومسلم البراك حط النقاط على الحروف ..والغريب ان عبيد { ماكذب} تصريحات مسلم ..!!
ومسلم قال بالحرف الواحد :
الطاحوس والعنجري والبراك عرضو المحاور على الاغلبيه في ديوان الشايع{ عبيد موجود معاهم} وسألوهم احد عنده اضافه ؟ في احد عنده راي ؟ الكل قال الله يوفقكم وعلى بركه الله ..وبعدها بيومين بديوان الوعلان البراك شكل لجنه لتنسيق محاورالاستجواب ..ويوم خلصو وسكرو الملف .. فجأه عبيد قال عندي اضافه ..!! مسلم قال مافي مشكله ..
وبعد السالفه هذي اجتمعو4 مرات لمناقشه المحاور { وعبيد ماحضر } ولا اجتماع آخرهم الي في ديوان الطاحوس ..!!
ان شاءالله تبون مسلم البراك يقط عقاله لـ عبيد ويقول تكفه وش اضافتك
بدون مقدمات عبيد سافر للاردن .. ويوم رجع { سنفر} وقدم لعلام الكندري الاستجواب والمضحك بالموضوع عبيد قايل لـ علأم : روح لمسلم وقوله اذا يبيني اسحب الاستجواب خله يدخلني بمكان اي احد فيهم ..!!!! حتى مسلم وهو يقول اللي صار متفشل
بالله هذآآآ منطق دكتور وفاهم <-- سمعنا عن شهايد عبيد لكن الي نشوفه افعاله مايسويها عضو جمعيه ..!!!
في ديوان الوعلان قلت عندك اضافه وبعدها سافرت وماحضرت 4 اجتماعات يعني من الأدب يبلغ الاغلبيه بسفرته عشان يحسبون حسابه ..!!!! لكنه مارد على احد ..
والاخ الملعبي ذكر { وهل الطاحوس مع احترامي له أقوى طرحاونهجا من عبيد .. ؟!!
اذا على الشهايد احب اقوله{ بيت الذيب مايخلا من العضام } وهذي شهايد الطاحوس
1 : رئيس الاتحاد الوطني لعمال وموظفي ـ الكويت
2 : رئيس نقابة العاملين بالهيئة العامة للصناعة .
3 : مهندس مشاريع بالهيئة العامة للصناعة .
4: خريج جامعة نيويورك تخصص هندسة الميكانيكية
5: عضو جمعية الصحفيين الكويتية .
6: عضو جمعية الدفاع عن المال العام .
7: كاتب صحفي بجريدة القبس .
8: حاصل على ( 43 ) دورة فنية وإدارية ونقابية وفي مجالات مختلفة .
9: رئيس اتحاد الطلبة العرب في بنسلفانيا ( ganane )( سابقاً ) .
10: نائب رئيس الاتحاد الوطني لطلبة الكويت ـ فرع الولايات المتحدة الأمريكية ، رئيس اللجنة الإعلامية ورئيس تحرير مجلة الاتحاد ( سابقاً ) .
11: مدير تحرير مجلة السفارة التابعة للمكتب الثقافي بواشنطن دى سي ( سابقاً )
لكن تقيم الرجل بمواقفه وافعاله .. يعني لو عبيد اينشتاين زمانه صدقني ماينفع عضو بلدي دام { حاط مسلم براسه }
بالنهايه يا اخوي متعقد من الحكومه بما انك اقتبست رد الزميل الملعبي اتمنا تبلغه يرد . لان مو حلوه بحقي ولا بحقك { افند} كلام شخص وهو مايدري.. أو انت تكفي وتوفي ترد بداله ..للعلم ماعندي مشكله كل واحد فيكم يرد لاني من فضل لله اخلص حبر الشات {وبثقه} على الموضوع هذا لأن عبيد انضبط بالجرم المشهود
والسموحه على الاطاله ..