جمعان الحربش ماهكذا تورد الابل

[ملك القروض]

دام جذي ليش بعد ما يتم تطبيق قانون فرض عدم إرتداء النقاب و البرقع و العباة !!

هم بعد في الوزارات تشوف الوحده لابسه عباة مخصره و تكاسر معاك بعيونها خز فيك و تارستها كحل و حافه الحواجب حف !!

هذا غير المحجبات إللي يحطون أطنان من المكياج على ويوهم لو تقارنها بوحده سفور ما تقايش معاها !!

الشي ان زاد عن حده ينقلب ضده المشكله مو بسفور و لا بالحجاب و العباة ..

لكن الحلاة يكون لبس رسمي يناسب الدوام سواء كن سفور او لابسين عباة و نقاب ..

مثلاً في البنوك من شروط الملابس للموظفة إنها ما تحط مكياج صارخ و لا تلبس سلاسل ذهب و إكسسوارات وايده ..

لو تلاحظ موظفات البنوك سواء السفور او المحجبات أهون بوايد من الوزارات بالملابس و بالمكياج لأن بالأخير الشكل الراقي للموظفة مهم جداً للبنوك ..

و هذا ينطبق كذلك على الموظفين من حيث لبس الدشداشة او البدلة حتى الشعر و الشوارب لازم تكون مرتبة و مشروط عليهم لبس الحذاء او الصندل و يمنعون من لبس النعل كرم القارئ عكس موظفين الوزارات ..

تحياتي .. :وردة:​

بالفعل ولو إنا نعرف إنتقادك غير صادق ولكنه إنتقاد حقيقي لو تم أخذه بمحمل الجد وياليت البنات يستحون وعيب سواء حجاب او نقاب او سفور...الوحده جنها طالعه اتغازل وإتكسر لي مشت سواء عباة مخصرة أو تنورة مخصرة او جنز ماصخ فاصخ الحيا لاحيا ولامستحى وفوق هذا مكياج ..عفواً هذا وجه أو ماكنتوش !!..عسى ماشر رايحه عرس او ديسكو ...او عقدة نقص مثلاً ..ترى حنا بالكويت ديرة خير وعادات ومجتمع محافظ موفارط ..اصحوا يماما! ..لذا نصيحة للبنات الهلاقة والمصاخة تركوها عنكم ورمضان جاي خلاص بس لوعتوا جبودنا بالديكورات الفاضية...نبي شغل عمل تنمية موكل وحده تداوم بنفسيه والمراجع جنه يطر منها اشتغلوا بسكم رباده وتفاهة ....طبعا مع عدم التعميم ..!!؟ فهناك بنات اخوات فاضلات نبراس وفخر للوطن يعملن بإخلاص وإحتشام يجعل إحترامك لهن فرضٌ وواجب.. فبأمثالهن تستقيم وتفخر الأجيال وتزدهر وتُبنى الأوطان...وعماااار يااااوطن 

 

[ابو فرحان40]

تركتوا موضوع القيادي واستلمتوا البنات صج شعب مكاري وينطبق عليكم مثل

خلو الحمار وضربوا البردعه

 

[خـالد]

بو فرحان ، مشكلة هالمنتدى انه يتحور الموضوع عشان الواحد يسوي نفسه الفاهم والباخص بكل شي وانا اللي عارف الوضع وغيري لا.

عندك الشيخ ابراهيم اقرب مثال ، انصحك تتابع ردوده الكوميدية.