استراحة اعضاء الشبكة الوطنية الكويتية (7)...

[وطني الكويت لاعدمناك]

عوذه محد نشد عني بنوووب

لله ولاقطعه رساله

 

[جواهر*]

السلام عليكم
مساكم الله بالخير

ماشاء الله استراحة يديدة
عساهي
استراحة مباركة وعامرة باصحابها
شخبار الجميع

وطني شخبارج بالغالية

السموحة ماسالت عنج غبت فترة
وانشغلت

 

[وطني الكويت لاعدمناك]

هلا وغلا فوضت ياربي يسلمج ويسمنج مسموحه يالحبيبه

انا مثلج انشغلت
عسا الله يشغلنا بطاعته

 

[الجمآن]

صبااااحكم وررررد ..~


وطني ترى سالت عنج بالعلاقات العامة
واعذريني ما ارسلت لج قلت اكيييد بتشوفيها
عزيزة وغالية والله وعسانا ما ننشغل الا بخير اللهم آمييين ...~






فوضت الحمدلله على سلامتج بشريني شلون اختج الحين ..
الف لا باس عليها عسى الله يتم عليها الشفاء والعافية
اللهم آمييين ...~





لكــــــــــم .... :قلب::وردة:

 

[الجمآن]

:باكي:سويتها ياوزير ..ماعندك ولاء نزارى ..

احذر رواد الاستراحه بعدم قبول حكم العسكر بما ان الوزير عسكرى
ومعروف تاريخيا حكم العسكر وسلبياته..

واعلن ان (النوف ) هى الرئيس الشرعى للفترة الانتقالية .
حتى موعد الانتخابات ..ويسقط الوزير وانقلابه لانه غير شرعى ..:إستنكار:

يسقط المقرود ناصر النزارى سابقا ..
http://www.youtube.com/watch?v=vcbCHlSDGpU

يحيا العدل بوطلال حيلك فيه
ترى مدري شنو مخليه يحسبني راعية مطعم والا بوفيهات

اطالب من موقعي بما اني اعشق قصص اغاثا كريستي بمنصب رئيسة المحققين والتحقيق بالمخالفات التي تتطلب بخور فورا

 

[جواهر*]

هلا وغلا وصبحج الله بالخير يالجمان
الله يسلمج من كل شر

ابشرج اختي الحين احسن من اول ولله الحمد
فديتج والله

 

[خـالـد الحجرف]

مبروكين على المنزل الجديد وان شاءالله تشغلونها بطاعه الرحمن <-- ما أضن
ابو تركي كيف حالك يا الغالي ؟
وشـ موضوع الحجز عندكم هاليومين ؟
ولـي عوده للإستراحه بعد ما تهدآ ( طنخه الرآس ) ..
​

 

[الجمآن]

هلا وغلا وصبحج الله بالخير يالجمان
الله يسلمج من كل شر

ابشرج اختي الحين احسن من اول ولله الحمد
فديتج والله

صبااااحج فل وياسميييين الغلا ..~

الحمدلله عساها دووووم بصحة وعافية :وردة:

:قلب:

 

[ابو هـــادي]

ما شاء الله تباركــ الله استراحه مباركه يارب :وردة:

بقيادة وزير الخارجيه والدفاع والمفتش العام

حبيبنا وزير مشتاقين لكــ ولسوالفكـــ:وردة:
ولايهونون بقيت الاعضاء الافاضل










متابع بعنف




​

 

[ناصر بن تركي]

مبروكين على المنزل الجديد وان شاءالله تشغلونها بطاعه الرحمن <-- ما أضن ​

ابو تركي كيف حالك يا الغالي ؟
وشـ موضوع الحجز عندكم هاليومين ؟
ولـي عوده للإستراحه بعد ما تهدآ ( طنخه الرآس ) ..​

​

ارحب ياخالد ...اطنخ وانا اخوك قالبينها انا وبسطويسي بياعة تتن (اكيد تعرفها اذوك بها
الشيبان ...خذلك دينهل خفيف على الصدر ​

انا بخير يامال الخير ...غريبة ما انحجزتوا ...حنا نسسميها مرابطة ​

الامن الداخلي ماعندنا مرابطة بس قطعوا اجازتي وانا اخوك ورجعت على وجهي ​

عندنا تكون بنفس المنطقة وجوالك مفتوح ...وبفهك اياها بعيد عن المنتدى ​

لان طلعلي واحد يقول انت كذاب وتنصب علينا بالسياسي وتكشف اسرار الدولة ​

قلتله الضباط اللي تهايط بهم عطني اي رقم واحد منهم بقوله بنص عينه كذاب اذا يعرف ​

سبب الاستنفار ...لان الخبر الحقيقي للاستنفار عند قيادة الاركان والقيادة السياسية ​

واللي يقولك يعرف السبب كذاب ولو كان لواء ​

ياخوك معاد صرت اتحمل اللي هالاغبياء تالي..ودي انه مقابلني ولا ورا كيبورد لسانه بيلوط اذنه ​

ولا قد سمعت ان الاستنفار معناه مناورة ههههههه هذا دلخ رسمي ​

يالله تصبحون على خير :وردة:​

 

[ناصر بن تركي]

ما شاء الله تباركــ الله استراحه مباركه يارب :وردة:​

بقيادة وزير الخارجيه والدفاع والمفتش العام​

حبيبنا وزير مشتاقين لكــ ولسوالفكـــ:وردة:
ولايهونون بقيت الاعضاء الافاضل ​

متابع بعنف ​

حياك يابو هادي هذي استراحة كبيرنا ابو طلال انا ضيف مثلكم والعين ماتعلى على الحاجب

لانه ملح المنتدى وفاكهتها ... نمازحة قليلا نحاول نحرك الاستراحة فقط لاغير

تابع من غير عنف ...تابع بسلمية ​

 

[ابو هـــادي]

حياك يابو هادي هذي استراحة كبيرنا ابو طلال انا ضيف مثلكم والعين ماتعلى على الحاجب

لانه ملح المنتدى وفاكهتها ... نمازحة قليلا نحاول نحرك الاستراحة فقط لاغير

تابع من غير عنف ...تابع بسلمية ​

ونعم والله فيكــ وفيه احلا ثنين عندي بالمنتدى

عليه سوالف هالشايب تونس
الله يطول بعمره يارب وبلاشكــ اهو ملح المنتدى :وردة:
​

 

[ناصر بن تركي]

دعوة عامة للجميع ومن بعد اذن ابو طلال لزيارة منتدانا بشبوه نت ومشاهدة اللقاء والمشاركة ايضا

مع الاستاذ سعود العصفور

http://www.nationalkuwait.com/vb/showthread.php?t=237606​

 

[الجمآن]

كل الشكر يالحر على الاعلان عن اللقاء ....
وسيكون لنا متابعة للقاء بلا شك ...ْ

 

[نجلآء]

ماشالله مبروووك الاستراحه الجديده . . :قلب:

،

​

 

[خجـل]

صباح الخير

مبروووك الاستراحه الجديده


:وردة:​

 

[أبوطلال]

اهداء من نجوى كرم الى محمد الطرقي..!!



يخرب بيت الاحرااااج ..احرجتينى يانجنج ..وعلى العام بعد

انا مالى شغل لاتزعلون يا مطاوعه بوعزوز ومسلم .هى اللى دازه الاهداء لى ..


.قهرنى الوزير النزارى المشفوح فى الدقيقة (4).
يقدم لها وردة حمراء ويردد اخوووووومنيرة ..يعنى رومانسى !!يتلزق بنجنج .
متحمس بو سروال وفنيلة .ياخى فل عن البنت ياكرتوووووووون .


http://www.youtube.com/watch?v=f0w6J89IbCc

 

[أبوطلال]

اهداء من الشحرورة الصبوحه الى الوزير :باكي:

عذه عذه ..عذه هذا حظك ياوزير
.دير بالك ترا الصبوحه هواويه
بتلحقك لوتنحاش مو لابها ..!!لو تروح خميس مشيط ورااك وراك ..

تقول لك ..لو تشرق لو تغرب ياناصر راح تقرب ياجميل منى !!!

ذنبك ايه ذنبك بحبك هو بعد الحب ذنب .!!!
راح تجرب نارى ..!!!امحق نااار يااخو منيرة انا اشهد انك ماعينت خير !!:إستنكار:


ياتاعبها ياوزير ..حطمت الصبوحه ياناصر ..يامفترى

اقول خلك على الشحرورة يارجل واترك نجوى حقى

.http://www.youtube.com/watch?v=9fGDDwMePTc

 

[أبوطلال]

اكثر من واحد ارسلي رسايل يقولي يعني في احد يدش بنكك
والمعنى من كلامي اني دايما على الاميل الي مسجل فيه نكي توصلني مسجات من الاداره يحطون رقم آي بي ويقولون
صاحب الـ آي بي حاول يدش بحسابك ( يعني يحط الرقم السري غلط ) ولأني طيب ماحبيت ابلغ المشرفين وأعرفه
فـ انصحه اذا يسوي الحركه هذي معا غيري ابيه ينتبه لان الاداره ترسل رقم الـ آي بي وممكن يبلغ المشرفين عنك
.. او حاول 4 مرات بس مو 5 ..
وأنصحك لا تحاول تدش بنكي لأن رقمي السري هو رقم تلفوني القديم .. ولا هقوتي تعرفه ....​

شكرا ياأخى العزيز خالد العجمى على التوضيح ..​

لقد ظهر الحق ياخالد وانى مظلوم وبرئ من وضع صور بنات فاتنات
واغانى يوتيوب ..احدهم يدخل بمعرفى خاصة
اخر وبقايا الليل
ويضع اغانى عشق وغرام وحب وسوالف مغازل وغمزات !!..​

والحبيب هذا رشدى اباظة... يعيث فسادا بمعرفى فشلنى جدام الربع والزملاء المطاوعه ​

:باكي:انا ريال مسكين كعادة الشيبان انام الساعه 10.15
واصحى الفجر ..وبعدها .اذهب لفرع الجمعية النخى والباجلاء
واعترف انى عندى حبيبة عجيز.. بعيدا عن النت.
.وحبنا افلاطونى .
و اقابلها خلف فرع الجمعية واحيانا
بالقرب من فرع التموين .ولكن مانعرف سوالف رومانسيه وغرام ..​

.وجل سوالفنا عن عدم جودة عيش التموين وزيادات معاش التقاعد

والتذمر من غلاء اسعار سمك الزبيدى .

.ومن ثم ينتهى اللقاء بعد ان اقدم لها علبة هريس ونخى تعبيرا عن مودتى وحبى لها وانا ارامش بعيونى وحواجبى
بكل حب بعد ان ارفع نظارتى الطبية
فديتها عجيزى يحمر وجهها خجلا..
من هذه الحركة وهى تبتسم ابتسامة خجوله وتغطى بقايا
اسنانها المتساقطة بطرف عبايتها ..
فديت الخجل فديت اللى يستحون ياعجيزى ياأموره :قلب: ​

:وردة:​

 

[جواهر*]

السلام عليكم

مساكم الله بالخير



ابو طلال يسعدلي مساك :وردة:​